Brüssel görüşü vaxtı...
08.04.2022 [09:53]
Ermənilərin hərbi təxribatı danışıqlara zərbə vurmağa hesablanıb
Nardar BAYRAMLI
Avropa İttifaqı Şurasının Prezidenti Şarl Mişelin təşəbbüsü ilə aprelin 6-da Brüsseldə Azərbaycan Prezidenti İlham Əliyev və Ermənistanın baş naziri Nikol Paşinyan arasında üçtərəfli görüşün keçirildiyi vaxt Ermənistan hərbi birləşmələri dövlət sərhədində təxribat törədib. Belə ki, Azərbaycan Müdafiə Nazirliyinin yaydığı məlumata görə, Ermənistan silahlı qüvvələrinin bölmələri aprelin 6-sı axşam saatlarında dövlət sərhədinin Tovuzqala rayonunun Müsürskənd yaşayış məntəqəsində yerləşən mövqelərindən Azərbaycan Ordusunun Tovuz rayonunun Ağdam yaşayış məntəqəsi istiqamətində yerləşən mövqelərini müxtəlif çaplı silahlardan atəşə tutub. Ordumuzun bölmələri tərəfindən adekvat cavab tədbirləri görülüb.
Brüsseldə ölkə rəhbərləri səviyyəsində diplomatik danışıqların aparıldığı bir zamanda erməni tərəfinin törətdiyi bu hərbi təxribat hansı məqsədlərə xidmət edir? Məsələ ilə bağlı qəzetimizə açıqlamasında politoloq Ramiz Alıyev bildirib ki, hər iki ölkədə Brüsseldə keçirilən görüşün nəticələri böyük maraqla gözlənilirdi. Belə bir şəraitdə dövlət sərhədində təxribatın törədilməsi Ermənistanın ikili oyunudur. Onun sözlərinə görə, hərbi təxribat Ermənistan müxalifətinin sifarişi ilə də törədilə bilər: “Ermənistan silahlı qüvvələrində keçmiş prezidentlər Robert Koçaryanın və Serj Sarkisyanın adamları çoxdur. Demək olar ki, erməni ordusunun rəhbər heyəti daha çox Koçaryanın və Sarkisyanın adamlarından ibarətdir. Bilirsiniz ki, parlament seçkiləri ərəfəsində Ermənistan silahlı qüvvələrinin baş qərargah rəisi açıq şəkildə Paşinyana qarşı çıxdı və onu bir sıra generallar da dəstəklədilər. Seçkilər zamanı generalitet daha çox Koçaryanı müdafiə etdi. Amma Paşinyan öz hakimiyyətini qoruya bildi. R.Koçaryan müxalifətdə olaraq revanşist qüvvələrin rəhbəri kimi tanınır. Buna görə də hakimiyyət orduda təmizləmə əməliyyatı aparır. Biz görürük ki, müharibədən bir ildən çox vaxt keçsə də, bu ölkədə gərginlik səngimir. Sosial-iqtisadi böhranla yanaşı, Ermənistanda siyasi-hərbi böhran da davam edir. Biz işğalçı ölkəyə müharibə dövründə elə bir zərbə vurmuşuq ki, uzun illər özünə gələ bilməyəcək. Onların çıxış yolu beynəlxalq hüquq normaları çərçivəsində Azərbaycanın ərazi bütövlüyünü tanımaq və sülh müqaviləsi imzalamaqdır. Müxalifət Brüssel görüşünə qarşı İrəvanda mitinq də təşkil etdi. Görünən odur ki, Koçaryan-Sarkisyan müxalifəti beynəlxalq hüquq normaları əsasında iki ölkə arasında sülhün əldə olunmasını istəmir. Mitinqin ardınca sərhəddə hərbi təxribatın törədilməsi də Brüssel görüşünə zərbə vurmağa hesablanıb. Amma bütün hallarda ermənilər özlərinə ziyan edirlər. Onların sülhə gəlməkdən başqa şansları yoxdur. Ona görə də, nə qədər tez düzgün qərar versələr, bir o qədər özləri üçün yaxşı olacaq”.
