Heydər Əliyev
yeni azerbaycan logo

Ana səhifə / Sosial / Zaqatalada 44 mindən çox rayon sakini tibbi müayinədən keçib

Zaqatalada 44 mindən çox rayon sakini tibbi müayinədən keçib

09.04.2016 [10:25]

Azərbaycan Prezidenti İlham Əliyevin ölkə vətəndaşlarının tibbi müayinədən keçirilməsi ilə bağlı verdiyi tapşırıq və tövsiyələr Zaqatala rayonunda da uğurla icra olunur. Fevralın 15-də başlanan aksiya çərçivəsində indiyədək 44 min 761 nəfər rayon sakini tibbi müayinədən keçib. Rayonun 61 yaşayış məntəqəsindən 23-də tibbi müayinələr artıq başa çatıb.
Rayon icra hakimiyyəti başçısının müavini Vəfa Süleymanova AZƏRTAC-a bildirib ki, Zaqatala rayonu üzrə 18 yaşdan yuxarı 75 min 611 nəfər sakinin tibbi müayinədən keçirilməsi nəzərdə tutulub. Müayinələrin keçirildiyi rayon mərkəzi xəstəxanasının poliklinika şöbəsində, Əliabad qəsəbə, Danaçı və Yeni Suvagil kənd sahə xəstəxanalarında, həmçinin Zaqatala Müalicə Diaqnostika Mərkəzində aksiyanın yüksək səviyyədə keçirilməsi üçün hər cür şərait yaradılıb. Həkim briqadaları gün ərzində bu tibb ocaqlarında əhalini pulsuz müayinə edir, xəstəlik aşkar edildikdə müalicə təyin olunur. Bundan əlavə, müxtəlif ixtisaslı həkimlərin cəlb olunduğu səyyar briqadalar ucqar kəndlərdə yaşayan, xəstəxanalara getmək imkanı olmayan sakinləri evlərində tibbi müayinədən keçirirlər.
Rayon mərkəzi xəstəxanasından verilən məlumata görə, indiyədək tibbi müayinədən keçənlərin 3960 nəfəri ambulator, 45 nəfər isə stasionar müalicəyə cəlb olunub.
Zaqatalalılar insanların sağlamlığının qorunmasına yönələn bu xeyirxah aksiyaya görə dövlətimizin başçısına minnətdarlıqlarını bildirirlər.

Paylaş:
Baxılıb: 732 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

İqtisadiyyat

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30