Mətbuat işçilərinə verilən dəyər

Bakı:

25 °C

69 %

11 m/s

Əlaqə

AZ RU EN

Ana səhifə / YAP xəbərləri / Mətbuat işçilərinə verilən dəyər

Mətbuat işçilərinə verilən dəyər

18.07.2024 [12:13]

22 İyul Azərbaycanda milli mətbuatın yaranması günüdür. 1875-ci ildə Həsən bəy Zərdabi Böyük çətinliklərdən sonra Bakıda ana dilində "Əkinçi" qəzetinin nəşr edilməsi üçün icazə almış, ilk nömrəsi iyulun 22-də çapdan çıxmışdır. 2 il ərzində fəaliyyət göstərmiş "Əkinçi" qəzetinın 56 nömrəsi işıq üzü görmüş, xalqımızın milli oyanışında, milli birliyinin möhkəmlənməsində böyük rol oynamışdır.

Azərbaycan öz müstəqilliyini bərpa etdikdən sonra ölkə mətbuatı yeni inkişaf mərhələsinə qədəm qoydu. Müasir müstəqil Azərbaycan dövlətinin banisi, xalqımızın ümummilli lideri Heydər Əliyev hakimiyyətə qayıtdıqdan sonra mətbuata, mətbuat işçilərinə xüsusi diqqət və qayğı ilə yanaşmış, Azərbaycan reallıqlarını, həqiqətlərini cəmiyyətə, dünya ictimaiyyətinin diqqətinə çatdırılmasında mətbuatın təsir gücünü yüksək qiymətləndirmişdir. Müstəqillik dövründə Azərbaycan mətbuatı ilə bağlı ilk fərmanı da məhz Ulu öndər imzalamışdır. Ümummilli lider Heydər Əliyevin rəhbərliyi ilə ölkədə mətbuat və söz azadlığı, kütləvi informasiya vasitələrinin maddi-texniki bazasının möhkəmləndirilməsi istiqamətində ardıcıl tədbirlər həyata keçirilmişdir. 1995-ci ildə qəbul edilən Konstitusiyada azad sözün və fikir azadlığının təmin edilməsi hüquqi baxımdan təsdiqlənmişdir.

Mətbuatda olan problemlərin həll edilməsi məqsədi ilə Ulu Öndər Heydər Əliyev 10-dan çox sərəncam və fərman imzalamışdır. Məhz Ümummilli liderin 1998-ci il 6 avqust tarixli sərəncamı ilə Azərbaycanda senzura ləğv olunmuş, 1999-cu ildə “Kütləvi İnformasiya Vasitələri haqqında” beynəlxalq tələblərə cavab verən qanun qəbul edilmışdır. Müstəqil mətbuatın inkişafında olan əngəllərin, maneələrin ləğv edilməsi, KİV qanunvericiliyinin təkmilləşdirilməsi, mətbu orqanların inkişafı üçün onlara edilən çoxsaylı güzəştlərin tətbiq edilməsi, mətbuat işçiləri ilə görüşlərin ənənəsini yaradığı üçün Heydər Əliyev 2002-ci ildə "Jurnalistlərin dostu” mükafatına layiq görülmüşdür.

Ulu öndər Heydər Əliyevin əsasını qoyduğu möhtəşəm, uzaqgörən , düşünülmüş siyasəti uğurla davam etdirən Prezident İlham Əliyev də mediyaya, mətbuat işçilərinə ən yüksək səviyyədə diqqət və qayğı göstərir. Dövlətimizin başçısı medianın inkişaf etdirilməsi, jurnalistlərin sosial-iqtisadi vəziyyətini yaxşılaşdırmaq məqsədilə olduqca mühüm sərəncamlar imzalayıb.

Prezident İlham Əliyevin Kütləvi İnformasiya Vasitələrinə birdəfəlik yardımların göstərilməsi, jurnalistlərin fəxri adlarla təltif edilməsi haqqında imzaladığı sərəncamlar onun mətbuat işçilərinə göstərdiyi diqqət və qayğının bariz nümunəsidir. Ölkə başçısının "Azərbaycan mətbuat işçilərinin sosial müdafiəsinin gücləndirilməsi haqqında” sərəncamı jurnalistlər tərəfindən böyük sevinc və rəğbətlə qarşılanıb. Mətbuat işçilərinə mənzillərin verilməsi ənənəsi isə heç bir ölkədə yoxdur.

Dövlətimizin başçısının “Mənim jurnalistlərlə çoxsaylı görüşlərim, səmimi söhbətlərim bunu göstərir. Xüsusilə jurnalistlər üçün binaların tikilməsi də bu siyasətin bir təzahürüdür. Bu təşəbbüs bir neçə il bundan əvvəl irəli sürülmüşdü, jurnalistlər belə məsələ qaldırmışdılar, mən də buna müsbət reaksiya verdim və nəticə etibarilə artıq biz burada ikinci binanın açılışını qeyd edirik. Xatırlayıram birinci binanın açılışında mən demişdim ki, yəqin gələcəkdə bu əraziyə “Jurnalistlər şəhərciyi” deyiləcək və bu, belə də oldu. Artıq bu gözəl yer “Jurnalistlər şəhərciyi”dir, burada üçüncü bina da tikiləcək. Əlbəttə ki, biz jurnalistlərin məişət problemlərinin həlli üçün gələcəkdə əlavə tədbirlər görəcəyik”- fikirləri ölkə başçısının mətbuat işçilərinə verdiyi dəyərin təzahürüdür.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 681 dəfə