Ümummilli lider Heydər Əliyevin anadan olmasının 93-cü ildönümü münasibətilə bədii qiraət müsabiqəsi keçirilib

Bakı:

14 °C

51 %

13 m/s

AZ RU EN

Ana səhifə / Sosial / Ümummilli lider Heydər Əliyevin anadan olmasının 93-cü ildönümü münasibətilə bədii qiraət müsabiqəsi keçirilib

Ümummilli lider Heydər Əliyevin anadan olmasının 93-cü ildönümü münasibətilə bədii qiraət müsabiqəsi keçirilib

30.04.2016 [09:27]

Ümummilli lider Heydər Əliyevin anadan olmasının 93-cü ildönümü münasibətilə Yeni Azərbaycan Partiyası (YAP) Səbail rayon təşkilatı tərəfindən məktəblilər arasında bədii qiraət müsabiqəsi keçirilib.
AZƏRTAC xəbər verir ki, Milli Məclisin deputatı, YAP Səbail rayon təşkilatının sədri Şəmsəddin Hacıyev tədbirdə çıxış edərək Ulu öndər Heydər Əliyevin hər bir azərbaycanlının həyatında dərin iz qoyduğunu vurğulayıb. Bildirib ki, bu gün hər birimiz dahi rəhbərin qurub yaratdığı, dünyaya tanıtdığı müasir müstəqil Azərbaycanın vətəndaşları olmağımızla fəxr edirik. Heydər Əliyev vətənpərvərliyi, mərdliyi, mübarizliyi ilə həmişə hər birimiz üçün nümunədir və Azərbaycan xalqının əbədiyaşar lideri kimi daim qəlblərimizdə yaşayacaq.
Azərbaycanın müstəqilliyinin bərpasından sonrakı ilk illərdə ölkəmizdə bütün sahələrdə yaşanan tənəzzüldən danışan Ş.Hacıyev yalnız Ümummilli lider Heydər Əliyevin hakimiyyətə qayıdışından sonra respublikamızın dinamik inkişaf yoluna qədəm qoyduğunu, beynəlxalq ictimaiyyət arasında dərin hörmət və nüfuz qazandığını deyib.
Tanınmış yazıçı-publisist, Milli Məclisin deputatı, Əməkdar jurnalist Aqil Abbas Ümummilli lider Heydər Əliyevin hər bir azərbaycanlıya örnək olan, müasir tariximizin ən şanlı və parlaq səhifələrinin yazılmasına şahidlik etmiş mənalı həyatı və zəngin dövlətçilik fəaliyyəti, cəmiyyət həyatının bütün sahələrində Onun rəhbərliyi ilə həyata keçirilmiş köklü islahatlardan danışıb. Deputat Azərbaycanın iqtisadi, hərbi qüdrətimizin artırılması, dövlət təsisatlarının möhkəmləndirilməsi sahəsində Ulu öndər Heydər Əliyevin misilsiz xidmətləri barədə tədbir iştirakçılarına ətraflı məlumat verib. Qeyd olunub ki, dahi şəxsiyyətin siyasi kursunu bu gün Prezident İlham Əliyev uğurla və qətiyyətlə davam etdirir.
Sonra Səbail rayonundakı məktəblərin şagirdləri arasında keçirilən bədii qiraət müsabiqəsinin iştirakçıları Ümummilli lider Heydər Əliyevin əziz xatirəsinə ithaf olunmuş şeirlər səsləndiriblər.
Münsiflər heyətinin rəyinə əsasən, müsabiqənin qalibi adını “Mən fəxr edirəm ki, azərbaycanlıyam” şeirini səsləndirən 189-190 nömrəli orta məktəbin VII sinif şagirdi Əzizə Kazımova alıb. İkinci yeri 49 nömrəli məktəbin VIII sinif şagirdi Mirxalis Hüseynli tutub. Üçüncü yerə isə 132-134 nömrəli məktəbin şagirdi Lətifə Nəsibova layiq görülüb.
Qaliblərə diplomlar təqdim edilib. Həmçinin əlavə üç iştirakçıya həvəsləndirici hədiyyələr verilib.

Paylaş:

Baxılıb: 633 dəfə