Qanunsuz parklamalarla bağlı yazı müsabiqəsinin qalibləri mükafatlandırılıblar

Bakı:

16°C

77%

2m/s

Əlaqə

AZ RU EN

Ana səhifə / Sosial / Qanunsuz parklamalarla bağlı yazı müsabiqəsinin qalibləri mükafatlandırılıblar

Qanunsuz parklamalarla bağlı yazı müsabiqəsinin qalibləri mükafatlandırılıblar

19.03.2016 [10:13]

Dünən Beynəlxalq Mətbuat Mərkəzində “Qanunsuz Parklamalara Qarşı Mübarizə” İctimai Hərəkatı və “Azadinform” İnformasiya Agentliyinin Bakı şəhər Dövlət Yol Polisi İdarəsinin dəstəyi ilə jurnalistlər arasında keçirdiyi müsabiqənin mükafatlandırma mərasimi təşkil olunub. “Azadinform” xəbər verir ki, tədbirdə “Azadinform” İA-nın baş redaktoru Niyaz Niftiyev, “Qanunsuz Parklamalara Qarşı Mübarizə” İctimai Hərəkatının rəhbəri İskəndər Quliyev, Bakı şəhər Dövlət Yol Polisi İdarəsi İctimaiyyətlə əlaqələr şöbəsinin rəisi, polkovnik Vaqif Əsədov, Bakı şəhər Baş Polis İdarəsinin əməkdaşı, polis kapitanı Elşad Hacıyev, müxtəlif KİV nümayəndələri və digər qonaqlar çıxış ediblər.
Tədbirdə çıxış edən “Azadinform” İA-nın baş redaktoru Niyaz Niftiyev deyib ki, yanlış parklama ən çox rast gəlinən qayda pozuntusudur: “Müsabiqəyə fevralın 16-da start verilib. KİV nümayəndələri qanunsuz parklama, yollarda üzləşdiyimiz problemlər, onların həlli yolları ilə bağlı yazılar təqdim ediblər. Bakı bu gün beynəlxalq tədbirlərə ev sahibliyi edir, ona görə də hesab edirəm ki, bu problemin işıqlandırılması vacibdir”.
Baş redaktor deyib ki, müsabiqəyə təqdim edilən yazılar kifayət qədər çox olub: “Lakin, dəfələrlə elan etməyimizə baxmayaraq yazılarda problemlər var idi. Müsabiqəni elan edəndə bəyan etmişdik ki, yazı təqdim edən jurnalistlər özlərindən əvvəlkiləri izləsinlər, ekspertlərin dindirilməsində təkrarçılığa yol verilməsin”.
N.Niftiyev sonda onu da bildirib ki, növbəti ay bu mövzu ilə bağlı foto və video müsabiqələrinin nəticələri elan olunacaq.
Daha sonra çıxış edən Bakı şəhər Dövlət Yol Polis İdarəsinin İctimaiyyətlə əlaqələr şöbəsinin rəisi, polis polkovniki Vaqif Əsədov bildirib ki, Bakıda yaranan süni sıxlıq problemlərindən biri paytaxtın inzibati ərazilərinə düşən küçə və prospektlər üzrə qeyri-qanuni parklamalardır.
Bakı şəhər Baş Polis İdarəsinin əməkdaşı, polis kapitanı Elşad Hacıyev qeyd edib ki, Bakı şəhər Dövlət Yol Polisi İdarəsinin bu tədbirlərə qoşulması məni polis əməkdaşı kimi çox sevindirdi: “Biz də hesab edirik ki, artıq həm təbliğat işlərinin aparılmasında, həm təsirli tədbirlərin görülməsində KİV-in rolu böyükdür. Ən azından KİV nümayəndələrinin köməyi ilə daha geniş tədbirlərin keçirilməsi mümkündür”.
Çıxışlar başa çatdıqdan sonra müsabiqədə qalib gəlmiş iştirakçılara pul mükafatları və diplomlar təqdim olunub.

Paylaş:

Baxılıb: 653 dəfə