Rəqabətqabiliyyətli dövlət modelinin parlaq nümunəsi

Bakı:

22 °C

68 %

1 m/s

Əlaqə

AZ RU EN

Ana səhifə / YAP xəbərləri / Rəqabətqabiliyyətli dövlət modelinin parlaq nümunəsi

Rəqabətqabiliyyətli dövlət modelinin parlaq nümunəsi

12.01.2026 [17:47]

Ölkəmiz 2025-ci ili böyük uğur və nailiyyətlərlə yola saldığı kimi, yeni, 2026-cı ili də əlamətdar hadisələrlə qarşılayır. Bu baxımdan yanvarın 8-də baş tutmuş “Xızı-Abşeron” Külək Elektrik Stansiyasının açılışı da Ölkə Prezidenti cənab İlham Əliyevin uzaqgörən enerji siyasətinin effektiv şəkildə həyata keçirildiyini bir daha sübut edir. 2022-ci ildə təməli qoyulan bu layihənin qısa müddətdə uğurla başa çatdırılması həm də dövlət-özəl sektor əməkdaşlığının səmərəliliyini nümayiş etdirir. Dövlət başçısının investor “ACWA Power” şirkətinə və bu layihədə əməyi olan bütün tərəflərə təşəkkürü təsadüfi deyil. Bu stansiya şirkətin Azərbaycanda həyata keçirdiyi ilk bərpaolunan enerji layihəsidir, lakin bunun davamlı olacağını demək üçün bütün əsaslar da var. Bu fakt ölkənin enerji siyasətinin uzunmüddətli və sistemli xarakter daşıdığını açıq şəkildə göstərir.

Son 20 ildə Azərbaycanın enerji sistemində aparılan genişmiqyaslı modernləşmə prosesi bu gün real nəticələrini verir. Generasiya güclərinin üç dəfə artması, yarımstansiyaların və ötürücü xətlərin tam yenilənməsi nəticəsində ölkənin ümumi enerji gücü təxminən 10 min meqavata çatdırılıb. Bu, tarixi rekord olmaqla yanaşı, gələcək inkişaf üçün möhkəm əsasdır. Cənab Prezident İlham Əliyevin qeyd etdiyi kimi, qarşıdakı illərdə yeni bərpaolunan enerji layihələrinin icrası bu göstəricini daha da artıracaq. Bu isə Azərbaycanın həm daxili tələbatını tam təmin etməsinə, həm də elektrik enerjisinin ixrac imkanlarını genişləndirməsinə şərait yaradacaq.

Azərbaycanın coğrafi mövqeyi isə bu strategiyanın ən böyük üstünlüklərindən biridir. Biləsuvar, Neftçala, Naxçıvan və işğaldan azad edilmiş ərazilərdə planlaşdırılan yeni stansiyalar ölkənin bütün bölgələrinin inkişafını təmin edəcək. Cənab Prezidentin vurğuladığı kimi, istənilən regionda bərpaolunan enerji istehsal etmək mümkündür, Xəzər dənizinin nəhəng potensialının imkanları isə hələ qarşıdadır. Xarici investorların süni intellekt, data mərkəzləri və böyük enerji tutumlu sahələrə dəvət edilməsi göstərir ki, Azərbaycan artıq gələcəyin iqtisadiyyatını bu gündən qurur. Beləliklə, “Xızı-Abşeron” Külək Elektrik Stansiyası cənab Prezident İlham Əliyevin liderliyi ilə formalaşan innovativ, güclü və rəqabətqabiliyyətli dövlət modelinin parlaq nümunəsidir.

Natiq Quluzadə

YAP Zəngilan rayon təşkilatının sədri

Paylaş:

Baxılıb: 706 dəfə