YAP qayğıya ehtiyacı olan insanlara daim maddi və mənəvi dəstək göstərir

Bakı:

26 °C

43 %

4 m/s

Əlaqə

AZ RU EN

Ana səhifə / Siyasət / YAP qayğıya ehtiyacı olan insanlara daim maddi və mənəvi dəstək göstərir

YAP qayğıya ehtiyacı olan insanlara daim maddi və mənəvi dəstək göstərir

23.08.2011 [10:41]

Yeni Azərbaycan Partiyası Bilgəh qəsəbəsində yerləşən Müharibə və Əmək Əlilləri üçün Pansionatda iftar süfrəsi təşkil edib
Müqəddəs Ramazan ayında edilən ən böyük ibadətlərdən biri də Oruc tutmaqdır. Oruc tutmaq fəzilətli bir əməl olduğu kimi, oruclu bir kimsəyə iftar vermək də onun qədər fəzilətlidir. Məhz elə bu fəzilətli əməlin savabına nail olmaq və cəmiyyətin qayğıya ehtiyacı olan təbəqəsinə maddi və mənəvi dəstək vermək məqsədi ilə Yeni Azərbaycan Partiyası dünən Əmək və Əhalinin Sosial Müdafiəsi Nazirliyinin Sabunçu rayonunun Bilgəh qəsəbəsində yerləşən Müharibə və Əmək Əlilləri üçün Pansionatında iftar süfrəsi təşkil edib.
İftar mərasimində Milli Məclisin deputatı Rauf Əliyev, “Yeni Azərbaycan” qəzetinin baş redaktoru Hikmət Babaoğlu, “İki sahil” qəzetinin baş redaktoru, YAP Siyasi Şurasının üzvü Vüqar Rəhimzadə, “Səs” qəzetinin baş redaktoru Bəhruz Quliyev, YAP Sabunçu rayon təşkilatının sədri Mehriban Abasquliyeva və YAP Xəzər rayon təşkilatının sədri, partiyanın Siyasi Şurasının üzvü Namiq Əhmədov iştirak ediblər.
YAP Sabunçu rayon təşkilatının sədri Mehriban Abasquliyeva mərasimdə çıxış edərək ölkəmizin aparıcı siyasi qüvvəsi olan Yeni Azərbaycan Partiyası tərəfindən bu cür humanizm aksiyalarının davamlı şəkildə keçirildiyini bildirib. O, oruc tutan insanlara bol ruzi, cansağlığı arzulayıb.
“İki sahil” qəzetinin baş redaktoru, YAP Siyasi Şurasının üzvü Vüqar Rəhimzadə Yeni Azərbaycan Partiyasının milli-mənəvi dəyərlərə ehtiram bəslədiyini, qayğıya ehtiyacı olan insanlara dəstək verdiyini vurğulayıb. V.Rəhimzadə bildirib ki, partiya funksionerləri dəfələrlə bu məkanda ahıl insanların görüşünə gəlib və müqəddəs bayramlarımız münasibətilə onları təbrik edib. “Qayğıya ehtiyacı olan insanlara hər zaman dəstək vermək Ulu öndərimiz Heydər Əliyevin müəyyənləşdirdiyi siyasətin tərkib hissəsidir. Azərbaycan Prezidenti cənab İlham Əliyev bu siyasəti uğurla davam etdirir. Heydər Əliyev siyasətinin təbliğatçısı olan Yeni Azərbaycan Partiyası da fəaliyyətində bu prinsipi daim diqqət mərkəzində saxlayır” - deyə YAP Siyasi Şurasının üzvü qeyd edib.
Bildirilib ki, Ramazan həmrəylik, dostluq, qardaşlıq, sevgi, mərhəmət və ruzi ayıdır. Azərbaycanda təşkil olunan iftar süfrələri də ölkəmizdə ənənəvi tolerantlığı və sıx birliyi nümayiş etdirir.
Pansionatın direktoru Bəhruz Əlmədətov çıxış edərək müəssisənin sakinlərinə göstərilən diqqət və qayğıya görə, YAP rəhbərliyinə təşəkkürünü bildirib. Onun sözlərinə görə, pansionatın sakini olan 187 ahıl insan Azərbaycan dövlətinin qayğısını daim hiss edir və Prezident İlham Əliyevin həyata keçirdiyi siyasəti dəstəkləyirlər.
Nardar BAYRAMLI

Paylaş:

Baxılıb: 1052 dəfə