Strateji tərəfdaşlığın möhkəmlənməsində Azərbaycanın əhəmiyyətli rolu

Bakı:

23 °C

59 %

4 m/s

Əlaqə

AZ RU EN

Ana səhifə / YAP xəbərləri / Strateji tərəfdaşlığın möhkəmlənməsində Azərbaycanın əhəmiyyətli rolu

Strateji tərəfdaşlığın möhkəmlənməsində Azərbaycanın əhəmiyyətli rolu

09.10.2025 [23:41]

Azərbaycan TDT-nin ən fəal və strateji cəhətdən əhəmiyyətli üzvü olaraq həm təşkilatın yaradılmasında, həm də onun inkişafında aparıcı rol oynayıb. Azərbaycan Prezidenti İlham Əliyev 2024-cü il fevralın 14-də andiçmə mərasimində ölkəmizin Türk dünyası ilə bağlı mövqeyini bütün dünyaya bəyan elədi.

Ümumilikdə, atılan addımlar Türk dünyası daxilində iqtisadi inteqrasiyanın, enerji və nəqliyyat sahəsində dost və qardaş ölkələrimiz arasında əməkdaşlığın dərinləşməsinə və regionumuzun dayanıqlı inkişafına xidmət edir. Bu gün TDT əsasən siyasi həmrəyliyin təzahürü kimi çıxış edirsə, sabah regional və qlobal miqyasda təsirli bir ittifaqa çevrilmək potensialına malikdir. Artıq təşkilat daxilində liderlik, iradə və strateji düşüncə formalaşıb. Qarşıdakı mərhələdə isə bu konsepsiyanı konkret siyasi və iqtisadi reallığa çevirmək vacibdir. Bu istiqamətdə atılan hər addım türk dünyasının əsrlər boyu arzuladığı birliyin gerçəkləşməsinə xidmət edir.

Nəqliyyat və kommunikasiya əlaqələri Türk Dövlətləri Təşkilatı çərçivəsində strateji əhəmiyyətə malikdir. Türk dünyasının nəqliyyat, kommunikasiya, tranzit və digər istiqamətlərdə potensialından istifadə məqsədilə görülən işlər qlobal əhəmiyyətli layihələrin icrasına gətirib çıxarıb. Azərbaycan Şərq-Qərb və Şimal-Cənub nəqliyyat dəhlizlərinin fəal iştirakçısıdır. Ölkəmiz Türkiyə ilə Mərkəzi Asiya arasında coğrafi, iqtisadi, nəqliyyat və digər sahələrdə körpü rolunu oynayır.

2022-ci ildən bəri Orta Dəhlizlə yükdaşımalar təqribən 90 faiz artıb. Dəhliz boyu tranzit müddətləri əhəmiyyətli dərəcədə azalıb. Xəzərin ən böyük ticarət donanması, yaxın illərdə gücü ildə 25 milyon tona çatacaq Ələt Beynəlxalq Ticarət Limanı, Bakı-Tbilisi-Qars dəmir yolu, 9 beynəlxalq hava limanı, regionun ən böyük yükdaşıma aviaşirkəti və digər amillər Azərbaycanı beynəlxalq nəqliyyat mərkəzlərindən birinə çevirib.

Şaxələndirilmiş neft və qaz kəmərləri vasitəsilə Xəzər regionunun beynəlxalq bazarlara birləşdirilməsində strateji rol oynayırıq. Hazırda biz 14 ölkəyə təbii qaz ixrac edirik. Coğrafi əhatəsinə görə boru kəmərləri ilə təbii qaz ixrac edən ölkələr sırasında Azərbaycan birinci yerdədir.

Azərbaycan, həmçinin Günəş, külək və su elektrik enerjisi kimi bərpaolunan enerji mənbələrinə böyük sərmayələr cəlb edir. 2030-cu ilə qədər enerji istehsalımızın təxminən 40 faizi bərpaolunan mənbələr hesabına təmin ediləcək. Hazırda biz Orta Asiya, Azərbaycan, Türkiyə, Avropa yaşıl enerji dəhlizi üzərində işlər aparılır.

Lyudmila Sərkərova,

YAP Qusar rayon təşkilatının fəal üzvü

Paylaş:

Baxılıb: 538 dəfə