Zəfər dolu 21 il

Bakı:

17 °C

88 %

4 m/s

Əlaqə

AZ RU EN

Ana səhifə / YAP xəbərləri / Zəfər dolu 21 il

Zəfər dolu 21 il

24.12.2024 [10:58]

Sahib Şükürov,

YAP Göyçay rayon təşkilatının sədri

Qədirbilən Azərbaycan xalqı Ulu Öndər Heydər Əliyevin 1 oktyabr 2003-cü il tarixində tarixi müraciətini dinləyərək, tövsiyyəsini müqəddəs hesab edərək 2003-cü il oktyabrın 15-də cənab İlham Əliyevi Azərbaycan Respublikasının Prezidenti seçdi. Bundan sonra Azərbaycan dövləti üçün yeni səhifə açıldı.

Prezident seçildiyi ilk gündən etibarən cənab İlham Əliyev bütün sahələrdə inkişafın təmin edilməsi üçün yerində, lazımi addımlar atmışdır. Yürüdülən siyasət müstəqilliyimizin daha da möhkəmləndirilməsinə, xalqın rifahının yüksəlməsinə, vətəndaş həmrəyliyinin bərqərar olmasına xidmət edir. Dövlət Başçımızın yürütdüyü daxili siyasətin mühüm istiqamətlərindən bir sosial siyasətdir.

21 illlik qısa zaman kəsiyində Azərbaycan dövləti Prezident cənab İlham Əliyevin rəhbərliyi ilə, onun sayəsində çox böyük uğurlara imza atıb. Dövlətimizin başçısı bu illər ərzində xalqa verdiyi bütün vədləri yerinə yetirib və xalqın sevgisini, etimadını qazanıb. Bütün sahələrdə sürətli inkişafa nail olunub, insanların rifah halı daha da yaxşılaşıb.

Azərbaycan bu gün regionun lider dövlətidir. Beynəlxalq nüfuzu günbəgün artan ölkəmiz dünyada söz sahibinə çevrilib. Məhz cənab İlham Əliyevin yüksək intellekti, praqmatik düşüncəsi, müasir dünya siyasətini və iqtisadiyyatını gözəl bilməsinin nəticəsidir ki, bu gün ölkəmiz heç zaman olmadığı qədər güclü və qüdrətlidir.

Əlbəttə ki, işğal altındakı torpaqlarımızın azad olunması, ərazi bütövlüyümüzün bərpası ilə nəticələnmiş Vətən müharibəsi Prezident, Müzəffər Ali Baş Komandan İlham Əliyevin rəhbərliyi ilə əldə edilən uğurların zirvəsində dayanır. Xalqımızın qəhrəmanlıq tarixinə qızıl hərflərlə yazılan Qarabağ Zəfəri, Azərbaycanı qalib ölkəyə, xalqımızı qalib xalqa çevirdi.

Azərbaycan bu gün dünyada böyük etimad sahibidir. Ölkəmiz qlobal problemlərin həlli yollarınının müzakirə edildiyi məkan kimi tanınır. Məhz ötən ay BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirilməsi ölkəmizin daha bir uğuru kimi tariximizə yazıldı. Olduqca mühüm dövlətlərarası tədbirlərindən biri olan COP29-un Azərbaycanda keçirilməsi beynəlxalq aləmin ölkəmizə olan hörmət və etimadının göstəricisidir. Bu, eyni zamanda, əsasını Ümummilli liderimiz Heydər Əliyevin qoyduğu və bugün Prezident İlham Əliyevin dövrün tələblərinə uyğun olaraq davam etdirdiyi xarici siyasətinin ən böyük uğurlarındandır. Azərbaycan dünyanı həm də azad edilmiş ərazilərdə sürətli bərpa və yenidənqurma işlərilə heyrətləndirir. Dövlət başçımızın rəhbərliyi ilə Qarabağımız cənnətə çevrilir.

Dövlət başçımızın 21 illik fəaliyyətinə, onun rəhbərliyi ilə ölkəmizin qazandığı, əldə etdiyi uğurlara, nailiyyətlərə, möhtəşəm tarixi Zəfərimizə baxdıqda əminlikdə demək olar ki, Prezidenti İlham Əliyevin rəhbərliyi ilə Azərbaycan xalqını qarşıda hələ çox ugurlar, Zəfərlər gözləyir.

Paylaş:

Baxılıb: 437 dəfə