Milli faciələrdən siyasi məqsədlərlə istifadə edən, qan üstündə hakimiyyətə gələnlərin kimlikləri Azərbaycan xalqına bəllidir

Bakı:

26 °C

56 %

11 m/s

AZ RU EN

Ana səhifə / Siyasət / Milli faciələrdən siyasi məqsədlərlə istifadə edən, qan üstündə hakimiyyətə gələnlərin kimlikləri Azərbaycan xalqına bəllidir

Milli faciələrdən siyasi məqsədlərlə istifadə edən, qan üstündə hakimiyyətə gələnlərin kimlikləri Azərbaycan xalqına bəllidir

29.03.2011 [09:12]

Müasir və qüdrətli Azərbaycanın iqtisadi uğurları siyasi sabitliyə söykənir
Cənubi Qafqaz regionunun ən inkişaf etmiş ölkəsi olan Azərbaycanın son illərdə əldə etdiyi uğurlu inkişafın arxasında düzgün istiqamətlənmiş iqtisadi siyasətlə yanaşı, sabitlik amili də dayanır. 1993-cü ildə Ulu öndər Heydər Əliyevin xalqın təkidli tələbi ilə siyasi hakimiyyətə qayıdışı ilə bərpa olunan sabitlik müasir, qüdrətli və iqtisadi cəhətdən inkişaf etmiş Azərbaycanın təməlini qoydu.
Qeyd etmək lazımdır ki, bu gün müstəqil Azərbaycan dünyanın aparıcı enerji layihələrində yer almaqla, ən əsası isə Avropa məkanının alternativ enerji xətti kimi, o cümlədən, digər qlobalmiqyaslı layihələrdə aparıcı dövlətlərin əsas tərəfdaşlarından birinə çevrilib. ölkəmizin günü-gündən güclənməsi, nəinki regionda, daha böyük bir coğrafi ərazidə söz sahibinə çevrilməsi və müstəqil xarici siyasət kursu yürütməsi bir sıra maraqlı xarici qüvvələri narahat edir. Həmin dairələr ölkəmizdə özünü siyasi qüvvə hesab edən kiçik bir qrupun əliylə zaman-zaman Azərbaycanda ara qarışdırmaq, xalqı çaşdırmağa çalışır. Təbii ki, onların bu cəhdləri yalnız cəhddən başqa bir anlam daşımır.
Həmin ara qarışdırmaq istəyən, ölkəmizdəki siyasi sabitliyi pozmağa, iqtisadi inkişafa maneə törətməyə çalışan bu qüvvələrin kimliyi, onların məqsədləri hər bir ölkə vətəndaşına bəllidir. özünü müxalifət adlandıran bu insanlar hələ 1990-cı illərdə SSRİ-nin dağıldığı bir zamanda imperiya güclərinin ölkəmizə qarşı yürütdüyü soyqırımı siyasətindən öz siyasi məqsədləri üçün istifadə edirdilər. O zamankı hakimiyyəti, Əbdürrəhman Vəzirovu məhz bu qrupa qarşı güzəştlərə məcbur edən həmin insanlar ölkənin qanunverici orqanında çoxluğu ələ almaq üçün 1990-cı ilin 20 Yanvar faciəsindən də öz siyasi məqsədləri üçün, 1992-ci ildə baş verən Xocalı soyqırımından hakimiyyətə gəlmək üçün istifadə etdilər. Məhz silah və təhdid yolu ilə, qan üstündə hakimiyyətə gələn bu qüvvələrin hakimiyyətdə olduqları dövr hər kəsin yaddaşındadır. Həmin dövrdə yaratdıqları şəxsi məqsədlərə xidmət göstərən qeyri-qanuni silahlı qüvvələr siyasi oyunların oyuncağına çevrilmişdi. Bakıda kürsüsü “laxlayan” kimi tabeliyində olan silahlı qrupu döyüş meydanından geri çəkən bu qüvvələr rayonlarımızın ermənilər tərəfindən işğalına şərait yaradırdılar. Hər kəsin yaddaşındadır ki, hər hansı bir qanunu qəbul etdirmək üçün Milli Məclisin həyətində tanklar saxlayan və xalqı silahlı təhdid ilə idarə etməyə üstünlük verən bu insanlar o zamanlarda da maraqlı xarici qüvvələrin əmrlərini yerinə yetirirdilər. Bunun nəticəsi idi ki, bir sıra xarici ölkələrin maraqlı dairələri AXC-Müsavat hakimiyyətinin fərqli nümayəndələrini dəstəkləyir, həmin şəxsləri dövlət başçısı etmək istəyirdilər. Belə demək mümkündürsə, həmin rəhbər şəxslərin əli ilə xarici dairələr ölkəmizdə öz maraqlarını rahat şəkildə təmin edirdilər. Təbii ki, xalqımız bütün bu eybəcərlikləri, AXC-Müsavat hakimiyyətinin səriştəsizliyini, ən əsası isə ölkəni xarici maraqlara satmağa hazır olduqlarını görərək onları hakimiyyətdən uzaqlaşdırdı.
Bu gün də həmin dövrdə xarici dairələrin nökəri funksiyasını yerinə yetirən, onların əmrlərinə müntəzir olan, maddi vəsait qarşılığında dövlətini, xalqını, millətini istənilən an satmağa hazır olan bir sıra qüvvələr ölkədə siyasi sabitliyi pozmaqla öz istəklərinə nail olmaq, Azərbaycanda xaos yaratmaq istəyirlər. Amma onlar özləri də bunun mümkün olmadığını dəqiq bilirlər. Məhz arxasında Azərbaycan xalqının siyasi iradəsi dayanan Azərbaycan hakimiyyəti millətin mənafeyi uğrunda hər zaman mübarizə aparır. Xalqımız isə xarici qüvvələrin baltasına sap olan həmin satqın qüvvələrin kimliyini, onlara verdikləri “qiyməti” hər bir seçkidə onların özlərinə nümayiş etdirir. Bu, ölkəmizdə vahid xalq-hakimiyyət tandeminin sarsılmazlığından xəbər verir.
Pərviz SADAYOÄžLU

Paylaş:

Baxılıb: 999 dəfə