Heydər Əliyev
yeni azerbaycan logo

Ana səhifə / Sosial / Xəzər rayonundakı 14 nömrəli birləşmiş şəhər xəstəxanasında müayinə olunanların 179-da müxtəlif xəstəliklər aşkarlanıb

Xəzər rayonundakı 14 nömrəli birləşmiş şəhər xəstəxanasında müayinə olunanların 179-da müxtəlif xəstəliklər aşkarlanıb

05.03.2014 [09:45]

Prezident İlham Əliyevin fevralın 17-dən mayın 1-dək bütün ölkə vətəndaşlarının icbari tibbi müayinədən keçirilməsi ilə bağlı verdiyi tapşırıq Xəzər rayonunun 30 min sakininə xidmət göstərən 14 nömrəli birləşmiş şəhər xəstəxanasında da uğurla icra olunur.
AzərTAc xəbər verir ki, bu barədə xəstəxananın baş həkimini əvəz edən Nailə Qarayeva məlumat verib. O deyib ki, ən müasir avadanlıqlarla təchiz olunmuş xəstəxanada fevralın 17-dən indiyədək 1112 nəfər yoxlanılıb. Müayinə olunanların 179-da müxtəlif xəstəliklər aşkarlanıb. Onların 17-si stasionar müalicəyə cəlb olunub.
N.Qarayeva sakinlərin əsasən göz xəstəliklərindən əziyyət çəkdiklərini diqqətə çatdırıb. Bildirib ki, xəstəlik aşkarlanan sakinlərin 59-da göz xəstəliyi, 2-də infarkt, 1-də şəkərli diabet, hətta 1 nəfərdə suçiçəyi aşkar edilib. Bu isə ölkə başçısının tapşırığı əsasında vətəndaşların icbari tibbi müayinədən keçirilməsi aksiyasının böyük əhəmiyyətini göstərir.
Müayinədən keçənlər öz sağlamlıqları barədə məlumat əldə etdiklərinə görə dövlət başçısının bu humanist addımından razılıqlarını bildiriblər.
Sürücü Fələk Məmmədov isə deyib: “Mən də rayon sakini kimi bütün müayinələrdən keçdim. Xəstəxananın təcrübəli həkimləri onurğa sütunumda yırtıq aşkar etdilər. İndi məni stasionar müalicəyə göndərirlər. Bizim kimi sadə insanların sağlamlıqlarının qeydinə qaldığına görə Prezident İlham Əliyevə öz dərin minnətdarlığımı bildirirəm”.

Paylaş:
Baxılıb: 1046 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30