Azərbaycan–Serbiya strateji tərəfdaşlığının inkişafı

Bakı:

23 °C

63 %

11 m/s

Əlaqə

AZ RU EN

Ana səhifə / YAP xəbərləri / Azərbaycan–Serbiya strateji tərəfdaşlığının inkişafı

Azərbaycan–Serbiya strateji tərəfdaşlığının inkişafı

18.02.2026 [23:45]

Toğrul Zeynalov

YAP Ağdam rayon təşkilatının əməkdaşı

Prezident İlham Əliyevin fevralın 15-də Serbiya Respublikasına rəsmi səfəri və səfər çərçivəsində verdiyi bəyanat Azərbaycan Respublikası ilə Serbiya Respublikası arasındakı ikitərəfli münasibətlərin hazırkı səviyyəsini və gələcək inkişaf istiqamətlərini aydın şəkildə ortaya qoydu. Dövlət başçısının çıxışı bir daha göstərdi ki, Bakı ilə Belqrad arasında əlaqələr təsadüfi xarakter daşımır, möhkəm siyasi iradəyə, qarşılıqlı hörmətə və konkret strateji maraqlara əsaslanır. Prezident İlham Əliyev vurğuladı ki, iki ölkə arasında imzalanmış sənədlər əməkdaşlığın hüquqi bazasını daha da gücləndirir və müxtəlif sahələr üzrə əlaqələrin sistemli şəkildə inkişafına zəmin yaradır. Bu sənədlər enerji, nəqliyyat, sənaye, investisiya, humanitar və digər istiqamətləri əhatə etməklə tərəfdaşlığın çoxşaxəli xarakterini təsdiqləyir. Xüsusilə enerji sahəsində əməkdaşlıq Avropa məkanında baş verən proseslər fonunda mühüm əhəmiyyət kəsb edir və Azərbaycan ilə Serbiya arasında qurulan əlaqələr regional enerji təhlükəsizliyinə real töhfə verir. Dövlət başçısı bəyanatında bildirdi ki, bizim gələcək üçün də açıq-aydın planlarımız var və bu planlar konkret layihələr, qarşılıqlı investisiyalar və uzunmüddətli müqavilələr əsasında həyata keçiriləcək. Bu yanaşma tərəfdaşlığın epizodik deyil, strateji xarakter daşıdığını nümayiş etdirir.

Prezident İlham Əliyev həmçinin qeyd etdi ki, Azərbaycan Respublikası və Serbiya Respublikası arasındakı ikitərəfli münasibətlər yalnız iqtisadi sahə ilə məhdudlaşmır, siyasi dialoq, beynəlxalq təşkilatlar çərçivəsində qarşılıqlı dəstək, parlamentlərarası əlaqələr və humanitar əməkdaşlıq da bu münasibətlərin mühüm tərkib hissəsidir. Qarşılıqlı səfərlərin intensivliyi və ali səviyyədə təmasların davamlı xarakter alması iki ölkə arasında etimad mühitinin formalaşdığını göstərir. Ticarət dövriyyəsinin artırılması, sənaye kooperasiyasının genişləndirilməsi, nəqliyyat-logistika imkanlarının birgə dəyərləndirilməsi və yeni investisiya təşəbbüslərinin reallaşdırılması yaxın dövr üçün əsas prioritetlər kimi müəyyən edilib. Eyni zamanda, təhsil, mədəniyyət və turizm sahələrində əməkdaşlığın dərinləşdirilməsi xalqlar arasında münasibətlərin daha da möhkəmlənməsinə xidmət edir. Dövlət başçısının bəyanatı onu da göstərdi ki, Azərbaycan ilə Serbiya beynəlxalq hüququn prinsiplərinə əsaslanan mövqe sərgiləyir və regional sabitliyin qorunmasına töhfə vermək niyyətindədir. Ümumilikdə, fevralın 15-də səsləndirilən fikirlər və imzalanmış sənədlər iki dost ölkə arasında strateji tərəfdaşlığın yeni mərhələyə qədəm qoyduğunu təsdiqləyir və qarşıdakı illərdə bu əməkdaşlığın daha geniş miqyas alacağına əsaslı zəmin yaradır.

Paylaş:

Baxılıb: 365 dəfə