Beynəlxalq Böhran Qrupu qərəzli dairələrin siyasi sifarişlərini həyata keçirir

Bakı:

24 °C

78 %

11 m/s

Əlaqə

AZ RU EN

Ana səhifə / Siyasət / Beynəlxalq Böhran Qrupu qərəzli dairələrin siyasi sifarişlərini həyata keçirir

Beynəlxalq Böhran Qrupu qərəzli dairələrin siyasi sifarişlərini həyata keçirir

08.09.2010 [09:43]

Ona görə də, Qrupun “hesabatı” yalan və böhtandan, heç bir fakta söykənməyən və əsası olmayan subyektiv mülahizələrdən ibarətdir
2009-cu ildə dünya iqtisadi və maliyyə böhranı baş verərkən, ekspertlər bir çox dövlətlərin sıradan çıxacağını, hətta, geosiyasi məkanda ciddi xaosun yaranacığını proqnozlaşdırırdılar. Həmin analitiklər, eyni zamanda, Azərbaycanın da bu böhrandan zərər çəkəcəyini söyləmişdilər. Amma, Prezident İlham Əliyevin rəhbərliyi ilə düşünülmüş antiböhran siyasətinin uğurla həyata keçirilməsi nəticəsində dövlətimiz dünya böhranının sınağından üzüağ çıxdı və inkişaf yolundan sapmadı. Bu faktor isə dünyanın bir çox dövlətlərini, xarici dairələrini və maraq qruplarını qıcıqlandırdı. Həmin vaxtdan başlayaraq, anti-Azərbaycan mövqeli qüvvələr müxtəlif vasitələrlə Azərbaycana təzyiq etmək, ölkəmizin beynəlxalq səviyyədə imicinə zərər vurmaq işinə başladılar. Bu işdə isə əsasən, maraq qruplarının siyasi sifarişlərini həyata keçirən qeyri-hökumət təşkilatlarından, onların hazırladıqları hesabatlardan istifadə etdilər.
Hətta, bunu o qədər açıq şəkildə həyata keçirirdilər ki, cəmiyyətimiz onların “fəaliyyət” metodlarından da xəbər tutdu. Yəni, həmin maraq qrupları özlərinin nəzarətində olan təşkilatlar vasitəsilə yalan və böhtanlardan ibarət hesabat hazırlayır, sonra isə onu ölkəmizdəki “dostları” vasitəsilə yayırlar.
Yeri gəlmişkən bir məqamı da vurğulayaq ki, erməni lobbisinin və Ermənistanın maraqlarını müdafiə edən xarici dairələr, təşkilatlar ardıcıl olaraq, Azərbaycana qarşı qərəzli iddialar irəli sürür, beynəlxalq aləmdə ölkəmizin mənfi imicinin formalaşdırılmasına çalışırlar. Təəssüf ki, Azərbaycandakı bəzi siyasi qurumlar, mətbuat orqanları milli maraqlarımızı nəzərə almayaraq anti-Azərbaycan qüvvələrinin dəyirmanına su tökür, onların anti-təbliğat kampaniyasına yardım göstərirlər...
Qeyd edək ki, Azərbaycanda xalqın Prezident İlham Əliyevin siyasətini dəstəkləməsi, ölkəmizdə siyasi sabitliyin, vətəndaş həmrəyliyinin möhkəmlənməsi, sürətli və davamlı iqtisadi inkişaf, Azərbaycanın beynəlxalq nüfuzunun artması bəzi xarici dairələrin təsiri altında olan Beynəlxalq Böhran Qrupu kimi təşkilatları da narahat edir.
Bu təşkilat da Azərbaycanın dinamik inkişafına mane olmaq istəyənlərin sifarişlərini həyata keçirmək üçün yuxarıda göstərilən metoddan istifadə edib. Belə ki, bu təşkilat Azərbaycan haqqında əsası olmayan, yalan və böhtanlardan ibarət “hesabat” dərc edib. Həmin hesabatı isə “ssenariyə” əsasən ölkəmizdə söz və fikir azadlığından sui-istifadə edən müxalifət qəzetləri dərc ediblər. Bəlkə də, bu vasitə ilə siyasi kapital qazanmağa çalışan müxalifət böyük səhvə yol verdiyini hələ də başa düşmür. Yoxsa bu cür “hesabatları” dərc etməklə, onlar anti-Azərbaycan qüvvələrin maraqlarına xidmət etdiklərinin fərqində deyillər?..
Bir sözlə, BBQ məlum maraq qruplarının sifarişlərini həyata keçirdiyi üçün onun hazırladığı “hesabat” müxalifət qəzetlərinin ciddi-cəhdlə iddia etmələrinə baxmayaraq, obyektiv qəbul edilə bilməz. çünki, bütövlükdə böhtan qrupunun “hesabatı” yalan və böhtandan, heç bir fakta söykənməyən və əsası olmayan subyektiv mülahizələrdən ibarətdir. Böhtan qrupunun “hesabatı” qərəzli xülyalardan ibarət və siyasi sifariş əsasında hazırlanmış qeyri-ciddi iddialardır. Əgər belə deyilsə, o zaman “hesabat”ı hazırlayan şəxslər hansı faktlara əsaslandıqları söyləsinlər və sübut etsinlər ki, onlar Azərbaycanda hər hansısa araşdırma aparıblar.
Ramil VƏLİBƏYOV

Paylaş:

Baxılıb: 1170 dəfə