Özbəkistan Prezidentinin Azərbaycana dövlət səfəri strateji və tarixi əhəmiyyətə malikdir

Bakı:

13 °C

82 %

5 m/s

Əlaqə

AZ RU EN

Ana səhifə / YAP xəbərləri / Özbəkistan Prezidentinin Azərbaycana dövlət səfəri strateji və tarixi əhəmiyyətə malikdir

Özbəkistan Prezidentinin Azərbaycana dövlət səfəri strateji və tarixi əhəmiyyətə malikdir

08.07.2025 [20:26]

Azərbaycan-Özbəkistan arasında tarixi köklərə malik dostluq və əməkdaşlıq əlaqələri mövcuddur. Azərbaycan və özbək xalqları ortaq mədəniyyət, eyni dil ailəsinə mənsubiyyət, dini dəyərlər və milli ənənələrlə bir-birinə bağlıdır. Bu bağlar tarixi köklərlə möhkəmlənib. Azərbaycan və Özbəkistan arasındakı münasibətlər təkcə regional deyil, qlobal miqyasda strateji əməkdaşlıq modelidir.

Prezident İlham Əliyevin 2025-ci il iyulun 2-də Özbəkistan Prezidenti Şavkat Mirziyoyevin Azərbaycana səfəri zamanı, Özbəkistanın Azərbaycandakı səfirliyinin yeni binasının açılışında iştirak ediblər. Müasir kompleks, iki qardaş ölkə arasında çoxtərəfli starteji tərəfdaşlıq münasibətlərinin və müttəfiqiyin gələcəy inkişafına yönəlib. Prezident İlham Əliyevin çıxışında qeyd edib ki, bu yer Heydər Əlirza oğlu tərəfindən ayrılıb, şəhərin mərkəzində, böyük dövlətlərin səfirliklərinin yerləşdiyi ərazidə, eyni zonada, amma ən azı iki onillik, yox, bir qədər az müddətdə orada boş qalıb, düzünü deyim ki, bu yer üçün çoxlu “ovçular” olub. Mənə dəfələrlə dedilər ki, görürsünüz, Özbəkistan səfirlik tikmir, yer yaxşıdır, layihə budur. Deyirəm, bütün layihələri yığışdırın, atam bu yeri qardaş ölkəyə verib. Qərar veriləndə, əminəm ki, bu bina tikiləcək və Şavkat Miromonoviç bundan xəbər tutan kimi, biz aktiv şəkildə qarşılıqlı fəaliyyətə başlayanda, qərar qəbul etdi və indi gözəl bina tikilib.

Əminəm ki, qısa müddətdə Bakı şəhərində Özbəkistanın gözəl guşəsi yaradılacaq. Bu, həm də vətəndaşlarımızın, xarici turistlərin məmnuniyyətlə gələcəyi bir yer olacaq. Bu, bir daha bizim qardaşlıq münasibətlərimizin təzahürüdür. Əminəm ki, belə layihələr çox olacaq. Özbəkistanda daha çox turizm infrastrukturu layihəsi həyata keçiriləcək. Bu gün hələ çox işimiz var. Prezident İlham Əliyevin çıxışında qeyd edilən bütün istiqamətlər siyasi, iqtisadi, humanitar, nəqliyyat və mədəniyyət sahələri bu münasibətlərin çoxölçülü və kompleks xarakter daşıdığını sübut edir.

Azərbaycan - Özbəkistan əlaqələrinin inkişafı göstərir ki, bu əməkdaşlıq təkcə iki dövlətin deyil, bütün Türk dünyasının gələcəyi üçün strateji resursa çevrilməkdədir. Əminik ki, xalqlarımızı birləşdirən ortaq dəyərlər, qarşılıqlı hörmət və siyasi iradə Azərbaycan və Özbəkistanın gələcəkdə də bütün sahələrdə uğurlu əməkdaşlığını təmin edəcək. Bu münasibətlər xalqlarımızın rifahına, regionda sülhə, sabitliyə və inkişaf proseslərinə xidmət edəcək.