Azərbaycanın dünyada artan nüfuzunun bariz nümunəsi

Bakı:

20 °C

83 %

0 m/s

Əlaqə

AZ RU EN

Ana səhifə / YAP xəbərləri / Azərbaycanın dünyada artan nüfuzunun bariz nümunəsi

Azərbaycanın dünyada artan nüfuzunun bariz nümunəsi

05.07.2024 [16:30]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Zəfərlərə, qələbələrə imza atan Azərbaycanın Prezidenti cənab İlham Əliyevin Şanxay Əməkdaşlıq Təşkilatının (ŞƏT) Zirvə toplantısına qonaq qismində ikinci dəfə dəvət edilməsi dövlətimizin dünyada artan nüfuzunun bariz nümunəsidir. Müasir dövrümüzdə kifayət qədər resurslara, iqtisadi potensiala malik ölkəmizə bəslənilən inam onun dünyada etibarlı tərəfdaş kimi qəbul olunmasından xəbər verir. Çin, Rusiya, Pakistan, Hindistan və Orta Asiya ölkələrini birləşdirən belə mühüm beynəlxalq platformada Azərbaycanın növbəti dəfə iştirakı bir daha təsdiq edir ki, Qalib ölkəmiz regional proseslərdə verilən qərarlarda əsas söz sahibidir.

16 ölkənin dövlət və hökumət başçılarının ŞƏT-in çoxşaxəli əməkdaşlığını, beynəlxalq və regional problemlərin həllinə kömək edəcək məsələlərini nəzərdən keçirdiyi Astana Zirvə görüşündə Prezident İlham Əliyev ölkəmizlə bağlı ən mühüm məsələləri qlobal səviyyədə dünya ictimaiyyətinə bir daha çatdırdı.

Təşkilata üzv ölkələrin iqtisadiyyatının inkişafı, təhlükəsizliyin təmin edilməsi, qarşılıqlı əlaqələrin möhkəmləndirilməsinə həsr edilən Zirvə görüşündə hazırda dünyanın ən böyük beynəlxalq tədbirlərindən olan COP29-a hazırlıq çərçivəsində Şanxay Əməkdaşlıq Təşkilatı ilə ölkəmiz arasında əməkdaşlıq məsələləri diqqət mərkəzində saxlanılıb. Ölkəmizin Prezidenti bildirib ki, təxminən 200 ölkənin yekdil dəstəyi ilə Azərbaycan bu il COP29-a ev sahibliyi edəcək. Biz Bakıda keçiriləcək COP29 çərçivəsində inkişaf etmiş və inkişaf etməkdə olan ölkələr arasında körpü yaratmaq üçün səylərimizi əsirgəməyəcəyik və inkişaf etməkdə olan ölkələrin legitim maraqlarını nəzərə alacaq razılaşmanın əldə edilməsinə çalışacağıq.

Üzv dövlətlər arasında siyasət, ticarət və iqtisadiyyat, elm və texnologiya, mədəniyyət, o cümlədən təhsil, enerji, nəqliyyat, turizm, ətraf mühitin qorunması və digər sahələrdə səmərəli əməkdaşlığın inkişaf etdirilməsini, regionda sülh, təhlükəsizlik və sabitliyin əldə edilməsi üçün birgə səylərin göstərilməsini əsas götürən Zirvə görüşü Azərbaycanın nüfüzunu və etibarlı tərəfdaş kimi qəbul edildiyini, həyata keçirdiyi genişmiqyaslı işlərin dəstəkləndiyini bir daha dünya ictimaiyyətinə göstərmiş oldu.

Avrasiyanın nəqliyyat-logistika qovşaqlarından birinə çevrilın Azərbaycan ŞƏT-ə üzv dövlətlər arasında əməkdaşlıq yüksək səviyyəyə çatıb. Eyni zamanda Azərbaycanın Orta Dəhlizin tərkib hissəsi olan Bakı-Tbilisi-Qars dəmir yoluna etdiyi sərmayələr bu yolun illik ötürücülük qabiliyyətini 1 milyon tondan 5 milyon tona qədər artırıb. Tərəfdaşları ilə birlikdə Orta Dəhlizin rəqəmsallaşması üzərində işləyən Azərbaycan Ələt Beynəlxalq Dəniz Ticarət Limanının illik ötürücülük qabiliyyətini 15 milyon tondan 25 milyon tona qədər artırmaq niyyətindədir. Bu da öz növbəsində Azərbaycanın nəqliyyat imkanlarını artıracaq. Uğurla fəaliyyət göstərən Şimal-Cənub dəhlizinin Azərbaycan seqmentinin dəmir yolu və avtomobil infrastrukturu da daşınmaların iki dəfə artırılmasına çalışır.

Astana şəhərində “ŞƏT plyus” formatında keçirilmiş görüşdə ölkəmizin nəqliyyat-logistika qovşağı kimi mövqeyini bir daha vurğulayan Prezident cənab İlham Əliyev Azərbaycanın beynəlxalq səviyyədə tanınmış əraziləri üzərində suverenliyini tam bərpa etməsini, Ermənistanın otuzillik işğalına birdəfəlik son qoymasını da mötəbər tədbirdə bir daha vurğulayıb. Dünya ictimaiyyətinin diqqətinə çatdırılıb ki, Ermənistanın otuzillik işğalına son qoymaqla BMT Təhlükəsizlik Şurasının otuz il kağız üzərində qalmış 4 qətnaməsini icra edən Azərbaycanın haqq savaşı beynəlxalq hüquq və tarixi ədalətin bərpası kimi qiymətləndirilməlidir.

Ümumiyyətlə, Azərbaycanın beynəlxalq səviyyədə səsinin eşidilməsi, mövqeyinin dünyaya çatdırılması baxımından Şanxay Əməkdaşlıq Təşkilatına üzv dövlətlərlə əməkdaşlığın böyük əhəmiyyəti var.

Paylaş:

Baxılıb: 702 dəfə