YAP Qubadlı rayon təşkilatında 18 Oktyabr - Dövlət Müstəqilliyi Günü ilə əlaqədar tədbir keçirilib

Bakı:

24 °C

68 %

4 m/s

AZ RU EN

Ana səhifə / YAP xəbərləri / YAP Qubadlı rayon təşkilatında 18 Oktyabr - Dövlət Müstəqilliyi Günü ilə əlaqədar tədbir keçirilib

YAP Qubadlı rayon təşkilatında 18 Oktyabr - Dövlət Müstəqilliyi Günü ilə əlaqədar tədbir keçirilib

19.10.2012 [00:47]

Yeni Azərbaycan Partiyası Qubadlı rayon təşkilatı 18 Oktyabr - Dövlət Müstəqilliyi Günü münasibətilə şura üzvlərinin iştirakı ilə tədbir keçirib. YAP Qubadlı rayon təşkilatının sədri, Qubadlı rayon İcra Hakimiyyəti başçısının birinci müavini Allahverdi Haqverdiyev tədbiri giriş sözü ilə açaraq iştirakçıları müstəqillik günü münasibətilə təbrik edib. Geniş məruzə ilə çıxış edən YAP Qubadlı rayon təşkilatının sədri bildirib ki, müstəqilliyimizin ilk illərində ölkəmizin üzləşdiyi problemlər həmin dövrdə iqtidarda olan qüvvələrin səriştəsizliyindən irəli gəlib. Onun sözlərinə görə, Ulu öndər Heydər Əliyevin 1993-cü ildə xalqın təkidli tələbi ilə hakimiyyətə qayıdışından sonra ölkədə dövlətçiliyin qurulması, iqtisadi-siyasi böhranın aradan qaldırılması, sabitliyin əldə olunması Azərbaycanın müstəqilliyini əbədi və dönməz edib: “Ümummilli lider Heydər Əliyevin xalqın təkidli tələbi ilə hakimiyyətə gəlməsi ölkəmizi düşdüyü ağır vəziyyətdən xilas etməyin yeganə yolu idi. Xalqın istəyi və tələbi ilə yenidən hakimiyyətə gələn Ulu öndər Heydər Əliyev parlamentdə Milli Məclisin sədri kimi ilk çıxışını edərkən: “Azərbaycan Respublikasının dövlət müstəqilliyi ən əsas məsələdir. Müstəqil Azərbaycanda demokratiya inkişaf etdirilməlidir. Ölkədə Konstitusiyanın pozulmasına yol vermək olmaz”, - söyləməklə bu yola sadiq qalacağını bəyan etdi. Beləliklə, vətəndaş müharibəsi təhlükəsi aradan qaldırıldı, sabitlik, əmin-amanlıq yarandı, əhalini gərgin durumda saxlayan qanunsuzluq, zorakılıq halları ilə mübarizə insanlarda yeni hakimiyyətə, ilk növbədə isə xilaskarlıq missiyasını öhdəsinə götürmüş Ulu öndər Heydər Əliyevə inamı və məhəbbəti daha da artırdı. Ulu öndər Heydər Əliyevin qurub yaratdığı Müstəqil Azərbaycan bu gün cənab Prezident İlham Əliyev tərəfindən uğurla inkişaf etdirilir”.
Daha sonra çıxış edən şura üzvləri Şahbaz Muradov, Rasim Xalıqverdiyev bildiriblər ki, ölkəmizdə iqtisadi, sosial məsələlərin həllində böyük uğurlar əldə edilib, o cümlədən, ordu quruculuğu müasir standartlara əsaslanır. Ötən 21 il ərzində Azərbaycan müstəqil dövlət kimi böyük və şərəfli yol keçib. Tədbirin sonunda bir neçə fəal partiya üzvünə fəxri fərman və partiyaya yeni üzv olanlara üzvlük vəsiqəsi verilib.

Paylaş:

Baxılıb: 1590 dəfə