Torpaqlar uğrunda şəhid olmaq ən ali zirvədir

Bakı:

20°C

60%

5m/s

Əlaqə

AZ RU EN

Ana səhifə / YAP xəbərləri / Torpaqlar uğrunda şəhid olmaq ən ali zirvədir

Torpaqlar uğrunda şəhid olmaq ən ali zirvədir

26.09.2025 [17:20]

Orxan Əhmədov,

YAP Gəncə şəhər təşkilatının sədr müavini

Azərbaycanın müasir tarixinə şərəf və qürurla yazılmış günlərdən biri də 27 Sentyabrdır. Bu tarix Vətən müharibəsinin başlandığı və Azərbaycan xalqının torpaq uğrunda mübarizəyə qalxdığı gündür. 2020-ci ilin 27 sentyabrında Azərbaycan Ordusu düşmənin növbəti təxribatına cavab olaraq əks-hücum əməliyyatına başladı. Xalqımızın qəhrəmanlıq salnaməsinə çevrilın 44 gün davam edən bu şanlı müharibə Azərbaycan xalqının birliyi, gücü və qəhrəmanlığı ilə tarixə qızıl hərflərlə yazıldı.

Azərbaycan xalqı artıq beş ildir ki, 2020-ci ilin 27 sentyabr tarixində Vətən müharibəsinin başlanmasını xatırlayır və bu günü Anım Günü kimi qeyd edir. Həmin gün Prezident, Müzəffər Ali Baş Komandan İlham Əliyevin rəhbərliyi altında Azərbaycan Ordusu 30 ilə yaxın işğal altında qalmış torpaqlarımızı azad etdi. Şuşanın, Füzulinin, Cəbrayılın, Zəngilanın, Qubadlının, Laçının və digər rayonların azad olunması xalqımıza böyük qürur hissi yaşatdı. Nəhayət, 10 noyabr 2020-ci ildə qazanılan Qələbə nəticəsində torpaqlarımız bütövlüyünə qovuşdu.

Bu müharibə zamanı minlərlə igid oğlumuz şəhid oldu, yüzlərlə qazimiz canı və sağlamlığını Vətən uğrunda fəda etdi. Onların qəhrəmanlığı, şücaəti və vətənpərvərliyi Azərbaycan xalqı üçün əbədi bir nümunədir. Məhz buna görə də 27 Sentyabr tarixi ölkəmizdə şəhidlərin əziz xatirəsinə həsr olunmuş Anım Günü kimi qeyd edilir.

Hər il bu gün xalqımız şəhidlərin ruhunu ehtiramla yad edir, onların xatirəsini uca tutur. Məktəblərdə, ali təhsil müəssisələrində, dövlət idarələrində, həmçinin şəhərlərin meydanlarında keçirilən tədbirlərdə xalqımız bir daha öz qəhrəman övladlarını minnətdarlıqla anır.

27 Sentyabr – Anım Günü həm də Azərbaycanın gücünü, xalqımızın birliyini və gələcək nəsillərə vətənpərvərlik dərsini göstərən mühüm bir tarixdir. Bu gün biz yalnız hüznlə deyil, həm də böyük qürurla xatırlayırıq ki, şəhidlərimizin canı bahasına Azərbaycan ərazi bütövlüyünü bərpa etdi.

44 günlük Vətən müharibəsində Azərbaycan xalqı “torpaqlarımız düşən tapdağından azad edilməlidir!” amalı ətrafında sıx birləşdi. Dövlətimizin başçısı, Ali Baş Komandan İlham Əliyevin qətiyyətli siyasəti, ordumuzun gücü və xalqımızın mənəvi dəstəyi nəticəsində Azərbaycan 30 ilə yaxın müddətdə işğal altında qalan torpaqlarını azad etdi.

44 gün davam edən müharibəsində şəhidlik zirvəsinə ucalan minlərlə igid oğlumuzın hər biri xalqımızın qəlbində əbədi yaşayır. Onların qəhrəmanlıqları, şücaəti gələcək nəsillərə örnəkdir.

27 Sentyabr – Anım Günü təkcə hüzn günü deyil, həm də böyük qürur günüdür. Çünki bu gün xalqımız bir daha sübut etdi ki, torpaqlar uğrunda şəhid olmaq ən ali zirvədir. Bu gün vətənpərvərlik dərsi kimi hər bir azərbaycanlı üçün xüsusi əhəmiyyət kəsb edir.

Azərbaycanın gənc nəsli şəhidlərimizin qəhrəmanlığından ilham alaraq dövlətinə, ordusuna və Vətəninə daha da bağlı böyüyür. Qalib xalq olaraq biz bu tarixi heç vaxt unutmayacağıq.

27 Sentyabr – Anım Günü xalqımızın yaddaşında həm kədər, həm də iftixar hissi ilə xatırlanır. Biz şəhidlərimizin ruhu qarşısında baş əyirik, qazilərimizə minnətdarlığımızı bildiririk. Bu tarix gələcək nəsillərə bir vətənpərvərlik məktəbi, bir qəhrəmanlıq dastanı kimi əbədi qalacaq.

Paylaş:

Baxılıb: 163 dəfə