Ulu Öndər Heydər Əliyevin anım gününə həsr edilmiş tədbir keçirilib

Bakı:

18°C

63%

2m/s

Əlaqə

AZ RU EN

Ana səhifə / YAP xəbərləri / Ulu Öndər Heydər Əliyevin anım gününə həsr edilmiş tədbir keçirilib

Ulu Öndər Heydər Əliyevin anım gününə həsr edilmiş tədbir keçirilib

11.12.2024 [18:27]

Yeni Azərbaycan Partiyası Nərimanov rayon təşkilatı və Bakı Avrasiya Universiteti tərəfindən Ulu Öndər Heydər Əliyevin anım gününə həsr olunmuş tədbir keçirilib.

11 dekabr 2024-cü il tarixdə Yeni Azərbaycan Partiyası Nərimanov rayon təşkilatı və Bakı Avrasiya Universitetinin birgə təşkilatçılığı ilə Ulu Öndər Heydər Əliyevin anım gününə həsr olunmuş tədbirdən öncə dahi şəxsiyyətin büstü önünə tər-gül dəstələri qoyulub, əziz xatirəsi ehtiramla anılıb.

Bakı Avrasiya Universitetinin konfrans zalında keçirilən tədbirdə ilk öncə Azərbaycan Respublikasının Dövlət Himni səsləndirilib, sonra Ümummilli lider Heydər Əliyevin və Vətənimizin bütövlüyü uğrunda canından keçmiş şəhidlərimizin əziz ruhu bir dəqiqəlik sükutla yad edilib.

Tədbiri giriş sözü ilə Bakı Avrasiya Universitetinin rektoru Səyavuş Qasımov açaraq bildirib ki, Heydər Əliyevin Azərbaycan üçün, Azərbaycanın sosial-siyasi, iqtisadi həyatı üçün etdikləri göz qabağındadır. S. Qasımov dahi şəxsiyyətin hakimiyyətdə olduğu hər iki dövrdə gənc kadrların həm ölkə daxilində, həm ölkə xaricində yetişdirilməsində əvəzsiz rol oynadığını qeyd edib.

Yeni Azərbaycan Partiyası Nərimanov rayon təşkilatının sədri Elçin Quliyev çıxış edərək bildirib ki, Ulu öndər Heydər Əliyevin siyasi irsi, əslində dövlətçilik tarixidir. Çünki o, bir-birindən kəskin fərqlənən iki ayrı dövrdə - həm SSRİ dönəmində, həm də müstəqillik illərində respublikamıza uğurla rəhbərlik edib, milli tərəqqini – iqtisadi inkişafı, mədəni intibahı və siyasi yüksəlişi təmin etməyə müvəffəq olub. E. Quliyev Ümummilli Liderin iki fərqli dövrdə və əsrdə gördüyü işlər Azərbaycanın siyasi simasını, milli obrazını formalaşdırdığını qeyd edib. Təşkilat sədri vurğulayıb ki, Ulu Öndər özündən sonra Azərbaycana şərəflə, ləyaqətlə və uğurla rəhbərlik edərək xalqın rifahını, dövlətin isə mənafeyini təmin edəcək qətiyyətli lider yetişdirməklə tarixi missiya yerinə yetirdi. Heydər Əliyevin şah əsəri olan müasir müstəqil Azərbaycan Ulu Öndərin layiqli davamçısı Prezident İlham Əliyevin rəhbərliyi ilə möhtəşəm nailiyyətlər qazanaraq regionun lider dövlətinə, etibarlı və perspektivli tərəfdaşa çevrilməsini, qalib ölkə statusu qazanmasını E. Quliyev bildirib.

Tədbirdə Milli Məclisin deputatları Hikmət Məmmədov, Samir Vəliyev və Bakı Avrasiya Universitetinin kafedra müdiri Aybəniz Rüstəmova çıxış edərək Heydər Əliyev dühasının Azərbaycana bir qərinəlik rəhbərliyi dövründə respublikanın tərəqqisi yolunda yorulub- usanmadan çalışması, xalqın köklü maraqlarını ardıcıl qoruması ölkəmizin çağdaş dünya düzənində layiqli yerini təmin etməsindən bəhs ediblər və möhtəşəm qələbəyə səbəb olan inkişafın məhz Heydər Əliyevin və onun layiqli davamçısı, cənab Prezident İlham Əliyevin nümunəvi siyasətinin nəticəsi olduğunu vurğulayıblar. Qeyd olunub ki, Bu gün Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin və onun yaxın silahdaşı Birinci vitse-prezident, çox hörmətli Mehriban xanım Əliyevanın rəhbərliyi ilə Azərbaycanın istər daxili, istərsə də xarici siyasətdə əldə etdiyi hər bir uğur dahi öndərin zəkasının təcəssümü, əmanət qoyub getdiyi ideyaların təntənəsidir.

Paylaş:

Baxılıb: 422 dəfə