Regionda sabitlik, proqnozlaşdırılma və sülh ən böyük sərvətdir

Bakı:

13 °C

76 %

6 m/s

Əlaqə

AZ RU EN

Ana səhifə / YAP xəbərləri / Regionda sabitlik, proqnozlaşdırılma və sülh ən böyük sərvətdir

Regionda sabitlik, proqnozlaşdırılma və sülh ən böyük sərvətdir

23.01.2026 [15:59]

Azərbaycan sabit, təhlükəsiz ölkə kimi dünyanın diqqətindədir. Təbii ki, bunu şərtləndirən əsas amil dövlətimizin düşünülmüş və gələcəyə hesablanmış siyasətidir. Ümummilli Lider Heydər Əliyev 1993-cü ildə xalqın təkidli tələbi ilə hakimiyyətə qayıdışından sonra bu çağırışı etdi ki, sabitlik olmadan heç bir sosial-iqtisadi inkişafdan söhbət gedə bilməz. Ulu Öndərin bu fikirlərinin davamı olaraq cənab İlham Əliyev bildirir ki, bu gün bizim ölkəmiz dünya miqyasında sabitlik, inkişaf, tərəqqi məkanı kimi tanınır və bu adı biz öz əməyimizlə, zəhmətimizlə, düşünülmüş siyasətlə qazanmışıq. Prezident İlham Əliyev Davosda “Euronews” televiziyasına müsahibəsində bu məsələlərə xüsusi diqqət yönəldərək qeyd etdi ki, Azərbaycan da daxil olmaqla, hər bir ölkə özünün sərhədləri boyu sabitlik haqqında düşünməlidir. Azərbaycana gəldikdə, bizdə ölkə daxilində potensial risklər mövcud deyil. Bütün potensial risklər kənardan qaynaqlana bilər. Bu səbəbdən biz hər zaman qonşuluğumuzda sabitliyin mövcud olması haqqında düşünürük. Biz İranda baş verən müəyyən qeyri-sabitlikdən narahatıq. Bizim üçün regionda sabitlik, proqnozlaşdırılma və sülh ən böyük sərvətdir. Biz işğaldan və müharibədən əziyyət çəkmişik, minlərlə qurban vermişik. Bu gün sülhün və sabitliyin olması istənilən ölkə üçün uğur qazanmağın yeganə yoludur. Bu reallıq daim qeyd edilir ki, Azərbaycan yerləşdiyi coğrafi məkana, malik olduğu iqtisadi resurslara görə daim dünyanın diqqətində olub. Müstəqilliyimizin bərpasının ilk illərində ölkəmizdə ictimai-siyasi durumun gərginliyi Azərbaycanla iqtisadi əlaqələrin qurulmasında maraqlı olan dövlətlərin tərəddüdlərinə səbəb olmuşdur. Onlar ölkə iqtisadiyyatına yatıracaqları investisiyaların təhlükəsizliyinə əmin deyildilər. Lakin Ümummilli Lider Heydər Əliyevin hakimiyyətə qayıdışından sonra vəziyyət tamamilə dəyişdi. Ölkəmizdə sabitliyin yaradılması bu tərəddüdləri aradan qaldırdı. Ulu Öndər Heydər Əliyev bu çağırışı etdi ki, xarici iş adamları ölkə iqtisadiyyatına yatıracaqları investisiyaların təhlükəsizliyinə tam əmin ola bilərlər. Azərbaycan çox qısa zamanda böyük investisiyalar məkanına çevrildi. 1994-cü ildə imzalanan “Əsrin müqaviləsi” ölkəmizin bu gününə və gələcəyinə böyük inam yaratdı. Regional çərçivədə qurulan əməkdaşlıq illər keçdikcə coğrafiyasını daha da genişləndirdi. Cənab İlham Əliyev həmin müsahibəsində Azərbaycanın enerji sektorunda qazandığı uğurlara da diqqəti yönəltdi. “Enerji sektoruna gəldikdə, Azərbaycan Cənubi Qafqazın enerji ehtiyatlarına məxsus və onları Cənubi Qafqazın digər ölkələrinə ixrac edən yeganə ölkədir” söyləyən cənab İham Əliyev bildirdi ki, bölgənin digər ölkələri - uzun illər Gürcüstan, indi isə artıq Ermənistan enerji ehtiyatlarını Azərbaycandan idxal edir. Avropa və Avropa İttifaqı ilə isə bizim enerji əməkdaşlığımız artmaqdadır. Biz artıq 16 ölkəyə təbii qaz ixrac edirik və onların 10-u Avropa İttifaqının üzvüdür. Boru kəməri qazı ilə coğrafi əhatəsinə görə Azərbaycan dünyada birinci yerdədir. Biz təbii resurslara, nəqliyyat sisteminə və müasir boru kəmərlərinə malikik: “Bizim bir çox Avropa ölkəsi ilə yaxşı münasibətlərimiz var və bu, onlar üçün öz enerji təhlükəsizliyini gücləndirmək imkanıdır. Bizim üçün isə bu, premium bazarda ehtiyatlarımızı satmaq fürsətidir. Baxmayaraq ki, biz qazı təkcə Avropaya satmırıq, bu yaxınlarda Suriyaya da ixrac etməyə başlamışıq. Ancaq qiymət baxımından ən yaxşı bazar, əlbəttə ki, Avropa bazarıdır”. Prezident İlham Əliyev Forumu çərçivəsində “Avrasiyanın iqtisadi özünəməxsusluğunun müəyyənləşdirilməsi” mövzusunda panel iclasındakı çıxışında bu məqamı da diqqətə çatdırdı ki, Türkiyəyə nəhəng sərmayələr yatırmışıq. Bizim Türkiyəyə sərmayələrimizin həcmi 20 milyard dollardan çoxdur. Hazırda Gürcüstana ən böyük sərmayə qoymuş ölkələr sırasındayıq. Gürcüstan ərazisindən keçən dəhlizlərlə yanaşı, Amerika Birləşmiş Ştatlarının himayəsi altında həyata keçirilən və TRIPP adlanan bağlantı layihəsi Xəzər dənizindən keçərək Asiyadan Azərbaycana, Ermənistana, Azərbaycanın bir parçası olan Naxçıvandan Türkiyəyə, oradan isə Avropaya qədər uzanan yeni bir nəqliyyat dəhlizi olacaqdır. Marşrutların çoxluğu istehlakçıların, təchizatçıların və tranzit ölkələrin xeyrinədir.

Nihad Pənahov

YAP Tovuz rayon təşkilatının sədri

Paylaş:

Baxılıb: 236 dəfə