Biz Prezidentimiz İlham Əliyevin rəhbərliyi altında inamlı sabaha, işıqlı gələcəyə doğru addımlayırıq

Bakı:

24 °C

74 %

10 m/s

AZ RU EN

Ana səhifə / YAP xəbərləri / Biz Prezidentimiz İlham Əliyevin rəhbərliyi altında inamlı sabaha, işıqlı gələcəyə doğru addımlayırıq

Biz Prezidentimiz İlham Əliyevin rəhbərliyi altında inamlı sabaha, işıqlı gələcəyə doğru addımlayırıq

25.09.2013 [10:06]

Bu fikirlər Siyəzən rayonunun Tağay, Yenikənd kəndləri və Gilgilçay qəsəbəsində keçirilən görüşlərdə bir daha bəyan edilib
9 oktyabr 2013-cü ildə keçiriləcək prezident seçkilərində Yeni Azərbaycan Partiyası (YAP) tərəfindən namizədliyi irəli sürülmüş Azərbaycan Respublikasının Prezidenti cənab İlham Əliyevin Siyəzən rayonu üzrə seçki qərargahı təbliğat-təşviqat kampaniyasını uğurla davam etdirir. Kampaniya çərçivəsində növbəti görüş sentyabrın 24-də rayonun Tağay, Yenikənd kəndləri və Gilgilçay qəsəbəsində keçirilib.
Tədbiri giriş sözü ilə açan YAP Siyəzən rayon təşkilatının sədri Etibar Heydərov bildirib ki, bu gün biz xalqımızın Ümummilli lideri Heydər Əliyev siyasətinin uğurlu davamçısı Prezidentimiz İlham Əliyevin rəhbərliyi altında inamlı sabaha, işıqlı gələcəyə doğru addımlayırıq: “Biz gözəl dərk edirik ki, bu gün Ulu öndər Heydər Əliyev siyasəti uğurla davam edir. Möhtərəm Prezidentimiz İlham Əliyev bunu Öz əməli fəaliyyəti ilə də sübut edir. Son 10 il Azərbaycanda bütün istiqamətlərdə böyük inkişafla, ölkəmizin regionda və dünyada mövqelərini gücləndirməsi ilə müşayiət olunub. Biz inanırıq ki, növbəti dəfə cənab İlham Əliyev prezident seçiləcək və ölkəmiz durmadan inkişaf edəcək”.
Daha sonra çıxış edən millət vəkili Tahir Süleymanov qeyd edib ki, cənab İlham Əliyev Azərbaycanın gələcəyinin qarantıdır: “İlham Əliyev xalqımıza və dövlətimizə ləyaqətlə xidmət etməyi qarşısına məqsəd qoyan və bu missiyanı ləyaqətlə həyata keçirən bir siyasətçidir. O, yeniliyi sevir və müdafiə edir, gəncliyə arxalanır. O, həmişə gəncliyimizə şəxsi nümunə göstərir və onları ardınca aparmağı bacarır. Bu gün bütün Azərbaycan xalqı Ulu öndər Heydər Əliyev siyasi kursunun layiqli davamçısı cənab İlham Əliyevə inanır və Onun ardınca gedir”.
“Səs” qəzetinin baş redaktoru Bəhruz Quliyev tədbirdə çıxış edərək bildirib ki, dövlət başçısının Azərbaycanın gələcəyi üçün bir sıra önəmli addımlar atdığı, ölkəmizi dünya arenasında layiqincə təmsil etdiyi hər kəsə məlumdur: “Cənab İlham Əliyev xalq tərəfindən dəstəklənən liderdir. İnanıram ki, 2013-cü ilin prezident seçkilərində cənab Prezidentimiz qalib gələcək. Biz yalnız qarşıdakı 5 ildə deyil, ümumiyyətlə ölkənin gələcəyində cənab Prezidenti lider kimi görmək istəyirik. Çünki güclü lider güclü dövlət deməkdir. Yəni Azərbaycanın qüdrəti, qazandığı uğurlar birbaşa cənab Prezidentin yeritdiyi siyasətlə bağlıdır. Hesab edirəm ki, Azərbaycan xalqının gələcəyini düşünənlərin İlham Əliyevdən başqa seçimi və arzusu ola bilməz”.
Daha sonra tədbirdə iştirak edən kənd ağsaqqalı Oruc Ağayev, müəllimlərdən Şahin Səfərov, Gülnarə Bədəlova, təqaüdçü Dilbar Aslanov çıxış edərək bildiriblər ki, 9 oktyabrda Yeni Azərbaycan Partiyasının namizədi cənab İlham Əliyevə səs verəcəklər”.
Oktay

Paylaş:

Baxılıb: 1253 dəfə