Heydər Əliyev
yeni azerbaycan logo

Ana səhifə / Siyasət / Leyla xanım Əliyevanın təşəbbüsü Balkan ölkələrinin gənc liderləri tərəfindən qəbul edilib

Leyla xanım Əliyevanın təşəbbüsü Balkan ölkələrinin gənc liderləri tərəfindən qəbul edilib

24.06.2010 [09:33]

İslam Konfransı Gənclər Forumunun (İKGF) İstanbulda yerləşən baş ofisindən AzərTAc-a  verilən məlumata görə, “Grand Cevahir” hotelində “Cənubi-Şərqi Avropa əməkdaşlığı prosesi” mövzusunda  beynəlxalq konfrans öz işini başa çatdırıb. Konfrans İKGF, Türkiyənin rəhbərliyi altında həyata keçirilən “Cənubi-Şərqi Avropada əməkdaşlıq və təhlükəsizlik uğrunda proses”, Avropanın aparıcı gənclər təşkilatlarından olan COJEP, AŞ və Avropa Gənclər Forumunun təşkilatçılığı ilə keçirilib.
Tədbirin əsas məqsədi Balkan regionunda yerləşən ölkələr arasında qonşuluq münasibətlərində gənclərin rolunun gücləndirilməsidir.
Konfransın açılışında Azərbaycan Respublikasının  səfiri, İKGF-nin baş katibi Elşad İsgəndərov, COJEP təşkilatının vitse-prezidenti Veysəl Filiz  iştirakçıları salamlayaraq, gənc liderləri müzakirələrdə fəal olmağa və yeni fikirlərlə çıxış etməyə çağırıblar.
“Təhsil və mədəniyyətlərarası dialoq”, “Stereotiplər: KİV və vətəndaş cəmiyyəti”, “Münaqişələrin həll edilməsində gənclərin rolu”, “Gənc iş adamlarının işsizliyin aradan qaldırılmasında rolu” mövzusunda keçirilən işçi qruplarında Qərbi Avropanın aparıcı universitetlərinin müəllimləri, eləcə də  mütəxəssislər mühazirələr oxuyublar. Yunanıstan, Xorvatiya, Bosniya və Hersoqovina, Makedoniya və regionun digər ölkələrini təmsil edən gənc liderlər  müzakirələrdə fəal iştirak ediblər.
“Münaqişələrin həll edilməsində gənclərin rolu”  işçi qrupunda XX əsrdə baş verən humanitar fəlakətlər üzrə müzakirələr keçirilib. Bu seksiyada İKGF mədəniyətlərarası dialoq üzrə baş əlaqələndirici Leyla xanım Əliyevanın təşəbbüsü ilə irəli sürülən “Xocalıya ədalət” kampaniyası üzrə Litvadan olan milli əlaqələndirici Yeva Lukosevikiuyte 2008-ci ildən etibarən kampaniya çərçivəsində görülən işlər haqqında konfrans iştirakçılarına ətraflı məlumat verib. Kampaniyanın Cənubi-Şərqi Avropa ölkələrində keçirilməsi haqqında müzakirə olunan təklif, eləcə də  konfrans zamanı təsis edilmiş Cənubi-Şərqi Avropa gənclər şəbəkəsinin fəaliyyət mexanizmləri yekun İstanbul bəyannaməsində əksini tapıb.

Paylaş:
Baxılıb: 904 dəfə

Xəbər lenti

Hamısına bax

İqtisadiyyat

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30