Şəmkirlilərin yeganə seçimi cənab İlham Əliyevdir

Bakı:

24 °C

68 %

3 m/s

Əlaqə

AZ RU EN

Ana səhifə / YAP xəbərləri / Şəmkirlilərin yeganə seçimi cənab İlham Əliyevdir

Şəmkirlilərin yeganə seçimi cənab İlham Əliyevdir

29.09.2013 [10:38]

Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası Şəmkir rayonunda da uğurla davam etdirilir
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Şəmkir rayonunda da uğurla davam etdirilir. Bu məqsədlə, rayonun Dəllər qəsəbəsində və Çənlibel kəndində seçicilərlə növbəti görüşlər keçirilib.
Görüşlərdə çıxış edən Yeni Azərbaycan Partiyası Şəmkir rayon təşkilatının sədri Fəxrəddin Vəliyev vurğulayıb ki, YAP-ın namizədi cənab İlham Əliyev alternativsiz liderdir: “Bunun da səbəbləri kifayət qədərdir. Təkcə bir faktı xatırlamaq kifayətdir ki, son 10 ildə Azərbaycan iqtisadi cəhətdən yüksək inkişaf yolu keçərək bu gün dünyanın inkişaf etmiş dövlətləri ilə bir sırada addımlayır. Son illər Azərbaycan ümumdaxili məhsulun həcminə görə regionda lider ölkəyə çevrilib. Bu artım hər il davam edir və biz bu tendensiyanın, inkişafın, sabitliyin artması, davamlı və dayanıqlı olması üçün oktyabrın 9-da növbəti dəfə cənab İlham Əliyevə səs verməliyik”.
Daha sonra çıxış edən Azərbaycan Tibb Universitetinin kafedra müdiri, professor Vaqif Şadlinski Azərbaycan dövlətinin müstəqillik tarixinə qısa nəzər salıb. Onun sözlərinə görə, 1991-ci ildə əldə edilmiş müstəqillikdən sonra hər cür çətinliyi görən Azərbaycan xalqı yaxşını pisdən ayırmağı bacarır. Ən çətin dövrlərdə xalqımızın çox düzgün qərarlar qəbul etdiyini və doğru seçimlər etdiyini xatırladan V.Şadlinskinin sözlərinə görə, bu dəfə də xalqımız doğru qərar verməklə, növbəti tarixi uğura imza atacaq: “Bütün ürəklərdə bir seçim var-Heydər Əliyev siyasi kursunun davamçısı cənab İlham Əliyevə səs vermək. Çünki bu gün Azərbaycanda İlham Əliyevə rəqib ola biləcək siyasi qüvvə yoxdur”.
O, YAP-ın namizədi İlham Əliyevin prezidentliyi dövründə görülən işləri xatırladaraq vurğulayıb ki, İlham Əliyev hələ Prezident seçilməzdən öncə öz dövlətini, xalqını və millətini sevən əsl vətəndaş olduğunu sübuta yetirmişdi. Eyni zamanda, göstərmişdi ki, işləməyi, bir çox problemləri müdrikcəsinə həll etməyi bacaran siyasi xadimdir. 2003-cü ildə xalqın iradəsi ilə hakimiyyətə gəldikdən sonra Onun Ümummilli liderimiz Heydər Əliyevin siyasətini çox cəsarətlə, şərəflə davam etdirdiyinin şahidi olduq.
Prezident İlham Əliyevin başçılığı ilə həyata keçirilən dövlət proqramlarından danışan təbliğat qrupunun üzvü şair-publisist Taleh Həmid isə deyib ki, bu gün Azərbaycan, bəlkə də, yeganə ölkədir ki, öz iqtisadiyyatını, öz inkişafını dövlət proqramları ilə qurub. Yəni, bütün sahələr üzrə düşünülmüş, planlaşdırılmış şəkildə məsələlər qoyulub və həmin proqramlar ölkəmizin davamlı inkişafını təmin edib.
O, həmçinin, bildirib ki, İlham Əliyev Prezident seçilməzdən öncə verdiyi vədlərin hamısına əməl edib: “Məhz bu səbəbdən biz hamımız YAP-ın “İlhamla irəli” şüarını əlimizdə bayraq edib, İlham Əliyevə səs verəcəyik”.
Çıxış edən digər natiqlər və rayon sakinləri əmin olduqlarını bildiriblər ki, qarşıdan gələn prezident seçkilərində şəmkirlilərin yeganə seçimi var - o da cənab İlham Əliyevdir.
Aqşin ŞAHİNOĞLU

Paylaş:

Baxılıb: 1195 dəfə