Bərdəlilər də “İlhamla irəli” deyirlər

Bakı:

27 °C

62 %

8 m/s

Əlaqə

AZ RU EN

Ana səhifə / YAP xəbərləri / Bərdəlilər də “İlhamla irəli” deyirlər

Bərdəlilər də “İlhamla irəli” deyirlər

22.09.2013 [10:53]

Bərdə rayonunda seçicilərlə növbəti görüşlər keçirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə seçki qərargahının üzvləri seçicilərlə görüşləri davam etdirirlər. Növbəti görüş dünən rayonun Samux və Qaradəmirçi kəndlərində keçirilib.
Görüşləri giriş sözü ilə YAP Bərdə rayon təşkilatının sədri Fəqət Şadlinskaya açaraq cənab İlham Əliyevin rəhbərliyi ilə ötən 10 il ərzində həyata keçirilən siyasət barədə ətraflı məlumat verib. Rayon təşkilatının sədri 9 oktyabr prezident seçkilərinin Azərbaycanda demokratiyanın növbəti təntənəsi olacağını vurğulayıb, azad, ədalətli, şəffaf şəraitdə keçiriləcək bu seçkilərdə də xalqın iradəsinin qələbə qazanacağına əminliklərini ifadə edib: “Azərbaycan vətəndaşları cənab İlham Əliyevi alternativsiz lider kimi qəbul edir və Onun uğurla davam etdirdiyi siyasi və iqtisadi islahatlar kursunu tam dəstəkləyirlər”.
Seçicilər qarşısında çıxış edən rayon Ağsaqqalar Şurasının sədri Arif Əliyev, rayon Qadınlar Şurasının sədri Rahilə Babayeva, Əməkdar müəllim Rzaqulu Şərifov, partiya fəalı Nizami Quliyev, YAP Bərdə rayon təşkilatı şurasının üzvü Nuraya Məmmədova və başqaları son 10 ildə Prezident İlham Əliyevin rəhbərliyi ilə Azərbaycanın sürətlə inkişaf etdiyini və dünyanın nüfuzlu ölkələrindən birinə çevrildiyni deyiblər. Çıxışlarda qeyd olunub ki, əldə edilən uğurlardan Bərdə rayonuna da pay düşüb.
Rayon gəncləri adından çıxış edən Anar Şahbazov bildirib ki, Prezident İlham Əliyev daima gənclərə diqqət və qayğı göstərir: “Kimsəyə sirr deyil ki, hazırda gənclər siyasəti dövlət siyasətinin mühüm tərkib hissəsidir. Azərbaycan gəncliyi ictimai həyatın bütün sferalarında aktiv fəaliyyəti ilə seçilir və siyasi, iqtisadi, humanitar, sosial tədbirlərin həyata keçirilməsində mühüm rol oynayır. Dövlətin gənclərin fəaliyyəti üçün yaratdığı geniş imkanlar nəticəsində bu təbəqə cəmiyyətin avanqard qüvvəsinə çevrilib”.
Natiq onu da bildirib ki, dövlət başçısının həyata keçirdiyi siyasət nəticəsində hazırda gənclər cəmiyyətdə layiqli yerlərini tutublar: “Məhz buna görə də digər gənclər kimi biz Bərdə gəncləri də oktyabrın 9-da cənab İlham Əliyevə səs verəcəyik”.
Öz növbəsində Samux kənd sakinlərindən Fərhad Cəfərov, Nemət Muradov, ziyalılar adından Rəna Fərzəliyeva, Qaradəmirçi kəndindən Səmayə Məmmədova və başqaları son illərdə həyata keçirilən quruculuq işlərini dövlət başçısının insanlara diqqət və qayğısının nümunəsi adlandırıblar. Natiqlər insanlara rahat həyat bəxş edən bu siyasətin davamına tərəfdar olduqlarını, oktyabrın 9-da cənab İlham Əliyevə səs verəcəklərini bəyan ediblər.
NADİR

Paylaş:

Baxılıb: 1364 dəfə