Dəyişən Geosiyasi Reallıqlar: Cənubi Qafqazın Yeni Siması

Bakı:

24 °C

60 %

1 m/s

Əlaqə

AZ RU EN

Ana səhifə / YAP xəbərləri / Dəyişən Geosiyasi Reallıqlar: Cənubi Qafqazın Yeni Siması

Dəyişən Geosiyasi Reallıqlar: Cənubi Qafqazın Yeni Siması

08.04.2026 [14:35]

Prezident İlham Əliyevin 2026-cı ilin aprel ayında Gürcüstana etdiyi dövlət səfəri və orada səsləndirdiyi "Bu gün Cənubi Qafqazda tamamilə yeni vəziyyət yaranmaqdadır" fikri regionun gələcək mənzərəsini çizən strateji bir mesajdır. Uzun illər boyu Cənubi Qafqaz dedikdə ağla ilk gələn şey münaqişələr, işğal olunmuş torpaqlar və bitmək bilməyən gərginlik idi. Lakin bu gün mənzərə kökündən dəyişib. Azərbaycan öz ərazi bütövlüyünü tam bərpa etdikdən sonra regionda "hərb diplomatiyası" yerini "inkişaf diplomatiyası"na verib. Prezidentin qeyd etdiyi "yeni vəziyyət" əslində budur: Artıq region ölkələri bir-biri ilə necə müharibə etməyi deyil, bir yerdə necə insanların rifahını yüksəltməyi və necə inkişaf etməyi müzakirə edirlər. Prezidentin Tbilisiyə səfəri göstərdi ki, Azərbaycan və Gürcüstan münasibətləri sadəcə qonşuluq deyil, regionun təhlükəsizlik lövbəridir. İki ölkə arasındakı strateji bağlar olmasa, nə Xəzərin enerjisi Avropaya çatar, nə də Orta Dəhliz real layihəyə çevrilərdi. Azərbaycanın qazı və nefti Gürcüstan vasitəsilə dünyaya çıxır. Bu, hər iki ölkəyə həm iqtisadi gəlir, həm də siyasi çəki qazandırır və bununla yanaşı Çindən gələn yüklər Azərbaycan və Gürcüstan limanları, dəmir yolları vasitəsilə Avropaya çatdırılır. Bu, regionu dünyanın ən önəmli logistika mərkəzlərindən birinə çevirir. Yeni vəziyyətin ən mühüm tərəfi Ermənistanın da bu proseslərə daxil edilməsi ehtimalıdır. Prezident İlham Əliyev hər zaman vurğulayır ki, Cənubi Qafqazın üç ölkəsi (Azərbaycan, Gürcüstan və Ermənistan) kənar müdaxilələr olmadan öz gələcəklərini özləri müəyyən etməlidirlər.Gürcüstan bu məsələdə neytral və konstruktiv platforma rolunu oynaya bilər. Səfər zamanı aparılan müzakirələr göstərir ki, əgər Ermənistan sülh müqaviləsini imzalayarsa, bütün regional kommunikasiyalar açılacaq. Bu isə o deməkdir ki: Sərhədlər açılır ticarət canlanır,xarici investorlar regiona daha böyük inamla gəlir, region daxilində insanların rifah halı yüksəlir.Prezident İlham Əliyevin Gürcüstan səfəri zamanı bəyan etdiyi "yeni vəziyyət" sadəcə diplomatik bir cümlə deyil, regionun son iki əsrlik taleyini dəyişdirə biləcək bir dönüş nöqtəsidir. Uzun onilliklər boyu "barıt çəlləyi" kimi tanınan Cənubi Qafqaz, bu gün Bakı və Tbilisidən gələn mesajlarla dünyaya tamam başqa bir simasını — qurucu, birləşdirici və sülhpərvər simasını nümayiş etdirir.Bu yeni vəziyyətin bizə vəd etdiyi ən böyük reallıq budur: Regionun gələcəyi artıq uzaq paytaxtlarda deyil, məhz burada — Bakıda, Tbilisidə və tezliklə qarşılıqlı hörmət çərçivəsində İrəvanda müəyyən edilir. Azərbaycanın yaratdığı yeni reallıq Gürcüstanla olan sarsılmaz dostluqla birləşdikdə, bu bütün region üçün bir "təhlükəsizlik çətiri" formalaşdırır. Bu çətir altında isə yalnız bir hədəf var: Müştərək rifah.Böyük layihələr - istər bərpa olunan enerji yolları olsun, istərsə də tarixi İpək Yolunun dirçəlişi - Cənubi Qafqazı dünyanın enerji və nəqliyyat xəritəsində əvəzolunmaz bir qovşağa çevirir. Bu isə o deməkdir ki, gələcək nəsillər artıq səngər və itki xəbərləri ilə deyil, transmilli layihələrin uğurları, texnoloji inkişaf və iqtisadi sıçrayışlarla böyüyəcəklər.

Nəticə etibarilə, İlham Əliyevin Tbilisi mesajları bir çağırışdır: Bu çağırış regionun bütün tərəflərini köhnə stereotiplərdən əl çəkməyə, qarşıdurma deyil, əməkdaşlıq dilində danışmağa dəvət edir. Cənubi Qafqazın taleyi artıq xaosun deyil, sabitliyin və tərəqqinin əlindədir.

Nicat Ələkbərov

YAP Şahbuz rayon təşkilatının sədr müavini

Paylaş:

Baxılıb: 382 dəfə