Heydər Əliyev
yeni azerbaycan logo

Ana səhifə / Sosial / Zeljko Milovanoviç: Gəncləriniz həm bilikləri, intellektləri, həm də geniş dünyagörüşləri ilə fərqlənirlər

Zeljko Milovanoviç: Gəncləriniz həm bilikləri, intellektləri, həm də geniş dünyagörüşləri ilə fərqlənirlər

07.05.2016 [09:11]

“Mən Sloveniyanın ikinci böyük şəhəri Maribordanam. Təmsil etdiyim şəhər 2013-cü ildə Avropanın Gənclər Paytaxtı olub. İlk dəfə Gəncə haqqında o zaman eşitmişəm. Bu gün Gəncədə olduğum üçün çox şadam. Keçirilən tədbir xalqınızın enerjisini əks etdirir. Hələ Gəncə hava limanında qarşılanarkən yəqin etdim ki, Azərbaycan xalqı çox qonaqpərvərdir. Siz bununla fəxr edə bilərsiniz”.
Bu sözləri AZƏRTAC-a müsahibəsində “Gəncə-2016-cı il Avropa Gənclər Paytaxtı” layihəsinin açılış mərasimində iştirak etmək üçün şəhərə gələn sloveniyalı Zeljko Milovanoviç söyləyib.
Layihə çərçivəsində mayın 3-5-də keçirilən tədbirlərin onda xoş təəssürat doğurduğunu bildirən qonaq deyib: “Bir avropalı kimi tam qətiyyətlə deyə bilərəm ki, mədəniyyətiniz çox zəngin və kaloritlidir. Bu da Avropa üçün olduqca maraqlıdır. Burada olarkən sizin hərb tarixiniz, mədəniyyətiniz və adət-ənənələrinizlə tanış olmaq fürsəti qazandım. Gəncə bu vaxta qədər Avropanın Gənclər Paytaxtları içərisində ən mehriban və xeyirxah sakinləri olan şəhərdir. Şəhərinizin memarlığı da məni valeh etdi”.
Qonaq qeyd edib ki, azərbaycanlı gənclər çox fəaldırlar: “Gəncləriniz həm bilikləri, intellektləri, həm də geniş dünya görüşləri ilə fərqlənirlər. Siz bu ada layiqsiniz. Şəhərinizə Avropanın Gənclər Paytaxtı titulunu daşımaqda uğurlar arzulayıram”.

Paylaş:
Baxılıb: 714 dəfə

Xəbər lenti

Hamısına bax

Sosial

Gündəm

Siyasət

YAP xəbərləri

Gündəm

Ədəbiyyat

Analitik

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30