Koronavirusdan qorunmağın ən optimal yolu karantin rejiminin tələblərinə tam riayət etməkdir

Bakı:

27 °C

57 %

2 m/s

Əlaqə

AZ RU EN

Ana səhifə / Sosial / Koronavirusdan qorunmağın ən optimal yolu karantin rejiminin tələblərinə tam riayət etməkdir

Koronavirusdan qorunmağın ən optimal yolu karantin rejiminin tələblərinə tam riayət etməkdir

18.08.2020 [09:09]

Ekspertlərin fikrincə, yumşalmaların olmasına baxmayaraq, pandemiyanın hələ davam etdiyini nəzərə alaraq davranış və həyat tərzimizi yaranmış vəziyyətə uyğunlaşdırmalıyıq
Azərbaycan dövlətinin yeni növ koronavirus (COVID-19) infeksiyasının geniş yayılmasına qaşı apardığı effektiv mübarizə tədbirləri öz uğurlu nəticəsini verməkdədir. Avqust ayının əvvəlindən etibarən gündəlik yoluxma hallarının sayında azalmanın müşahidə olunması nəticəsində Azərbaycan hökuməti müxtəlif yumşaldılma paketlərinin tətbiqi ilə bağlı qərar qəbul etdi və sərt karantin rejimi müəyyən qədər aradan qaldırıldı. Bununla belə vəziyyətin hər an dəyişə bilmə ehtimalının olması unudulmamalıdır. Nəzərə alınmalıdır ki, hazırkı vəziyyəti belə qənaətbəxş hesab etmək olmaz və ən kiçik arxayınçılıq yenidən koronavirus pandemiyasının yayılmasına gətirib çıxara bilər. Daha doğrusu, indiki halda vətəndaşlar daha çox məsuliyyətli olmalı, karantin rejiminin qaydalarına, ən əsası sanitar-gigiyenik qaydalara riayət etməli və tibbi maskadan istifadə etməlidirlər. Əks halda, daha fərqli və qorxulu bir vəziyyətlə üz-üzə qalma ehtimalı ortaya çıxa bilər.
Məsələ ilə bağlı fikirlərini bölüşən Milli Məclisin üzvü Azər Badamov bildirib ki, ölkəmizdə həyata keçirilən uğurlu qabaqlayıcı tədbirlər nəticəsində gündəlik yoluxma sayının azalmasına baxmayaraq pandemiya davam edir, COVID-19 həyatımıza təhlükə olaraq bizimlə yaşamaqdadır. Onun sözlərinə görə, pandemiyadan qorunmaq üçün yeganə yol karantin rejiminin tələblərinə tam riayət etməkdir: “Tibbi maskanın taxılması, soial məsafənin qorunması və şəxsi gigiyenanın gözlənilməsi gündəlik həyatımızın bir parçası olmalıdır. Xüsusən, tətbiq olunmuş sərt karantin rejimində yumşalmalar həyata keçiriləndə bu vacibdir. Pandemiya dövründə toy, yas mərasimlərinin və kütləvi tədbirlərin keçirilməsi koronavirusa yoluxma təhlükəsini artıırır. Ona görə də belə kütləvi tədbirlərin keçirilməsi yolverilməzdir və haradasa belə icazəsiz keçirilən tədbirə rast gəliriksə, onun təşkilatçıları ictimai qınağa çəkilməlidir”.
Azər Badamov deyib ki, artıq insanların da yeni dövrün çağırışlarına adaptasiya olunmağa başladığını müşahidə edirik. Məhz insanların pandemiyanın tələblərinə məsuliyyətlə yanaşması son günlərin statistikasında koronavirus infeksiyasına yoluxmaların sayında azalmaların əldə olunmasına imkan verir.
Milli Məclisin deputatı Elman Məmmədov isə bildirib ki, son günlər Azərbaycanda yeni növ koronavirus infeksiyasına yoluxmanın sayında azalmanın müşahidə olunması arxayınlaşmaya yol açmamalıdır. Onun sözlərinə görə, vətəndaşların karantin qaydalarına düzgün riayət etməməsi, laqeydlik göstərməsi pandemiyanın yenidən alovlanmasına yol aça bilər. Millət vəkili qeyd edib ki, hər kəs özü ilə yanaşı, minlərlə, hətta on minlərlə insanın sağlamlığına və həyatına təhlükə yaradı biləcəyini anlamalıdır. Bu isə bütöv cəmiyyətimizi və dövlətimizi ağır sınaqlar qarşısında qoya bilər: “Azərbaycan bu virusun yayılmağa başladığı ilk günlərdən təxirəsalınmaz önləyici tədbirlər görməkdədir. Dövlətimizin və səhiyyəmizin bütün imkanları vətəndaşların sağlamlığının qorunmasına səfərbər edilib. Yumşalmaların olmasına baxmayaraq pandemiyanın hələ davam etdiyini nəzərə alaraq, davranış və həyat tərzimizi yaranmış vəziyyətə uyğunlaşdırmalıyıq. Vətəndaşlar qaydalara riayət etməli, xüsusi zərurət olmadıqda ictimai nəqliyyatdan istifadə edilməməlidirlər. Virusa qalib gəlməyin yeganə yolu məsuliyyətli davranmaq, karantin qaydalarına riayət etməkdir. Həmrəylik və sadə qaydalara əməl edilməsi həyatımızın yenidən öz adi axarına qayıtmasında mühüm rol oynayır”.
Pərviz SADAYOĞLU

Paylaş:

Baxılıb: 571 dəfə