Heydər Əliyev
yeni azerbaycan logo

Ana səhifə / Siyasət / Nüsrət Məmmədov: Dünya azərbaycanlılarının bir mərkəzdə birləşməsi bizim gücümüzü artıran və həmrəyliyimizi təmin edən başlıca faktordur

Nüsrət Məmmədov: Dünya azərbaycanlılarının bir mərkəzdə birləşməsi bizim gücümüzü artıran və həmrəyliyimizi təmin edən başlıca faktordur

09.07.2011 [12:22]

“Cari ilin iyul ayının 5-də  Bakıda, Heydər Əliyev Sarayında keçirilən Dünya azərbaycanlılarının III qurultayı olduqca əlamətdar hadisə kimi səciyyələndirilməlidir. Qurultayda səsləndirilən fikirlər, bəyan edilən ideyalar bir daha onu göstərdi ki, eyni amala xidmət edən, eyni məfkurə ətrafında birləşən dünya azərbaycanlılarının bir mərkəzdə birləşməsi bizim gücümüzü artıran və həmrəyliyimizi təmin edən başlıca faktordur”. Bu fikri Türkdilli ölkələrin Siyasətinə Dəstək Fondunun sədri Nüsrət Məmmədov bildirib. Qeyd edib ki, Dünya azərbaycanlılarının III qurultayında söylənilən fikirlər, verilən tövsiyələr diaspor təşkilatlarının bundan sonrakı fəaliyyətində əsas istiqamət olmalı və diasporanın fəaliyyəti milli ideya, milli məfkurə əsasında təşkil edilməlidir.
Azərbaycanın beynəlxalq miqyasda etibarlı strateji tərəfdaş kimi qəbul edildiyini deyən N.Məmmədov bildirib ki, bəzi ölkələrin Azərbaycana qarşı həyata keçirdiyi təxribatçı siyasətin qarşısının alınmasında da diaspor təşkilatları özlərinə məxsus rol oynamalıdırlar: “Son zamanlar bəzi qərəzli dairələr ölkəmizin daxili işlərinə qarışmağa cəhd edir və bu istiqamətdə ən çirkin üsul və vasitələrə əl atırlar. Hesab edirəm ki, xaricdə yaşayan soydaşlarımız və diaspor təşkilatlarımız həmin ölkələrin müvafiq qurumları qarşısında müəyyən zaman kəsiklərində etiraz aksiyaları təşkil etməli və özlərinin haqlı iradlarını bildirməlidirlər. Bu, həmin ölkələrin qərəzli siyasətinə qarşı cavab reaksiyası xarakteri daşımalıdır”.
Qeyd edək ki, Azərbaycan Prezidentinin müvafiq Sərəncamı ilə “Tərəqqi” medalı ilə təltif olunan diaspor nümayəndələrindən biri də Nüsrət Məmmədovdur. N.Məmmədov Prezidentin bu addımını diaspor nümayəndələrinin fəaliyyətinə yüksək qiymət verməsi kimi dəyərləndirib və əlavə edib ki, bu, hər birimizi daha səmərəli fəaliyyətə sövq edir.

Paylaş:
Baxılıb: 1023 dəfə

Xəbər lenti

Hamısına bax

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30