Heydər Əliyev
yeni azerbaycan logo

Ana səhifə / Siyasət / Kaspi Təhsil Mərkəzi yeni layihələrini təqdim edib

Kaspi Təhsil Mərkəzi yeni layihələrini təqdim edib

14.09.2011 [09:53]

Kaspi Təhsil Mərkəzi ənənəvi olaraq illik yekun hesabat tədbiri keçirib.
AzərTAc xəbər verir ki, tədbirdə mərkəzin ötən tədris ilində fəaliyyəti, qazandığı nailiyyətlər barədə məlumat verilib, 2011/2012-ci tədris ili üçün nəzərdə tutulmuş yeni layihələr təqdim edilib.
“Kaspi” Şirkətlər Qrupunun rəhbəri Sona Vəliyeva tədbir iştirakçılarını mərkəzin fəaliyyəti barədə ətraflı məlumatlandırıb. Bildirib ki, Kaspi Təhsil Mərkəzi paytaxt sakinlərinin mərkəzin xidmətindən rahatlıqla istifadə etmələri üçün cari ildə filiallarının sayını 5-ə çatdırıb. Bundan əlavə, mərkəz bir neçə uğurlu layihələr həyata keçirib. “Azercell” şirkətinin dəstəyi ilə jurnalistlər üçün, Daxili İşlər Nazirliyinin dəstəyi ilə isə polis əməkdaşlarına peşəkar dil kursları təşkil edilib. Layihələr bu gün də davam etdirilir.
S.Vəliyeva Kaspi Təhsil Mərkəzinin qarşıdan gələn tədris ilinə yeni nəşrləri ilə qədəm qoyduğunu da diqqətə çatdırıb. Bildirib ki, bu il “Kimya” və “İngilis dili” fənləri üzrə dərs vəsaiti, Azərbaycan tarixi və ingilis dili üzrə test bankları nəşr olunub. Şirkətlər Qrupunun rəhbəri yaxın gələcəkdə də bir sıra kitabların işıq üzü görəcəyini bildirib.
Mərkəzin yeni layihələri barədə tədbir iştirakçılarına ətraflı məlumat verən S.Vəliyeva yeni tədris ili üçün uşaq hazırlığı layihəsinin həyata keçirildiyini deyib. Bildirib ki, “Kaspi Kids” adlı bu layihə artıq yeni tədris ilindən xidmət göstərəcək. Bu layihə 4, 5 və 6 yaşlı uşaqlar üçün nəzərdə tutulub. O, peşəkar xidmətlər göstərəcək bu layihəyə məktəbəqədər hazırlıq, uşaqlar üçün ingilis və rus dilləri, rəsm dərnəyi daxil olduğunu bildirib.
Kaspi Təhsil Mərkəzinin direktoru Elnur Əliyev layihələrin uğurla həyata keçirildiyini diqqətə çatdırıb. O, mərkəzlə əməkdaşlıq edən universitetlərin sayının 70-ə çatdığını, 50-yə yaxın tələbənin xaricdə bakalavr və magistr pillələri üzrə təhsilinin təmin edildiyini vurğulayıb.
Ailə, Qadın və Uşaq Problemləri üzrə Dövlət Komitəsi sədrinin müavini Aynur Sofiyeva, professor Yəhya Kərimov və digər çıxış edənlər mərkəzin fəaliyyəti, təhsil sahəsində gördüyü uğurlu işlər və əldə etdiyi nailiyyətlər barədə danışıblar.
Sonda bu il ali məktəblərə qəbul imtahanlarında yüksək nəticə göstərmiş tələbələrə Kaspi Təhsil Mərkəzinin hədiyyələri təqdim edilib.

Paylaş:
Baxılıb: 967 dəfə

Xəbər lenti

Hamısına bax

Analitik

3 saatlıq görüş...

14 Noyabr 09:58

Analitik

Şatdaun sona çatdı...

14 Noyabr 09:31  

Ədəbiyyat

Maraqlı

Zəhərli şirinlik...

14 Noyabr 08:52  

MEDİA

YAP xəbərləri

İqtisadiyyat

Siyasət

Siyasət

Mədəniyyət

MEDİA

Analitik

Ədəbiyyat

Sosial

İqtisadiyyat

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30