Avropada yeni “virus” tüğyan edir

Bakı:

25 °C

83 %

4 m/s

Əlaqə

AZ RU EN

Ana səhifə / Siyasət / Avropada yeni “virus” tüğyan edir - islamofobiya

Avropada yeni “virus” tüğyan edir - islamofobiya

29.04.2022 [10:33]

Məlik MƏMMƏDOV

Dünya hələ indi-indi koronavirus pandemiyasından sonra özünə gəlməyə başlayır. Lakin müşahidələr göstərir ki, son illər Avropada daha bir virus yayılır. Bu da koronavirusdan daha təhlükəli olan islamofobiyadır.

Ümumdünya İnsan Hüquqları Bəyannaməsinə və insan haqlarını qoruyan digər beynəlxalq sənədlərə əsasən, dini etiqad azadlığı mövcuddur və heç kim dini zəmində nifrət salmamalı, ayrı-seçkilik etməməlidir. Lakin bu günlərdə insan hüquq və azadlıqlarını əsas dəyər elan edən Qərb ölkələrində islamofobiya meyillərinin artdığını görürük.

Türkiyə Prezidenti Rəcəb Tayyib Ərdoğan da bu faktı aprelin 27-də çıxışı zamanı qeyd edib. Onun sözlərinə görə, bu gün bəşəriyyət nifrət və dözümsüzlük təzahürlərinin yeni dalğasını yaşayır. “Təəssüf ki, dünya ictimaiyyəti tarixin verdiyi dərslərdən nəticə çıxarmayıb, bu da ksenofobiya və islamofobiya zəminində cinayətlərin artmasına səbəb olub”, - deyə Prezident bildirib. O, radikal qüvvələrin Qərbdə artan populyarlığının narahatlıq doğurduğunu bildirib.

Doğrudan da, təcrübə göstərir ki, Avropada müsəlmanlara qarşı nifrət və ayrı-seçkilik meyilləri güclənib. Bu yaxınlarda Fransa prezidentliyinə namizəd Marin Le Pen prezident seçkilərinin ikinci turu ərəfəsində Makronla teledebat zamanı ictimai yerlərdə hicab taxmağın qadağan edilməsinin tərəfdarı olduğunu bildirmişdi. Onun sözlərinə görə, hicab “islamçılar tərəfindən məcbur edilən forma”dır. Xoşbəxtlikdən Le Penin çağırışlarına cavab olaraq, onun dini simvollar, terrorizm və islamçılıq kimi anlayışları qarışdırdığını və bu cür qərarların vətəndaş müharibəsinə səbəb ola biləcəyini deyən Makron sonda seçkidə qalib gəldi.

Aprelin 14-də xəbər verilmişdi ki, İsveçin Linçöpinq şəhərində Danimarkanın ultrasağçı “Sırt kurs” (Stram Kurs) hərəkatının lideri Rasmus Paludan polisin müşayiəti ilə əsasən müsəlman ölkələrindən gələn mühacirlərin yaşadığı məhəllənin meydanlarından birinə gələrək Qurani-Kərimi yerə atıb və yandırıb. Qəzəblənən vətəndaşlar polisi irqçi liderin təxribatının qarşısını almağa çağırsalar da, hüquq-mühafizə orqanlarının əməkdaşları bu tələbə məhəl qoymayıblar. Üstəlik, heç bir cəza almayan irqçi və islamofob 5 gün sonra Danimarkanın Tornbü şəhərində yenə də müsəlman məhəlləsində bu iyrənc hərəkətini təkrarladı. Paludan Quranı yandırarkən onu 30-a yaxın polisin qoruduğu bildirilir.

Bu cür hərəkətlər din etiqad azadlığına ziddir, eyni zamanda, xalqların dinc yanaşı yaşaması prinsiplərini pozur. Rasmus Paludan və tərəfdarları müsəlmanları qəsdən təhrik edir, onların müqəddəs simvollarını ləkələyir, lakin Qərb ölkələri islam?fobiya və dözümsüzlüyü dövlət səviyyəsində dəstəklədiklərini nümayiş etdirirlər.

Sabah bu ölkələrdə yaşayan və “demokratik” polislərin reaksiyasını görməyən müsəlmanlar etirazlarını bildirəndə Avropa mediası onların “əsassız aqressivliyi”ndən, “Avropa cəmiyyətinə inteqrasiya oluna bilməməsi”ndən yazmağa can atacaq. Paradoksal deyilmi?!

Paludanın İsveçdəki hərəkətindən bir neçə gün sonra Torontoda naməlum şəxs məsciddən qayıdan müsəlmanlara atəş açıb, nəticədə 5 nəfər yaralanıb. Bu cür cinayətlərin yaranmasına səbəb başqalarına “demokratiya dərsi” keçən Qərb mediasının və siyasətçilərinin məsuliyyətsizliyidir.

Paylaş:

Baxılıb: 1665 dəfə