Bərdədə təbliğat-təşviqat kampaniyası uğurla davam edir

Bakı:

22 °C

78 %

2 m/s

Əlaqə

AZ RU EN

Ana səhifə / YAP xəbərləri / Bərdədə təbliğat-təşviqat kampaniyası uğurla davam edir

Bərdədə təbliğat-təşviqat kampaniyası uğurla davam edir

04.10.2013 [10:02]

Dünən rayonda seçicilərə cənab İlham Əliyevin son 10 ildə həyata keçirdiyi uğurlu siyasətin nəticələrini özündə əks etdirən bukletlər paylanıb
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə seçki qərargahının üzvləri seçicilərlə görüşləri davam etdirirlər. Növbəti görüş dünən rayonun Xəsilli və Hacallı kəndlərində keçirilib.
Görüşləri giriş sözü ilə açan YAP Bərdə rayon təşkilatının sədr müavini Şamil Behbudov Yeni Azərbaycan Partiyasının namizədi olan cənab İlham Əliyevin 10 illik fəaliyyəti haqqında seçicilərə geniş məlumat verib.
Seçicilər qarşısında çıxış edən Ekologiya və Təbii Sərvətlər Nazirliyi Mineral Xammal Elmi-Tədqiqat İnstitutunun direktoru, texniki elmlər doktoru, professor Mürsəl Əliyev bildirib ki, 9 oktyabrda keçiriləcək prezident seçkilərinin qalibi, məhz cənab İlham Əliyev olacaq. Çünki dövlət başçısının təsdiqlədiyi regionların sosial-iqtisadi inkişafına dair Dövlət proqramları çərçivəsində ölkədə genişmiqyaslı abadlıq-quruculuq işləri aparılıb.
Onun sözlərinə görə, həyata keçirilmiş məqsədyönlü siyasət nəticəsində Azərbaycanın iqtisadiyyatı dünyada analoqu olmayan templə inkişaf edir. Artıq bu faktı beynəlxalq qurumlar da bəyan edirlər.
Professor bildirib ki, Prezident İlham Əliyevin həyata keçirdiyi quruculuq siyasəti nəticəsində Azərbaycanın bütün bölgələri, o cümlədən, Bərdə rayonu keyfiyyətcə yeni inkişaf mərhələsini yaşamaqdadır: “Məhz bütün bunlara görə də Azərbaycan vətəndaşları, o cümlədən, bərdəlilər cənab İlham Əliyevi alternativsiz lider kimi qəbul edir, Onun uğurla davam etdirdiyi siyasi və iqtisadi islahatlar kursunu tam dəstəkləyirlər”.
Mürsəl Əliyev sonda bərdəli seçiciləri Azərbaycanın gələcək inkişafı naminə cənab İlham Əliyevə səs verməyə çağırıb.
Çıxış edən rayon Ağsaqqallar Şurasının sədri Arif Əliyev deyib ki, cənab İlham Əliyevin təbliğata ehtiyacı yoxdur: “Çünki Azərbaycanda əldə edilən inkişaf, tərəqqi göz qabağındadır. Ölkəmizdə quruculuq, abadlıq işləri yüksək səviyyədədir. Bu gün Azərbaycanın elə bir bölgəsi, kəndi yoxdur ki, orada inkişaf olmasın. Yeni məktəblər, səhiyyə ocaqları, idman kompleksləri, yollar, körpülər tikilir. Bütün bunlar ölkənin iqtisadi imkanlarının geniş olmasını təsdiqləyir”.
Çıxış edən rayon Qadınlar Şurasının sədri Rahilə Babayeva ölkəmizdə əldə edilən uğurlardan Bərdə rayonuna da pay düşdüyünü deyib.
Onu da qeyd edək ki, dünən Bərdə rayonunda, həmçinin, YAP-ın prezidentliyə namizədi cənab İlham Əliyevin təbliğat-təşviqat kampaniyası ilə bağlı aksiya keçirilib. Aksiyada YAP Bərdə rayon təşkilatının fəalları iştirak ediblər. Aksiya çərçivəsində seçicilərə YAP-ın namizədi cənab İlham Əliyevin son 10 ildə həyata keçirdiyi uğurlu siyasətin nəticələrini özündə əks etdirən bukletlər paylanıb.
Rayon təşkilatından bildirilib ki, bukletlərdə bir çox sahələr üzrə qazanılan uğurlarla bağlı məlumatlar qeyd olunub.
NADİR

Paylaş:

Baxılıb: 1335 dəfə