Cənubi Qafqazın təhlükəsizliyinin təmin olunmasında aparıcı rol Azərbaycana məxsusdur

Bakı:

24 °C

60 %

7 m/s

Əlaqə

AZ RU EN

Ana səhifə / YAP xəbərləri / Cənubi Qafqazın təhlükəsizliyinin təmin olunmasında aparıcı rol Azərbaycana məxsusdur

Cənubi Qafqazın təhlükəsizliyinin təmin olunmasında aparıcı rol Azərbaycana məxsusdur

17.04.2024 [14:04]

17 aprel 2024-cü il tarixdə YAP Samux rayon təşkilatında ərazi partiya təşkilat sədrlərinin və partiya fəallarının iştirakı ilə “Cənubi Qafqazın təhlükəsizliyinin təmin olunmasında aparıcı rol Azərbaycana məxsusdur” mövzusunda dəyirmi masa keçirildi.

İclası açıq elan edən YAP Samux rayon təşkilatının sədri Gündüz Bayramov çıxış edərək bildirdi ki, Azərbaycan Cənubi Qafqazda sülh, təhlükəsizlik və əməkdaşlığın təmin olunması istiqamətində bütün beynəlxalq təşəbbüsləri dəstəkləyir. Azərbaycanın beynəlxalq münasibətlər sisteminin nüfuz və güc iyerarxiyasında sürətli şəkildə irəliləməsini təmin etməklə yanaşı, ölkəmizi dünya siyasətinin əsas konturlarını müəyyənləşdirən güc mərkəzlərinin başlıca istinad mərkəzlərindən və strateji tərəfdaşlarından birinə çevirib. Bu gün Azərbaycan sahib olduğu zəngin enerji ehtiyatlarından səmərəli şəkildə istifadə etməklə beynəlxalq miqyasda enerji təhlükəsizliyinin təmin edilməsində mühüm rol oynayan başlıca aktorlardan biri kimi çıxış edir. Ölkəmiz milli dövlətçilik prinsiplərinə müvafiq olaraq həyata keçirilən praqmatik və rasional əsaslara söykənən siyasət nəticəsində miqyasına görə regional, əhəmiyyətinə görə isə qlobal xarakterli transmilli layihələrin mərkəzi oyunçusu qismində çıxış etməkdədir.

Gündüz Bayramov həmçinin qeyd etdi ki, bu gün Azərbaycan dünya birliyinin tam bərabərhüquqlu üzvüdür, söz sahibi olan dövlətdir. Son bir neçə ildə Azərbaycanın əldə etdiyi ugurlar, hərtərəfli iqtisadi nailiyyətlər bizim ölkəmizi regionda güc mərkəzlərindən birinə cevirir. Bu gün Azərbaycan region üçün mühüm əhəmiyyət kəsb edən beynəlxalq layihələrə, konfranslara ev sahibliyi edir. Dünyanın ən böyük və mühüm dövlətlərarası tədbirlərindən biri olan COP29-un 2024-cü ildə Azərbaycanda keçirilməsi cənab Prezident İlham Əliyevin apardığı məqsədyönlü uğurlu siyasətinin nəticəsidir.

Daha sonra dəyirmi masada mövzu ətrafında geniş müzakirələr aparıldı. Azərbaycanın beynəlxalq münasibətlər sistemində mövqeyinin daha da güclənməsi qeyd olundu. Bildirildi ki, gerçəkləşdirilən bütün regional layihələrin mərkəzi oyunçusu qismində məhz Azərbaycan çıxış edir. Həyata keçirilən praqmatik xarici siyasət strategiyası ölkəmizi dünya siyasətinin təmsilçisi qismində çıxış edən və müstəqil xarici siyasət yürüdən milli dövlətlərin etibarlı strateji tərəfdaşına çevirib.

Paylaş:

Baxılıb: 684 dəfə