Seçkilərin yüksək səviyyədə, demokratik və şəffaf keçirilməsi üçün möhkəm hüquqi baza mövcuddur

Bakı:

30 °C

51 %

11 m/s

Əlaqə

AZ RU EN

Ana səhifə / Sosial / Seçkilərin yüksək səviyyədə, demokratik və şəffaf keçirilməsi üçün möhkəm hüquqi baza mövcuddur

Seçkilərin yüksək səviyyədə, demokratik və şəffaf keçirilməsi üçün möhkəm hüquqi baza mövcuddur

21.02.2018 [10:08]

Azərbaycan Prezidentinin 2011-ci il 27 dekabr tarixli Sərəncamı ilə təsdiq edilən “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”na əsasən aşağı seçki komissiya üzvlərinin maarifləndirilməsi məqsədilə seçki hüququ üzrə ixtisaslaşdırılan üçgünlük kurslar davam edir.
AZƏRTAC-ın bölgə müxbiri xəbər verir ki, ixtisaslaşdırılmış kursların tədris cədvəlinə uyğun olaraq, fevralın 20-də 85 saylı Şamaxı seçki dairəsi dairə seçki komissiyasının (DSK) üzvləri və dairənin əhatə etdiyi 63 məntəqə seçki komissiyasının sədrləri üçün məşğələ keçirilib.
Dairə seçki komissiyasının inzibati binasının iclas zalında təşkil olunan tədris məşğələsində rayon polis idarəsinin rəisi Şahin Mirzəyev “Seçici siyahılarının təkmilləşdirilməsi, rəsmi seçki sənədlərinin daşınması və saxlanılmasının təhlükəsizliyinin təmin edilməsi, habelə asayişin qorunmasında Daxili İşlər Nazirliyi orqanlarının rolu və seçki komissiyaları ilə qarşılıqlı əlaqələri”, rayon məhkəməsinin sədri Etibar Hümbətov “Seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmləri”, dairə seçki komissiyasının sədri Hüseyin Rəcəbov “Azərbaycan Respublikası Prezidenti seçkilərinə hazırlıq, seçkilərin keçirilməsi, səslərin hesablanması və nəticələrin rəsmiləşdirilməsi işində məntəqə seçki komissiyalarının vəzifələri və fəaliyyətlərinin təşkili” mövzularında məruzələrlə çıxış edib, sualları cavablandırıblar.
Vurğulanıb ki, ölkəmizdə seçkilərin yüksək səviyyədə, demokratik və şəffaf keçirilməsi üçün möhkəm hüquqi baza mövcuddur. Azərbaycan Respublikasının Konstitusiyasında, Seçki Məcəlləsində bu hüquqlar beynəlxalq normalara uyğun təsbit olunub.
Tədris məşğələsində seçkiqabağı dövrdə təşviqat tədbirləri iştirakçılarının təhlükəsizliyinin təmin olunması, seçicilərlə görüşlərin keçiriləcəyi yerlərdə ictimai asayişin qorunması, eləcə də seçki sənədlərinin daşınması və mühafizəsi barədə qanunvericiliyə uyğun tədbirlərdən danışılıb. Habelə hər hansı müraciətin operativ surətdə həlli istiqamətində qanunvericilikdə tələb olunan qaydalar geniş şərh edilib.
Məşğələ zamanı məntəqə sədrlərinə seçkilərə hazırlığın gedişi barədə ətraflı məlumat verilib, səslərin hesablanması, nəticələrin rəsmiləşdirilməsi və sair qaydalar izah olunub.

Paylaş:

Baxılıb: 518 dəfə