Heydər Əliyev
yeni azerbaycan logo

Ana səhifə / Sosial / Növbəti Dünya Skaut Konfransının keçirilməsi zamanı Bakının yüksək təşkilatçılıq təcrübəsindən istifadə olunacaq

Növbəti Dünya Skaut Konfransının keçirilməsi zamanı Bakının yüksək təşkilatçılıq təcrübəsindən istifadə olunacaq

16.08.2017 [10:17]

Bakıda keçirilən 41-ci Dünya Skaut Konfransı işini davam etdirir.
AZƏRTAC xəbər verir ki, avqustun 15-də konfransın ikinci günündə skaut hərəkatının beynəlxalq aləmdə gənclərin əsas təhsil hərəkatına çevrilməsi üçün vacib qərarlar qəbul edilib.
Panel sessiyalarında təşkilatın büdcəsinin daha səmərəli şəkildə xərclənməsi ilə bağlı təkliflər irəli sürülüb.
Konfransın ikinci günü, həmçinin 2020-ci ildə Dünya Skaut Hərəkatı Liderlərinin 42-ci Ümumdünya Konfransına hazırlığın müzakirəsi ilə yadda qalıb. Qeyd olunub ki, 42-ci Dünya Konfransının keçirilməsi zamanı Bakının yüksək təşkilatçılıq təcrübəsindən də istifadə olunacaq. Çünki beynəlxalq tədbir iştirakçıları Bakı konfransının yüksək səviyyəli təşkilatçılığından heyrətləniblər, Azərbaycanın füsunkar təbiətindən, Bakının gözəlliyindən, xalqımızın qonaqpərvərliyindən heyranlıqla danışıblar.
Dünya Skaut Hərəkatı Təşkilatının baş katibi Əhməd əl-Hindavi deyib: “Azərbaycan hökuməti skaut hərəkatına çox böyük dəstək nümayiş etdirdi. Biz bu dəstəyi Azərbaycanın konfransı yüksək səviyyədə təşkil etməsi ilə gördük. Bakı konfransına hazırlıq səviyyəsi məni, Dünya Skaut liderlərini, ümumiyyətlə, bütün iştirakçıları heyrətləndirdi. Bu, təşkilatın illər ərzində keçirdiyi ən böyük konfrans idi. Burada daha çox ölkə iştirak edir, ən xırda detallar belə nəzərə alınıb, hər şey yüksək səviyyədə təşkil edilib. Konfransın təşkilatçıları öhdələrinə düşən işləri yüksək səviyyədə həyata keçiriblər”.

Paylaş:
Baxılıb: 471 dəfə

Xəbər lenti

Hamısına bax

Mədəniyyət

Dünya

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31