Nərimanov rayonunda Heydər Əliyevin anadan olmasının 101-ci ildönümünə həsr olunmuş tədbir keçirilib

Bakı:

26 °C

61 %

9 m/s

AZ RU EN

Ana səhifə / YAP xəbərləri / Nərimanov rayonunda Heydər Əliyevin anadan olmasının 101-ci ildönümünə həsr olunmuş tədbir keçirilib

Nərimanov rayonunda Heydər Əliyevin anadan olmasının 101-ci ildönümünə həsr olunmuş tədbir keçirilib

07.05.2024 [18:31]

07 may 2024-cü il tarixdə YAP Nərimanov rayon təşkilatı və Heydər Əliyev prospekti 10 ünvanı üzrə Ərazi Partiya Təşkilatının (Ekologiya və Təbii Sərvətlər Nazirliyinin Milli Hidrometeorologiya Xidməti) birgə təşkilatçılığı ilə Ulu Öndər Heydər Əliyevin anadan olmasının 101-ci ildönümünə həsr olunan tədbir keçirilib.

Tədbirdən öncə qonaqlar Ekologiya və Təbii Sərvətlər Nazirliyinin Milli Hidrometeorologiya Xidmətində Ulu Öndərin xatirəsinə ucaldılmış abidəni ziyarət edərək önünə tər gül dəstələri düzüb, dahi rəhbərə öz hörmət və ehtiramlarını bildiriblər.

Tədbir Ümumilli lider Heydər Əliyevin və ölkəmizin ərazi bütövlüyü naminə canından keçən şəhidlərimizin əziz xatirələrinin bir dəqiqəlik sükutla yad edilməsi ilə başlayıb.

Tədbirdə çıxış edən Yeni Azərbaycan Partiyası Nərimanov rayon təşkilatının sədri Samir Vəliyev, Ekologiya və Təbii Sərvətlər Nazirinin müavini Rauf Hacıyev, Təbii Sərvətlər və Ekologiya İşçiləri Həmkərlar Komitəsinin rəhbəri Telman Quliyev, Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Nazim Mahmudov çıxış edərək Ümummilli lider Heydər Əliyevin mənalı həyatı və misilsiz xidmətlərindən, Azərbaycan xalqının tarixində və dövlətçilik fəaliyyətində müstəsna xidmətlərindən danışıblar. Eyni zamanda Heydər Əliyevin Nərimanov rayonuna göstərdiyi diqqət və qaygısını qeyd edərək, Ulu öndərin şah əsəri – müasir, müstəqil Azərbaycan dövləti və azərbaycançılıq məfkurəsi bu gün də möhtərəm Prezidentimiz cənab İlham Əliyevin müdrik rəhbəriliyi altında uğurla inkişaf etdirildiyini vurğulayıblar.

Ümummilli liderin keçdiyi həyat yolundan, Azərbaycan dövləti və xalqı üçün göstərdiyi əvəzsiz xidmətlərdən söz açan natiqlər Heydər Əliyevin dünya siyasətçiləri arasında malik olduğu nüfuzundan və respublikanın beynəlxalq aləmdə qəbul olunması və tanınması istiqamətində yürütdüyü uğurlu siyasətdən geniş bəhs ediblər.

Qonaqlar istər sovetlər dövründə, istərsə də müstəqillik illərində respublikaya rəhbərlik edən və ömrünü öz xalqına həsr edən Heydər Əliyevin Azərbaycan xalqının qəlbində əbədi yaşayacağını vurğulayaraq, müasir və müstəqil Azərbaycan dövlətinin bu gün də Prezident cənab İlham Əliyevin müdrik rəhbərliyi altında uğurla inkişaf etdirildiyini, ərazi bütövlüyümüzün məhz müzəffər Ali Baş Komandanımızın uzaqgörən siyasəti nəticəsində təmin olunduğunu qeyd ediblər.

Tədbirin sonunda Yeni Azərbaycan Partiyası Nərimanov rayon təşkilatının ictimai-siyasi həyatında fəallığı ilə seçilən şəxslər “Təşəkkürnamə” ilə təltif olunub, partiyaya yeni üzv olan şəxslərə üzvlük vəsiqələri təqdim olunub.

Paylaş:

Baxılıb: 614 dəfə