Bərdəlilərin yeganə seçimi Prezident İlham Əliyevdir

Bakı:

18°C

72%

5m/s

Əlaqə

AZ RU EN

Ana səhifə / YAP xəbərləri / Bərdəlilərin yeganə seçimi Prezident İlham Əliyevdir

Bərdəlilərin yeganə seçimi Prezident İlham Əliyevdir

18.09.2013 [10:51]

Azərbaycan vətəndaşları cənab İlham Əliyevi alternativsiz lider kimi qəbul edir, Onun uğurla davam etdirdiyi siyasi və iqtisadi islahatlar kursunu tam dəstəkləyirlər
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə Seçki Qərargahının üzvləri seçicilərlə görüşləri davam etdirirlər. Növbəti görüş dünən rayonun Yeni Daşkənd kəndinin mərkəzi meydanında olub.
800 nəfərə yaxın seçicinin iştirak etdiyi görüşü YAP Bərdə rayon təşkilatının sədri Fəqət Şadlinskaya açaraq cənab İlham Əliyevin rəhbərliyi ilə ötən 10 il ərzində həyata keçirilən siyasət barədə ətraflı məlumat verib. Rayon təşkilatının sədri 9 oktyabr prezident seçkilərinin Azərbaycanda demokratiyanın növbəti təntənəsi olacağını vurğulayıb, azad, ədalətli, şəffaf şəraitdə keçiriləcək bu seçkilərdə də xalqın iradəsinin qələbə qazanacağına əminliyini ifadə edib: “Azərbaycan vətəndaşları cənab İlham Əliyevi alternativsiz lider kimi qəbul edir və Onun uğurla davam etdirdiyi siyasi və iqtisadi islahatlar kursunu tam dəstəkləyirlər”.
Görüşdə çıxış edən Azərbaycan Milli Elmlər Akademiyasının Şərqşunaslıq İnstitutunun direktoru, millət vəkili, Filologiya elmləri doktoru, professor Gövhər Baxşəliyeva cənab İlham Əliyevin 10 illik fəaliyyəti zamanı əldə edilən uğurlara nəzər salıb. Millət vəkili ölkə iqtisadiyyatının inkişaf tempini Avropa dövlətləri ilə müqayisə edərək bildirib ki, ötən 10 il ərzində Azərbaycan sürətlə inkişaf edib: “Azərbaycan investisya idxal edən ölkədən investisya ixrac edən ölkəyə çevrilib, qeyri neft sektorunda ÜDM istehsalı 2,4 dəfə, sənaye məhsulunun ümumi həcmi 2,6 dəfə artıb, insan indeksinin inkişafına görə Azərbaycan dünya üzrə öncüllər sırasına çıxıb. Neft kapitalı ugurla insan kapitalına çevrilib”.
Çıxışının sonunda Gövhər Baxşəliyeva seçiciləri Azərbaycanın gələcək inkişafı naminə cənab İlham Əliyevə səs verməyə çağırıb.
Seçicilər qarşısında çıxış edən texniki elmlər doktoru Mürsəl Əliyev bildirib ki, cənab İlham Əliyev ötən müddət ərzində sübut edib ki, hər bir Azərbaycan vətəndaşının Prezidentidir: “Mən sizləri oktyabrın 9-da cənab İlham Əliyevə səs verməyə çağırıram”.
Görüşdə çıxış edən rayon Ağsaqqalar Şurasının sədri Arif Əliyev, partiya fəallarından Həsən Həsənov, Ələddin Balıyev, Əliş Şərifov və başqaları cənab İlham Əliyevin çoxşaxəli fəaliyyətinin canlı şahidləri olduqlarını bildiriblər. Natiqlər oktyabrın 9-da cənab İlham Əliyevə səs verəcəklərini bəyan ediblər.
Dünən həmçinin, rayonunun Mustafaağalı kəndində də seçicilərlə görüş olub.
Nadir AZƏRİ

Paylaş:

Baxılıb: 1166 dəfə