«Heydər Əliyev amili dövlətlərarası münasibətlərdə həmişə mühüm rol oynayıb və oynayacaqdır»

Bakı:

17 °C

77 %

2 m/s

AZ RU EN

Ana səhifə / YAP xəbərləri / «Heydər Əliyev amili dövlətlərarası münasibətlərdə həmişə mühüm rol oynayıb və oynayacaqdır»

«Heydər Əliyev amili dövlətlərarası münasibətlərdə həmişə mühüm rol oynayıb və oynayacaqdır»

25.04.2024 [17:05]

Aprelin 22-də Moskvada Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putin ilə təkbətək görüşü olub. Ölkəmizin başçısı BAM-ın tikintisinin başlanmasının 50 illiyinə həsr olunmuş tədbirdə iştirakla bağlı dəvətə görə Rusiya prezidentinə təşəkkürünü bildirib.

Prezident deyib ki, Rusiya rəhbərliyinin, həmçinin ictimaiyyətinin Heydər Əliyevin xatirəsinə göstərdikləri ehtiramı Azərbaycan xalqı yüksək qiymətləndirir. İlham Əliyev Heydər Əliyevin vaxtilə Ümumittifaq tikintisi adlandırılan bu nəhəng layihənin həyata keçirilməsində fəal iştirak etdiyini, onun reallaşdırılmasına öz töhfəsini verdiyini və ona görə bu tədbirdə iştirak etməyin böyük şərəf olduğunu dilə gətirib. Ölkəmizin başçısı Azərbaycan Rusiya əlaqələrinin kifayət qədər inkişaf etdiyini, 2022-ci ilin fevralında Kremldə imzalanmış və əsas siyasi sənəd olan, gələcəkdə münasibətlərimizin ardıcıl inkişafını müəyyən edən müttəfiqlik qarşılıqlı fəaliyyəti haqqında Bəyannamə çərçivəsində işlər aparıldığını bildirib. Regional təhlükəsizlik məsələlərinin həmişə gündəlikdə olduğunu deyən İlham Əliyev, Rusiyanı Qafqazda və daha geniş coğrafiyada regional təhlükəsizlik üzrə əsas ölkə adlandırıb. Dövlətimizin başçısı vurğulayıb ki, biz qarşılıqlı fəaliyyət və qarşılıqlı maraqlar ruhunda etimad tədbirlərinin, əməkdaşlığın, qarşılıqlı anlaşmanın möhkəmləndirilməsinə və bütün məsələlərin nizamlanmasına çalışırıq. İlham Əliyev görüşə görə minnətdarlığını bildirib və bu görüşün Azərbaycanla Rusiya arasında münasibətlərinn inkişafına yeni təkan verəcəyi əminliyini ifadə edib. Elə həmin gün hər iki ölkənin prezidentlərinin Baykal-Amur Magistralının 50 illik yubileyi münasibətilə dəmir yolu sahəsinin veteranları və işçiləri ilə birgə görüşü keçirilib. Görüşdə çıxış edən ölkəmizin başçısı bildirib ki, BAM-ı inşa edənlərin, həyatlarını, gəncliklərini Ümumittifaq tikintisinə həsr edənlərin əhatəsində olmaq böyük şərəfdir. Ölkəmizin başçısı Heydər Əliyevin xatirəsinə dərin ehtirama görə Vladimir Vladimiroviçə xüsusi təşəkkürümü bildirub, xüsusi vurğulayıb ki, 2000-ci illərin əvvəllərində ölkələrimiz arasındakı dostluq və mehriban qonşuluq münasibətlərinin əsasını, məhz Vladimir Vladimiroviç Putin və Heydər Əliyev qoyublar. Heydər Əliyev amilinin dövlətlərarası münasibətlərimizdə həmişə mühüm rol oynadığını diqqətə çatdıran Prezident İlham Əliyev bildirib ki, Heydər Əliyev Moskvada, Kremldə işlədiyi illərdə sovet dövlətinin, ona tapşırılan sahənin inkişafına rəvac vermək üçün böyük səylər göstərib və onlardan biri də nəqliyyat sahəsi olub. Ölkəmizin başçısı BAM-çılara və inşaatçılara, o cümlədən Rusiyanın bütün nəqliyyatçılarına Heydər Əliyevin xatirəsini əbədiləşdirdiklərinə görə minnətdarlığını bildirib.

Təhmasib Rüstəmov
YAP Qubadlı Rayon Təşkilatının sədri

Paylaş:

Baxılıb: 541 dəfə