Qazax sakinləri inkişafımızın davamına səs verəcəklər

Bakı:

12 °C

87 %

4 m/s

Əlaqə

AZ RU EN

Ana səhifə / YAP xəbərləri / Qazax sakinləri inkişafımızın davamına səs verəcəklər

Qazax sakinləri inkişafımızın davamına səs verəcəklər

04.10.2013 [10:04]

YAP Qazax rayon təşkilatı seçicilərlə növbəti görüşlərini keçiriblər
Oktyabrın 9-da keçiriləcək prezident seçkiləri ilə əlaqədar Yeni Azərbaycan Partiyası Qazax rayon təşkilatı təbliğat-təşviqat kampaniyasını uğurla davam etdirir. Partiyamızın namizədi cənab İlham Əliyevin təşviqat kampaniyası çərçivəsində növbəti görüşlər rayonun Kəmərli, Astanbəyli, Qaymaqlı və Çaylı kəndlərində keçirilib.
Görüşlərdə çıxış edən YAP Qazax rayon təşkilatının sədri Həmid Pənahov qarşıdan gələn prezident seçkiləri ilə bağlı məlumat verib. YAP rayon təşkilatının sədri deyib ki, Azərbaycan dövləti və Azərbaycan Prezidenti qarşıdakı illərdə əldə olunan bu uğurların davam etməsi istiqamətində yüksək qətiyyətlə fəaliyyət göstərir. Bunun üçün seçicilər oktyabrın 9-da seçki məntəqələrinə gedib ölkəmizin gələcək inkişafına-YAP-ın namizədi cənab İlham Əliyevə səs verməlidirlər: “Təkcə ötən il Prezident İlham Əliyev 30 dəfədən çox regionlarda səfərdə olub, 130-dan çox obyektin açılış və təməlqoyma mərasimlərində iştirak edib. Mən bu mənada Qazax rayonunda görülən işləri misal göstərə bilərəm. Son dövrdə rayonumuza olan diqqət rayon əhalisi tərəfindən böyük rəğbətlə qarşılanır”.
Çıxış edən “Odlar Yurdu” Universitetinin rektoru, millət vəkili Əhməd Vəliyev bildirib ki, Azərbaycanın bugünkü dinamik sosial-iqtisadi inkişafı ölkəmizin yaxın gələcəkdə bütün sahələrdə dünyanın qabaqcıl ölkələrindən birinə çevriləcəyini deməyə əsas verir. Əsası Ulu öndər Heydər Əliyev tərəfindən qoyulan bu uğurlar Onun layiqli davamçısı, alternativsiz liderimiz Prezident İlham Əliyevin rəhbərliyi ilə gələcək illərdə də davam edəcəkdir: “Ötən 10 ildəki iqtisadi inkişafımız göz önündədir. Azərbaycan Respublikasının Prezidenti SSRİ dövründə banklarda qalan əmanətlərin qaytarılması ilə bağlı Fərman imzaladı. Bu Fərman ölkədə reallaşdırılan ən əhəmiyyətli sosial layihələrdən biri kimi dövlətin sosialyönümlü və vətəndaşların maraqlarını özündə birləşdirən siyasət həyata keçirdiyini və çoxminli əhali təbəqəsinin maddi və maliyyə durumuna, həmçinin, ölkə iqtisadiyyatının daha da aktivləşməsinə birbaşa təsir göstərəcək siyasi iradəni ortaya qoyduğunu bir daha təsdiq etdi”.
Çıxış edən təbliğat-təşviqat qrupunun üzvləri Fərhad Mustafayev, Əhməd Dərgahquliyev və başqaları bildiriblər ki, bu gün Azərbaycan quruculuq meydanına çevrilib. Qeyd edilib ki, bütün seçicilər bu inkişafın davam etməsini istəyir və oktyabrın 9-da cənab İlham Əliyevə səs verəcəklər.
Çıxış edən seçicilər də Azərbaycan xalqının Ulu öndər Heydər Əliyevin siyasi kursunun layiqli davamçısı İlham Əliyevi hər zaman dəstəklədiklərini diqqətə çatdırıblar.
Pərviz SADAYOĞLU

Paylaş:

Baxılıb: 1246 dəfə