Xəzər rayonunda 2025-ci ilin sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirilib

Bakı:

27 °C

47 %

5 m/s

AZ RU EN

Ana səhifə / YAP xəbərləri / Xəzər rayonunda 2025-ci ilin sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirilib

Xəzər rayonunda 2025-ci ilin sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirilib

28.01.2026 [17:46]

27 yanvar 2026-cı il tarixində Xəzər rayonunda 2025-ci ilin sosial-iqtisadi inkişafının yekunları və qarşıda duran vəzifələrə həsr olunmuş hesabat yığıncağı keçirilib.

Zirə Mədəniyyət Mərkəzi -Eko parkda təşkil olunan tədbirdə Xəzər Rayon İcra Hakimiyyətinin başçısı Elşən Salahov, Azərbaycan Respublikası Prezidentinin Administrasiyası Ərazi-təşkilat məsələləri şöbəsinin 2-ci ərazi sektorunun müdiri Natiq Əliyev, Millət vəkilləri Soltan Məmmədov, Günay Əfəndiyeva, YAP Xəzər rayon təşkilatının sədri Namiq Əhmədov, Xəzər İnkişaf Fondunun sədri Elmar Mədətov, rayonun hüquq-mühafizə orqanlarının, idarə, müəssisə, xidmət sahələrinin, sənaye, təhsil və səhiyyə müəssisələrinin rəhbərləri, şəhid ailəri, müharibə iştirakçıları və ictimaiyyət nümayəndələri iştirak ediblər.

Tədbirdən əvvəl rayon rəhbərliyi, qonaqlar və ictimaiyyət nümayəndələri Ümummilli lider Heydər Əliyevin abidəsini ziyarət edərək abidənin önünə gül dəstələri qoyublar. Daha sonra Zirə Mədəniyyət Mərkəzinin nəznində fəaliyyət göstərən Xalça Muzeyinin təqdimatı ilə Azərbaycan xalçaçılıq məktəbinin nadir nümunələri ilə tanış olublar.

Tədbirdə Ümummilli lider Heydər Əliyevin, eləcə də vətənimizin ərazi bütövlüyü və suverenliyi uğrunda həlak olan şəhidlərimizin əziz xatirəsi bir dəqiqəlik sükutla yad edilib.

Sonra 2025-ci il ərzində Xəzər rayonunda görülmüş işlər və keçirilmiş tədbirlərə dair “Xəzər rayonu 2025-ci ilin sosial-iqtisadi inkişafı yolunda” adlı videofilm nümayiş olunub.

Xəzər Rayon İcra Hakimiyyətinin başçısı Elşən Salahov tədbirdə geniş məruzə ilə çıxış edərək 2025-ci il üzrə görülmüş işlər, sosial-iqtisadi nəticələr və qarşıda duran prioritetlər barədə məlumat verib. O qeyd edib ki, 2025-ci il Azərbaycan dövlətçiliyi tarixində mühüm mərhələ kimi yadda qalıb, Azərbaycan Respublikasının Prezidenti cənab İlham Əliyevin həyata keçirdiyi siyasi kursun davamlılığı ölkənin bütün istiqamətləri üzrə sosial-iqtisadi inkişafın yeni mərhələsinə keçidə şərait yaradıb.

2025-ci ili Xəzər rayonu da uğurlu nailiyyətlər və yüksək iqtisadi göstəricilərlə başa vurub. Prezidentin qarşıya qoyduğu tapşırıqların icrası istiqamətində il ərzində geniş sosial-ideoloji və maarifləndirici tədbirlər keçirilib, rayonun iqtisadi göstəriciləri artıb, qeyri-neft sektoru inkişaf etdirilib, yeni istehsal sahələri və iş yerləri açılıb.

Hesabat yığıncağında Milli Məclisin deputatları Soltan Məmmədov, Günay Əfəndiyeva Dövlət başçısının siyasəti nəticəsində ölkədə iqtisadi və sosial sahələrdə mühüm nailiyyətlərin əldə olunduğunu xüsusi qeyd ediblər, Xəzər rayonunda görülmüş işləri yüksək qiymətləndirərək həlli vacib məsələləri nəzərə çatdırıblar.

Hesabat yığıncağında YAP Xəzər rayon təşkilatının sədri Namiq Əhmədov, Vətən Müharibəsi Qəhramanı, şəhid polkovnik-leytenant Ramiz Qasımovun həyat yoldaşı Günel Qasımova, Xəzər Rayon Su Kanal İdarəsi rəisinin müavini Anar Hətəmov, Xəzər rayonunun Türkan qəsəbəsində yerləşən 262 nömrəli tam orta məktəbin direktoru Kəmalə Babayeva çıxış ediblər.

Yekun olaraq, Azərbaycan Respublikası Prezidenti Administrasiyasının Ərazi-təşkilat məsələləri şöbəsinin 2-ci ərazi sektorunun müdiri Natiq Əliyev tədbirdə çıxış edərək Azərbaycan Respublikasının Prezidenti cənab İlham Əliyev tərəfindən həyata keçirilən ardıcıl və məqsədyönlü siyasət nəticəsində 2025-ci ildə də bütün sahələrdə yüksək nailiyyətlər əldə olunduğunu, o cümlədən beynəlxalq münasibətlər sistemində ölkəmizin mövqeyinin daha da möhkəmləndiyini vurğulayıb.

Hesabat yığıncağının sonunda iştirakçılar adından Azərbaycan Respublikasının Prezidenti cənab İlham Əliyevə müraciət səsləndirilib və 2026-cı ildə qarşıda duran vəzifələr üzrə aidiyyəti qurumlara müvafiq tapşırıqlar verilib.

Paylaş:

Baxılıb: 492 dəfə