Müstəqil Azərbaycanın ilk Konstitusiyası

Bakı:

10 °C

81 %

7 m/s

Əlaqə

AZ RU EN

Ana səhifə / YAP xəbərləri / Müstəqil Azərbaycanın ilk Konstitusiyası

Müstəqil Azərbaycanın ilk Konstitusiyası

12.11.2025 [15:34]

Mansur Quliyev

YAP Ağdam rayon təşkilatının sədri

12 Noyabr 1995-ci il – müstəqil Azərbaycanın tarixində yeni bir mərhələnin başlanğıcı kimi yadda qalıb. Həmin gün ümumxalq səsverməsi yolu ilə qəbul edilən Azərbaycan Respublikasının ilk milli Konstitusiyası, dövlətimizin hüquqi, siyasi və mənəvi əsaslarını müəyyənləşdirən ən ali sənəd kimi tarixə düşdü.

Ulu Öndər Heydər Əliyevin rəhbərliyi ilə hazırlanmış bu Konstitusiya, həm dövlətçilik tariximizin davamlılığını təmin etdi, həm də gələcək nəsillərə hüquqi dövlət, azad cəmiyyət və demokratik idarəetmə modeli miras qoydu. Bu gün də Heydər Əliyevin uzaqgörən şəkildə dediyi kimi, Konstitusiyamız ümumbəşəri dəyərlərlə milli ənənələri vəhdətdə birləşdirir. O, təkcə hüquqi sənəd deyil, həm də xalqın iradəsini, milli kimliyini və dövlətçilik fəlsəfəsini əks etdirən ideoloji bəyannamədir.

Azərbaycan Respublikasının Konstitusiyası insan və vətəndaş hüquqlarının, azadlıqlarının qorunmasını dövlətin ali məqsədi kimi təsbit edir. Bu, ölkəmizdə demokratiya, sosial ədalət və qanunun aliliyi prinsiplərinin həyata keçirilməsinə möhkəm zəmin yaratmışdır. 1995-ci ildə qəbul edilmiş əsas qanun, müstəqilliyini yeni bərpa etmiş bir dövlətin qarşısında duran mürəkkəb çağırışlara cavab verərək, sabitlik və hüquqi sistemin formalaşması üçün zəruri hüquqi çərçivəni təmin etdi. Bu gün Azərbaycan Respublikasının Prezidenti cənab İlham Əliyev Ulu Öndər Heydər Əliyevin dövlətçilik kursunu böyük uğurla davam etdirərək, Konstitusiyada əks olunan prinsipləri dövlət siyasətinin bütün istiqamətlərində reallığa çevirib. Azərbaycan bu gün bölgənin ən sabit və inkişaf etmiş ölkələrindən biridir. Suverenliyinin tam bərpası, ərazi bütövlüyünün təmin edilməsi, ədalətin bərqərar olması – bütün bunlar Konstitusiyanın mahiyyətində dayanan milli birliyin və dövlət iradəsinin parlaq nəticələridir.

Azərbaycan Respublikasının Prezidenti tərəfindən 2025-ci ilin “Konstitusiya və Suverenlik İli” elan olunması, ölkəmizdə hüquqi düşüncənin, vətəndaş məsuliyyətinin və dövlətçilik şüurunun daha da gücləndirilməsinə xidmət edir.

Bu qərar həm də Konstitusiyamızın milli həyatımızdakı mühüm yerini, onun daim yenilənən, dinamik inkişaf edən bir dövlətin təməl daşı olduğunu bir daha təsdiqləyir. Azərbaycan Respublikasının Konstitusiyası – xalqın iradəsini ifadə edən, dövlətin sabitliyini və gələcəyini təmin edən ali hüquqi sənəddir. O, həm Ulu Öndər Heydər Əliyevin dövlətçilik irsinin, həm də Prezident İlham Əliyevin müasir dövrdə qurduğu güclü, müstəqil, suveren Azərbaycanın ideoloji dayağıdır.

Bu münasibətlə hər bir vətəndaşın borcu Konstitusiyanın prinsiplərinə sadiq qalmaq, dövlət müstəqilliyimizi qorumaq və ölkəmizin inkişafına öz əməli töhfəsini verməkdir.

Paylaş:

Baxılıb: 385 dəfə