Politoloq qeyd edib ki, erməni hərbi birləşmələrinin təxribatlarına ordumuz layiqli cavab verir: “Müdafiə Nazirliyinin məlumatında da qarşı tərəfə adekvat cavab verildiyi bildirilir. Vətən müharibəsində erməni ordusunu darmadağın etdik. Bizim güclü ordumuz var və silahlı qüvvələrimiz güclənməkdə davam edir. Azərbaycan Prezidenti, Silahlı Qüvvələrin Ali Baş Komandanı İlham Əliyevin göstərişinə əsasən Azərbaycan Ordusunda aparılan islahatlar çərçivəsində müasir standartlara cavab verən hərbi infrastrukturun yaradılması və bölmələrin döyüş hazırlığının yüksəldilməsi istiqamətində həyata keçirilən tədbirlər davam etdirilir, Ermənistanla dövlət sərhədində yeni hərbi hissələr yaradılır. Elə ötən gün yayılan məlumata əsasən müdafiə naziri, general-polkovnik Zakir Həsənov və nazirliyin digər rəhbər heyəti Quru Qoşunlarının Ümumqoşun Təlim Mərkəzində yeni inşa edilmiş inzibati binada yaradılan şərait, həmçinin təlim sahəsində görülən işlərlə tanış olub. Sonra nazirliyin rəhbər heyəti Kəlbəcər rayonunda yerləşən hərbi hissədə yaradılan şəraitlə tanış olub. Ordunun daha da güclənməsi məqsədilə 2022-ci ilin dövlət büdcəsində müdafiə xərclərinə əvvəlki ildən daha artıq vəsait ayrılıb. Yəni ordu quruculuğu, müdafiəmiz həmişə ön planda olmalıdır. Hazırda Ermənistanla sərhəddə yeni hərbi hissələrin yaradılması, onların təminatının yüksək səviyyədə təmin edilməsi də bu məqsədə xidmət edir. Yeni hərbi hissələrin yaradılması Azərbaycan ordusunun gücündən xəbər verir. Bu səbəbdən də, erməni tərəfi hərbi təxribatlara son qoymalıdır. Əks halda, dəmir yumruğu yenə də başlarının üzərində görəcəklər”.
Xəbər lenti
Hamısına bax
İqtisadiyyat
23 Aprel 18:22
Dünya
23 Aprel 17:19
Dünya
23 Aprel 16:28
İqtisadiyyat
23 Aprel 15:51
Dünya
23 Aprel 15:51
Sosial
23 Aprel 15:43
Dünya
23 Aprel 15:32
YAP xəbərləri
23 Aprel 15:25
Sosial
23 Aprel 15:19
Dünya
23 Aprel 14:59
Dünya
23 Aprel 14:25
Sosial
23 Aprel 14:21
Gündəm
23 Aprel 14:13
Sosial
23 Aprel 13:57
Elanlar
23 Aprel 13:52
Sosial
23 Aprel 13:43
Dünya
23 Aprel 13:19
Gündəm
23 Aprel 12:48
Siyasət
23 Aprel 12:47
Dünya
23 Aprel 12:40
Xəbər lenti
23 Aprel 12:14
Dünya
23 Aprel 12:12
Siyasət
23 Aprel 11:56
Gündəm
23 Aprel 11:37
Dünya
23 Aprel 11:10
Sosial
23 Aprel 11:05
MEDİA
23 Aprel 10:52
Sosial
23 Aprel 10:43
Gündəm
23 Aprel 10:30
Analitik
23 Aprel 10:16
Analitik
23 Aprel 09:58
Ədəbiyyat
23 Aprel 09:31
Analitik
23 Aprel 09:14
Sosial
23 Aprel 08:50
Sosial
23 Aprel 08:33
İdman
23 Aprel 07:50
İdman
23 Aprel 07:50
İdman
23 Aprel 07:49
İdman
23 Aprel 07:41
Dünya
23 Aprel 07:30
Dünya
22 Aprel 23:35
Xəbər lenti
22 Aprel 23:18
İqtisadiyyat
22 Aprel 22:54
İqtisadiyyat
22 Aprel 22:42
Dünya
22 Aprel 22:20
Dünya
22 Aprel 21:49
Siyasət
22 Aprel 21:39
Siyasət
22 Aprel 21:38
Siyasət
22 Aprel 21:38
İdman
22 Aprel 21:33
İqtisadiyyat
22 Aprel 21:15
Siyasət
22 Aprel 21:07
Dünya
22 Aprel 20:58
Gündəm
22 Aprel 20:58
Siyasət
22 Aprel 20:56
Dünya
22 Aprel 20:22
Dünya
22 Aprel 20:13
Siyasət
22 Aprel 19:56
Xəbər lenti
22 Aprel 19:45
Dünya
22 Aprel 19:31
Dünya
22 Aprel 19:17
Siyasət
22 Aprel 18:53
Hadisə
22 Aprel 18:38
Müsahibə
22 Aprel 18:25
Dünya
22 Aprel 17:41
Gündəm
22 Aprel 17:37
Sosial
22 Aprel 17:32
Sosial
22 Aprel 17:08
Xəbər lenti
22 Aprel 17:08
Siyasət
22 Aprel 17:06
