Yeni Azərbaycan Partiyasının Azərbaycanın inkişafında müstəsna xidmətləri var

Bakı:

10°C

93%

0m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyasının Azərbaycanın inkişafında müstəsna xidmətləri var

Yeni Azərbaycan Partiyasının Azərbaycanın inkişafında müstəsna xidmətləri var

01.11.2012 [00:43]

YAP Nərimanov rayon təşkilatının “AKKORD” Sənaye Tikinti İnvestisiya Korporasiyası ərazi ilk təşkilatı partiyanın yaranmasının 20-ci ildönümünü qeyd edib
Yeni Azərbaycan Partiyasının (YAP) yaranmasının 20-ci ildönümü münasibətilə YAP Nərimanov rayon təşkilatı tərəfindən silsilə tədbirlər keçirilir. Bu çərçivədə növbəti tədbir isə dünən rayon təşkilatının “AKKORD” Sənaye Tikinti İnvestisiya Korporasiyası ərazi ilk partiya təşkilatı tərəfindən keçirilib.
YAP Nərimanov rayon təşkilatının sədri Təmraz Tağıyev çıxış edərək partiyanın keçdiyi 20 illik şərəfli yola nəzər salıb. Onun sözlərinə görə, tarixi zərurətdən yaranan YAP çətin və şərəfli yol keçməklə yanaşı, həm də ictimai-siyasi arenada kifayət qədər nüfuz toplamış siyasi təşkilatdır: “Sıralarında 600 min nəfərə yaxın insanın birləşdiyi Yeni Azərbaycan Partiyası bu il özünün 20 illik yubileyini qeyd edir. Yeni Azərbaycan Partiyası çox böyük tarixi yol keçib. YAP-ın Azərbaycan dövlətçiliyinin inkişafında xidmətləri danılmazdır və partiyamızın bu istiqamətdə gördüyü böyük işlər hər bir vətəndaşımız tərəfindən yüksək qiymətləndirilir. Buna görədir ki, partiyamızın, o cümlədən, YAP-ın Nərimanov rayon təşkilatının üzvlərinin sayı günbəgün artır. Partiyanın ideyalarına, Azərbaycan dövlətinə və dövlətçiliyə sadiq insanlar, ziyalılar, Vətəninə, millətinə bağlı olan şəxslər YAP-da təmsil olunurlar. Müstəqil Azərbaycanın inkişafında, iqtisadi-sosial və digər sahələrdə inkişaf proqramının işlənməsində YAP-ın tarixi, əvəzedilməz xidməti var”.
Təşkilat sədri qeyd edib ki, bu gün Yeni Azərbaycan Partiyası cəmiyyətimizdə böyük nüfuza və dəstəyə malikdir. Bu nüfuz və dəstəyin əsas səbəblərindən biri də partiyamızın hər zaman ümumxalq partiyası kimi fəaliyyət göstərməsi, xalqın və dövlətin mənafeyini hər şeydən uca tutmasıdır. T.Tağıyev onu da bildirib ki, “AKKORD” şirkətində YAP üzvlərinin sayı 300 nəfərə yaxındır. Bu, rayon təşkilatının fəal ərazi təşkilatlarından biridir.
Çıxış edən şirkətin nümayəndəsi İlyas Mirzəyev ölkəmizin müstəqillik tarixində YAP-ın müstəsna rolunun olduğunu bildirib. O qeyd edib ki, Ulu öndər Heydər Əliyev tərəfindən yaradılan YAP Azərbaycanın siyasi mühitinə bir çox yeniliklər gətirdi. Belə ki, YAP-ın yaranması ölkəmizdə sivil mübarizə, demokratiya kimi dəyərləri bərqərar etdi. Partiyanın yaranma zərurətindən geniş danışan İ.Mirzəyev YAP-ın qurucusu Heydər Əliyevin xilaskarlıq missiyasını yerinə yetirdiyini vurğulayıb.
“AKKORD” şirkətinin digər nümayəndəsi Elçin İsayev çıxışında qeyd edib ki, YAP-ın fəaliyyətinin əsas qayəsi Azərbaycan xalqının xoş gələcəyini təmin etməkdən ibarətdir: “Bu gün Ümummilli liderimiz Heydər Əliyevin ideyaları Yeni Azərbaycan Partiyası tərəfindən həyata keçirilməkdədir. Yeni Azərbaycan Partiyasının ötən 20 il ərzində müstəqilliyimizin, dövlətçiliyimizin möhkəmlənməsində, Azərbaycan cəmiyyətinin inkişafında və yeniləşməsində müstəsna xidmətləri var”.
Azərbaycanın sürətlə inkişaf etdiyini deyən E.İsayevin sözlərinə görə, inkişaf baxımından dövlətimiz postsovet ölkələri sırasında öndədir. O bildirib ki, hazırda dövətimiz qeyri-neft sektorunun inkişafına xüsusi diqqət yetirir. “Bizim şirkətimiz də dövlətin verdiyi dəstək sayəsində inkişaf edir. “AKKORD” bir sıra mühüm iqtisadi layihələrlə yanaşı, sosial-humanitar tədbirlər həyata keçirir. Bir neçə ildir ki, şirkətdə ərazi ilk partiya təşkilatı da aktiv fəaliyyət göstərir. Güclü dövlət bizim əsas ideyamızdır” - deyə, E.İsayev vurğulayıb.
Tədbirdə, həmçinin, qeyd olunub ki, “AKKORD”un 5 qat respublika çempionu olan otüstü xokkey komandasının üzvləri 20 illik yubiley ərəfəsində YAP sıralarına qoşulmağa qərar veriblər. Komandanın baş məşqçisi Feyzulla Rəhimbəyov bu niyyətlərini tədbir iştirakçılarının diqqətinə çatdırıb. O, həmçinin, komandanın nəinki respublika, o cümlədən, Avropa miqyasında qazandığı uğurlar barədə məlumat verib.
Toplantıda, həmçinin, YAP sıralarına yeni qoşulmuş şəxslərə partiya vəsiqələri təqdim olunub.
Sonda Yeni Azərbaycan Partiyasının Sədri, ölkə Prezidenti İlham Əliyevə müraciət qəbul edilib.
Nardar BAYRAMLI

Paylaş:

Baxılıb: 1287 dəfə