Siyasi sabitlik iqtisadi inkişafın təminatıdır

Bakı:

13 °C

88 %

10 m/s

Əlaqə

AZ RU EN

Ana səhifə / Siyasət / Siyasi sabitlik iqtisadi inkişafın təminatıdır

Siyasi sabitlik iqtisadi inkişafın təminatıdır

14.09.2010 [10:05]

Prezident İlham Əliyev: Azərbaycanda daxili sabitlik, əmin-amanlıq, ictimai-siyasi asayiş uğurlarımızın əsas şərtidir
XX əsrdə ikinci dəfə əldə etdiyimiz dövlət müstəqilliyimiz ötən əsrin 90-cı illərinin əvvəllərində hakimiyyəti zəbt etmiş AXC-Müsavat qruplaşmasının apardığı yarıtmaz siyasət nəticəsində təhlükə qarşısında dayanmışdı. ölkədə yaşanan iqtisadi böhran, erməni işğalçılarına qarşı aparılan mübarizə ilə bərabər dövlətin daxilində baş qaldıran seperatçı qüvvələrin başlatdığı vətəndaş qarşıdurması da müstəqilliyi təhdid edən böyük amillərdən sayılırdı. Həmin günlərdə xalqın təkidli tələbi ilə Bakıya gələn və Azərbaycanı düşdüyü çətin vəziyyətdən xilas etmək üçün hərəkətə keçən Ulu öndər Heydər Əliyev qısa müddətdə ölkədə sabitliyin yaranmasına nail oldu. Tezliklə ölkədə vətəndaş cəmiyyətinin yaradılması istiqamətində fəaliyyətə başlanıldı. Yaranan sabitlik isə gələcək inkişaf trayektoriyasının əsasını təşkil edirdi. Yəni, demokratik, hüquqi dövlət quruculuğunun, iqtisadi inkişafın ən yüksək mərhələsinə çatmaq üçün ölkədə sabitliyin, əmin-amanlığın olması əsas faktordur.
Qeyd etdiyimiz məsələni tarix özü də təsdiqlədi. AXC-Müsavat hakimiyyəti dövründə Azərbaycanda baş alıb gedən xaos, özbaşnalıq, silahlı dəstələrin siyasi oyunlarda iştirakı xarici investisiyaların gənc, müstəqil ölkənin inkişafına yönəldilməsinə də mane olurdu. Yeraltı və yerüstü sərvətlərə malik Azərbaycan dövləti bu sərvətlərdən ölkənin inkişafı, vətəndaşların rifahı üçün istifadə edə bilmirdi. çünki ölkədəki qeyri-sabit durum xarici şirkətlərin siyasi hakimiyyətə etimadını azaldırdı. Bu isə yatırım qoymaq istəyən sərmayədarları fikirlərindən daşındırırdı. Ulu öndər Heydər Əliyevin hakimiyyətə gəlişi ilə Azərbaycanda yaranan sabitlik bu problemin də həllində əsaslı rol oynadı. ümummilli liderin hakimiyyətə gəlişindən sonra imzalanan “Əsrin müqaviləsi” müasir, güclü və varlı Azərbaycanın əsasını qoydu. Məhz bu müqavilə ölkəmizin dünyaya çıxışını təmin etdi, iqtisadi dinamikanın əldə edilməsinə yardımçı oldu. Bu müqavilə nəticəsində Azərbaycan dünyanın aparıcı şirkətlərinin diqqət mərkəzinə gəldi, ölkəmizdə fərqli sahələrin inkişafına sərmayələr yatırıldı. Artıq xarici kapitalın ölkəyə gəlişinə, sərmayələrin təhlükəsizliyinə heç bir təhdid yox idi. Bu isə Ulu öndər Heydər Əliyev tərəfindən əsası qoyulan və sabitliyə əsaslanan siyasi kursun uğuru idi.
Ulu öndər Heydər Əliyev tərəfindən əsası qoyulan bu siyasi kurs Prezident İlham Əliyev tərəfindən də uğurla davam etdirilir. Bu gün Azərbaycan bir çox ölkələrlə ikitərəfli əlaqələrə malikdir və bu əlaqələr nəticəsində də çoxsaylı dövlətlər ölkəmizin biznes mühitində özünə yer edib. Bu bir faktdır ki, Azərbaycan nəinki yerləşdiyi Cənubi Qaqaz regionunda, hətta böyük bir coğrafiyada xarici sərmayələrə açıq və təminat verəcək yeganə dövlətdir. Bu gün ölkəmizdə demokratik prinsiplərə sadiqlik nümayiş etdirilir, ölkə daxilində aparılan siyasi islahatlar nəticəsində Azərbaycan Qərb standartlarına yiyələnir. ölkəmizdə aparılan seçki islahatı, vətəndaş cəmiyyətinin, qeyri-dövlət sektorunun inkişafına göstərilən qayğı, mətbuata dövlət dəstəyi və diqqət dediklərimizi təsdiq edir. Azərbaycanda keçirilən seçkilərdə tətbiq olunan Qərb standartları, yüksək texnologiya bu prosesin azad, ədalətli, şəffaf və ən əsası demokratik şəkildə nəticələnməsinə təminat verir. Bundan başqa, bu gün Azərbaycan hakimiyyəti də ölkədə demokratik inkişafın təminatında, onun daha da irəliləməsində, vətəndaş cəmiyyətinin yüksək səviyyədə formalaşmasında maraqlı olduğunu ortaya qoyur, bunun təmin olunması istiqamətində iradə nümayiş etdirir.
ölkəmizdə yaradılan sabitliyin dövlətin inkişafındakı yeri Prezident İlham Əliyev tərəfindən də hər zaman xüsusi olaraq vurğulanır. Sentyabrın 1-də Dövlət Bayrağı Meydanının açılışı zamanı söylədiyi nitqində dövlət başçısı bir daha bu məsələyə toxunub. Prezident İlham Əliyev bildirib ki, ölkəmizdə yaradılan daxili sabitlik inkişafın əsas şərtidir: “Bu gün Azərbaycan möhkəm əsaslar üzərində uğurla inkişaf edir. ölkə daxilində gedən bütün proseslər müsbət istiqamətdə inkişaf edir. Azərbaycanda daxili sabitlik, əmin-amanlıq, ictimai-siyasi asayiş uğurlarımızın əsas şərtidir. Biz iqtisadi, siyasi islahatları bu möhkəm əsas üzərində aparırıq. ölkədə demokratikləşmə prosesləri çox uğurla gedir”.
Pərviz SADAYOÄžLU

Paylaş:

Baxılıb: 1039 dəfə