Heydər Əliyev
yeni azerbaycan logo

Ana səhifə / YAP xəbərləri / Ulu öndərin vəfatının doqquzuncu ildönümü ilə bağlı Qubadlı rayonunun ictimaiyyəti anım tədbiri keçirib

Ulu öndərin vəfatının doqquzuncu ildönümü ilə bağlı Qubadlı rayonunun ictimaiyyəti anım tədbiri keçirib

13.12.2012 [01:48]

Azərbaycan xalqının Ümummilli lideri Heydər Əliyevin vəfatının doqquzuncu ildönümü ilə əlaqədar Qubadlı rayonunun idarə, müəssisə və təşkilatlarında silsilə tədbirlər keçirilir. Belə tədbirlərdən biri də dünən rayon ziyalılarının, ictimaiyyət nümayəndələrinin iştirakı ilə Qubadlı rayon İcra Hakimiyyətində keçirilib. Qubadlı rayon İcra Hakimiyyətinin və YAP Qubadlı rayon təşkilatının təşkilatçılığı ilə baş tutan tədbirin iştirakçıları öncə Ulu öndər Heydər Əliyevin rayon İcra Hakimiyyətinin binasının foyesindəki büstünün önünə gül dəstələri düzüblər. Ümummilli liderin xatirəsi yad edilib.
Daha sonra rayon İcra Hakimiyyətinin iclas zalında davam etdirilən tədbirdə çıxış edən Qubadlı rayon İcra Hakimiyyətinin başçısı Malik İsaqov Ulu öndər Heydər Əliyevin Azərbaycan tarixindəki misilsiz xidmətlərindən danışıb. O, qeyd edib ki, Ümummilli lider Heydər Əliyevin Azərbaycana rəhbərlik etdiyi hər iki dönəmdə ölkəmizin tərəqqisi naminə həyata keçirdiyi tədbirlər özünün miqyasına görə onilliklərin çərçivəsinə sığmır: “Ümummilli liderimiz Heydər Əliyevin işıqlı ideyaları Azərbaycan Prezidenti, möhtərəm İlham Əliyev cənablarının rəhbərliyi ilə uğurla həyata keçirilir. Dünyanın inkişaf etmiş ölkələrini sarsıdan maliyyə və iqtisadi böhranlar fonunda Azərbaycanda son 9 ildə əldə edilən dinamik inkişaf xalqımız tərəfindən müstəqil Azərbaycan dövlətinin qurucusu və memarı Heydər Əliyevin uzaqgörən və müdrik strategiyasından qaynaqlanan, Azərbaycan Respublikasının Prezidenti cənab İlham Əliyev tərəfindən bacarıq və qətiyyətlə, yeni tarixi şəraitə uyğun yaradıcılıqla həyata keçirilən daxili və xarici siyasətin nəticəsi kimi minnətdarlıqla dəyərləndirilir”.
M.İsaqov bildirib ki, məcburi köçkün rayonu olan Qubadlı rayonunun əhalisi Ulu öndər Heydər Əliyev siyasətinə daim sadiqdir. O bildirib ki, hər bir Azərbaycan vətəndaşı məhz bu siyasət nəticəsində Azərbaycanın ən ümdə problemi olan Dağlıq Qarabağ münaqişəsinin tezliklə həll ediləcəyinə, torpaqlarımızın işğaldan azad olunacağına qəti şəkildə əmindir. Tədbirin sonunda Ümummilli liderin həyat yolundan bəhs edən film nümayiş etdirilib.
Pərviz SADAYOĞLU

Paylaş:
Baxılıb: 1333 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30