YAP Mingəçevir şəhər təşkilatı təbliğat aksiyası keçirib

Bakı:

24 °C

88 %

6 m/s

Əlaqə

AZ RU EN

Ana səhifə / YAP xəbərləri / YAP Mingəçevir şəhər təşkilatı təbliğat aksiyası keçirib

YAP Mingəçevir şəhər təşkilatı təbliğat aksiyası keçirib

03.10.2013 [10:31]

Aksiya çərçivəsində seçicilərə cənab İlham Əliyevin son 10 ildə həyata keçirdiyi uğurlu siyasətin nəticələrini özündə əks etdirən “Azərbaycan 2003-2013: Dünənə bir nəzər, Sabaha bir baxış” adlı bukletlər paylanıb
Yeni Azərbaycan Partiyasının (YAP) prezidentliyə namizədi cənab İlham Əliyevin Mingəçevir şəhəri üzrə seçki qərargahının rəhbərliyi ilə YAP Mingəçevir şəhər təşkilatı və təşkilatın Gənclər Birliyi aksiya keçirib. Aksiyada YAP Mingəçevir şəhər təşkilatının gənc üzvləri iştirak ediblər. Aksiya çərçivəsində Mingəçevir şəhərində seçicilərə YAP-ın namizədi cənab İlham Əliyevin son 10 ildə həyata keçirdiyi uğurlu siyasətin nəticələrini özündə əks etdirən “Azərbaycan 2003-2013: Dünənə bir nəzər, Sabaha bir baxış” adlı bukletlər paylanıb.
Aksiya barədə məlumat verən YAP Mingəçevir şəhər təşkilatının sədri Cavanşir Yusubov bildirib ki, bukletlərdə ölkəmizin 10 il ərzində əldə etdiyi uğurlar barədə məlumatlar qeyd olunub. Prezident İlham Əliyevin siyasəti nəticəsində ölkəmizin uğurlarının daha da artdığını deyən rayon təşkilatının sədrinin fikrincə, bu gün iqtidarla xalq arasında güclü birlik var: “Bu da Prezident İlham Əliyevin fəaliyyətinin nəticəsidir. Ulu öndər Heydər Əliyev deyirdi ki, İlham Əliyevə Özüm qədər inanıram. Onun bu fikri özünü doğrultdu. Cənab İlham Əliyev Azərbaycana uğurla rəhbərlik edir. Bu gün Prezidentimizə xalqımızın böyük rəğbəti, inamı var. Xalqımız bu seçkilərdə də cənab İlham Əliyevə səs verməyə hazırdır. Seçkilərdə Prezidentimizin növbəti dəfə qələbə qazanacağı şübhəsizdir”.
C.Yusubov bildirib ki, ölkəmizin inkişafını şərtləndirən fundamental faktorlardan biri də güclü siyasi iradənin fonunda həyata keçirilən rasional islahatlardır: “Bu sırada praqmatik daxili və xarici siyasət kursu, özəlliklə də siyasi-hüquqi islahatlar xüsusi əhəmiyyət kəsb edir. Bu islahatların əsası Ulu öndər Heydər Əliyev tərəfindən qoyulub və bu gün Prezident İlham Əliyev tərəfindən qətiyyətlə, inamla davam etdirilir. Bu gün hər bir azərbaycanlı bunun fərqindədir və cənab Prezidentə dəstək olur. Mən əminəm ki, bütün vətəndaşlarımız kimi Mingəçevir seçiciləri də oktyabrın 9-da ölkəmizin inamlı inkişafına-Prezident İlham Əliyevə səs verəcəklər”.
Təşkilat sədri deyib ki, partiyanın gəncləri tərəfindən paylanan bukletlərdə də dövlət başçımızın siyasətinin uğurları əks olunur və bu aksiyamız insanlar tərəfindən maraqla qarşılandı.
Nardar BAYRAMLI

Paylaş:

Baxılıb: 1306 dəfə