Beynəlxalq Mətbuat İnstitutunun Dünya Konqresi və Baş Assambleyası öz işini başa çatdırıb

Bakı:

24 °C

94 %

5 m/s

Əlaqə

AZ RU EN

Ana səhifə / Xarici siyasət / Beynəlxalq Mətbuat İnstitutunun Dünya Konqresi və Baş Assambleyası öz işini başa çatdırıb

Beynəlxalq Mətbuat İnstitutunun Dünya Konqresi və Baş Assambleyası öz işini başa çatdırıb

22.04.2014 [09:18]

Umud Rəhimoğlu: “Əl-Cəzirə” ilə birgə Bakıda Qarabağla bağlı konfrans keçirməyi planlaşdırırıq
Beynəlxalq Mətbuat İnstitutunun (BMİ) Cənubi Afrika Respublikasının Keyp Taun şəhərində keçirilən Dünya Konqresi və Baş Assambleyası öz işini başa çatdırıb.
Konqresdə “Jurnalistika və etika”, “Afrikada tədqiqatçı jurnalistlərin hesabatları”, “Təhlükəli ərazilərdə jurnalistika təhlükəsizliyi qaydaları”, “Media azadlığının 20 illiyi”, “Cari proseslərin mətbuat azadlığına təsiri”, “Çinin inkişaf edən dünyada rolu” və s. mövzular ətrafında müzakirələr aparılıb.
Bu barədə AzərTAc-a Beynəlxalq Avrasiya Mətbuat Fondunun (BAMF) sədri, Beynəlxalq Mətbuat İnstitutu idarə heyətinin üzvü və Azərbaycan Milli Komitəsinin rəhbəri Umud Rəhimoğlu məlumat verib. U.Rəhimoğlu deyib ki, Baş Assambleyanın iclasında BMİ-nin büdcəsi təsdiq edilib, səlahiyyət müddəti bitməkdə olan idarə heyəti üzvlərinin yerinə yeni üzvlərin namizədliyi nəzərdən keçirilib. Baş Assambleyada Beynəlxalq Avrasiya Mətbuat Fondunun sədri Umud Rəhimoğlu tərəfindən namizədliyi irəli sürülən və müzakirəyə çıxarılan “Əl-Cəzirə” telekanalının insan hüquq və azadlıqları departamentinin rəhbəri Sami Əlhaj idarə heyətinə üzv seçilib.
Sami Əlhaj 2001-ci ildə Əfqanıstanda jurnalistika fəaliyyətini həyata keçirən zaman Pakistan ordusu tərəfindən həbs edilib və 2008-ci ilə qədər Amerika Birləşmiş Ştatlarının Qvantanama həbsxanasında saxlanılıb. Müxtəlif zorakılıqlara məruz qalan Sami Əlhaj və çox sayda məhbus etiraz olaraq aclıq aksiyasına başlamışdılar. Uzun müddət işgəncələrə qatlaşan və təhqirlərə dözən Sami Əlhaj 2008-ci ildə Stafford Smith adlı hüquq müdafiəçisinin köməyi ilə bəraət əldə edib.
Mükafatlandırma mərasimindən sonra “Əl-Cəzirə” telekanalının icraçı direktoru Mosefa Souag, baş prodüser Hassan Saeed Elmogummer Zaha, insan hüquq və azadlıqları departamentinin rəhbəri Sami Əlhaj, Qahirə bürosunun rəhbəri Abdelfattah Fayed, BAMF-ın sədri Umud Rəhimoğlu və beynəlxalq əlaqələr üzrə əlaqələndiricisi Vəfadar Rizvanlı arasında görüş olub. Görüşdə “Əl-Cəzirə” telekanalının rəsmiləri Dağlıq Qarabağ münaqişəsi ilə bağlı mövqelərini bildirərək daim Azərbaycanın yanında olduqlarını qeyd edib və problemin obyektiv işıqlandırılması ilə münaqişənin həllinə kömək etməyə hazır olduqlarını bildiriblər. Həmçinin, görüşdə BAMF və “Əl-Cəzirə” telekanalı arasında əməkdaşlıq müqaviləsinin imzalanması və Bakıda “Dağlıq Qarabağda insan hüquqları” mövzusunda konfrans keçirilməsi qərara alınıb.
Sonda “Əl-Cəzirə” rəsmiləri Umud Rəhimoğlunu mayın 26-27-də Qətərin paytaxtı Doha şəhərində keçiriləcək “VIII Əl-Cəzirə” Forumunda iştirak etməyə dəvət ediblər. Forum çərçivəsində “Əl-Cəzirə” telekanalı ilə BAMF arasında Əməkdaşlıq Memorandumunun imzalanması və U.Rəhimoğlunun BAMF-ın “Əl-Cəzirə” telekanalının Azərbaycan üzrə informasiya sözçüsü təyin edilməsi planlaşdırılır.

Paylaş:

Baxılıb: 1980 dəfə