“Yeni Azərbaycan memarlığında ənənə və müasirliyin vəhdəti” mövzusunda tədbir keçirilib

Bakı:

26 °C

52 %

2 m/s

Əlaqə

AZ RU EN

Ana səhifə / YAP xəbərləri / “Yeni Azərbaycan memarlığında ənənə və müasirliyin vəhdəti” mövzusunda tədbir keçirilib

“Yeni Azərbaycan memarlığında ənənə və müasirliyin vəhdəti” mövzusunda tədbir keçirilib

21.04.2026 [14:01]

Yeni Azərbaycan Partiyası Kəlbəcər rayon təşkilatı Yevlax şəhər 11 nömrəli tam orta məktəbində Ulu Öndər Heydər Əliyevin anadan olmasının 103 illiyinə həsr olunmuş, “Şəhərsalma və Memarlıq İli” çərçivəsində “Yeni Azərbaycan memarlığında ənənə və müasirliyin vəhdəti” mövzusunda tədbir keçirdi.

Tədbir iştirakçıları əvvəlcə Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canlarından keçən şəhidlərimizin əziz xatirəsini bir dəqiqəlik sükutla yad etdilər.
YAP Kəlbəcər rayon təşkilatının sədri Həbib Misirov çıxış edərək bildirdi ki, Ulu Öndər Heydər Əliyev şəhərsalma siyasətində milli-mənəvi dəyərlərin qorunmasını, tarixi irsin yaşadılmasını və müasirliklə vəhdətin təmin olunmasını əsas prioritetlərdən biri kimi müəyyən etmişdir. Onun təşəbbüsü ilə Azərbaycanın müxtəlif bölgələrində yerləşən tarixi-memarlıq abidələrinin qorunması, bərpası və gələcək nəsillərə çatdırılması istiqamətində genişmiqyaslı tədbirlər həyata keçirilmişdir.
Qeyd olundu ki, müasir Azərbaycanın inkişaf strategiyasında şəhərsalma və memarlıq sahəsi xüsusi yer tutur. Bu sahədə formalaşdırılmış strateji xəttin əsası Ümummilli Lider Heydər Əliyev tərəfindən qoyulmuş, bu gün isə Prezident İlham Əliyev tərəfindən dövrün çağırışlarına uyğun şəkildə uğurla davam etdirilir. Qarabağ və Şərqi Zəngəzurun yenidən qurulması təkcə regionun deyil, bütövlükdə ölkənin davamlı inkişafına mühüm töhfə verir və Azərbaycanı regionda müasir şəhərsalma və memarlıq sahəsində nümunəvi dövlətlərdən birinə çevirir.

Məktəbin direktor əvəzi, YAP Ərazi Partiya təşkilatının sədri Xədicə İbrahimova, müəllimlərdən Eldar Əliyev və digərləri çıxış edərək bildirdilər ki, Ulu Öndər Heydər Əliyevin rəhbərliyi dövründə Azərbaycanın şəhərlərinin inkişafı, müasir memarlıq üslubunun formalaşması və infrastruktur layihələrinin həyata keçirilməsi istiqamətində mühüm addımlar atılmışdır. Onun uzaqgörən siyasəti nəticəsində ölkəmizdə şəhərsalma sahəsində sistemli yanaşma formalaşdırılmış, milli memarlıq ənənələri müasir tendensiyalarla uğurla uzlaşdırılmışdır.

Vurğulandı ki, bu gün Prezident İlham Əliyevin rəhbərliyi ilə həyata keçirilən genişmiqyaslı quruculuq və abadlıq işləri məhz həmin siyasi kursun davamıdır. Xüsusilə işğaldan azad olunmuş ərazilərdə aparılan bərpa və yenidənqurma layihələri Azərbaycanın şəhərsalma və memarlıq sahəsində yeni mərhələyə qədəm qoyduğunu nümayiş etdirir. “Ağıllı şəhər” və “ağıllı kənd” konsepsiyalarının tətbiqi isə müasir dövrün çağırışlarına uyğun innovativ yanaşmanın bariz nümunəsidir.
Sonda tədbir iştirakçıları qeyd etdilər ki, Ulu Öndər Heydər Əliyevin ideyaları bu gün də yaşayır və Azərbaycanın hərtərəfli inkişafında mühüm rol oynamaqdadır. Onun müəyyən etdiyi inkişaf strategiyası ölkəmizin gələcək uğurlarının etibarlı təməlidir və bu yol əzmlə davam etdirilir.

Tədbirin sonunda Yeni Azərbaycan Partiyasına yeni qəbul olunmuş üzvlərə partiya vəsiqələri, həmçinin partiyanın fəaliyyətində fəal olan şəxslərə Fəxri Fərmanlar təqdim olundu.

Paylaş:

Baxılıb: 454 dəfə