Azərbaycan əsgərinin aşa bilmədiyi sədd yoxdur

Bakı:

29 °C

48 %

5 m/s

Əlaqə

AZ RU EN

Ana səhifə / YAP xəbərləri / Azərbaycan əsgərinin aşa bilmədiyi sədd yoxdur

Azərbaycan əsgərinin aşa bilmədiyi sədd yoxdur

23.06.2025 [18:36]

26 İyun - Silahlı Qüvvələr Gününü Azərbaycan xalqı artıq beş ildir ki, qalib millət, qalib dövlət kimi qeyd edir. Təbii ki, bu Zəfərə görə hər birimiz Prezident, Müzəffər Ali Baş Komandan İlham Əliyevə, qəhrəman əsgərlərimizə, qazi və şəhidlərimizə borcluyuq. Məhz Ali Baş Komandan İlham Əliyevin rəhbərliyi ilə 2020-ci ildə 44 günlük Vətən müharibəsində, keçirdiyi antiterror əməliyyatı nəticəsində Azərbaycan ordusu düşməni məhv edərək, 30 il işğal altında olan torpaqlarımızı düşmən tapdağından azad etdi. Ölkəmizin ərazi bütövlüyümüzü, suverenliyi bərpa edildi.

107 il öncə 1918-ci il iyunun 26-da Azərbaycan Xalq Cumhuriyyəti Nazirlər Şurasının qərarı ilə ilk müntəzəm hərbi hissə-Əlahiddə Azərbaycan Korpusu yaradılıb. Ulu öndər Heydər Əliyevin 1998-ci il 22 may tarixli Fərmanı ilə 26 iyun Azərbaycan Respublikasının Silahlı Qüvvələr Günü elan edilib.

1991-ci ildə Azərbaycan dövlət müstəqilliyini bərpa etdikdən sonra ölkəmizə rəhbərlik edənlərin bacarıqsızlığı, səriştəsizliyi və xəyanəti nəticəsində torpaqlarımızın 20 faizi işğal olundu, ölkə vətəndaş qarşıdurması ilə üz-üzə qaldı, Azərbaycan müstəqilliyinin itirilməsi təhlükəsi yarandı. Belə çətin, ağır bir zamanda xalqın istəyi, arzusu, təkidlı tələbi ilə hakimiyyətə qayıdan Ulu Öndər Heydər Əliyev ilk növbədə nizami ordu quruculuğu prosesini reallaşdırmaq və eyni zamanda ölkədə sabitliyə nail olmaq üçün 1994-cü il mayın 12-də Ermənistan-Azərbaycan hərbi münaqişəsində atəşkəs haqda müqavilə imzalandı və bununla da bu proses daha da sürətləndi.

Ümummmilli liderimiz Heydər Əliyev hələ Sovet dönəmində də ölkəmiz üçün misli görülməmiş xidmətləri olmuşdur. Bunlardan ən mühümü 1971-ci ildə Bakıda məşhur Azərbaycan sərkərdəsi Cəmşid Naxçıvanski adına hərbi kadrlar hazırlayan məktəbin yaradılmasını qeyd etmək olar.

Ulu öndər siyasi kursunu uğurla davam etdirən prezident İlham Əliyevin hakimiyyəti dövründə Azərbaycan Ordusu tamamilə yeni mərhələyə qədəm qoydu.

Prezident, Ali Baş Komandan,cənab İlham Əliyevin diqqət və qayğısı sayəsində hərbiçilərin peşəkarlığının artırılması, şəxsi heyyətin döyüş ruhunun və mənəvi-psixoloji hazırlığının yüksəldilməsi, silahlı qüvvələrimizin ən müasir silah və texnika ilə təchizatı daim ön planda saxlanıldı. Məhz bu ali diqqət və qayğının nəticəsidir ki, bu gün Azərbaycan Silahlı Cənubi Qafqazda birinci, dünyada ilk 50 ordu sırasında yer alır.

2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq başlanan və 44 gün davam edən Vətən müharibəsində qazanılmış möhtəşəm qələbə - Qarabağ Zəfəri Ordumuzun gücünü, qüdrətini bütün dünyaya nümayiş etdirdi. Eyni zamanda 2023-cü ilin sentyabr ayında Qarabağda həyata keçirilən antiterror tədbirləri göstərdi ki, Azərbaycan əsgərinin aşa bilmədiyi sədd yoxdur, bu Ordu ildən-ilə güclənir və daha da mütəşəkkilləşir.

Bu günkü müstəqil qalib Azərbaycan, onun qüdrətli ordusu məhs müasir müstəqil Azərbaycan dövlətinin memarı və qurucusu, ölkəmizdə nizami ordunun təməlini qoyan Heydər Əliyevin görmək istədiyi kimidir.

Qalib xalq olaraq qəhrəman şəhidlərimizin ruhu qarşısında baş əyir, qüdrətli ölkəmizlə , tarixi Zəfəri bizə bəxş edən Prezidentimiz İlham Əliyevlə , rəşadətli ordumuzla fəxr edirik.

Sahib Şükürov,

YAP Göyçay rayon təşkilatının sədri

Paylaş:

Baxılıb: 474 dəfə