Əldə olunan nəticələr tarixi qələbədir

Bakı:

26 °C

50 %

5 m/s

Əlaqə

AZ RU EN

Ana səhifə / YAP xəbərləri / Əldə olunan nəticələr tarixi qələbədir

Əldə olunan nəticələr tarixi qələbədir

04.05.2026 [16:28]

Azərbaycan Respublikasında idman sahəsi son illər ərzində sürətli inkişaf yolu keçmiş və dövlət siyasətinin prioritet istiqamətlərindən birinə çevrilmişdir. Bu inkişafın əsas səbəblərindən biri ölkə rəhbərliyinin idmana göstərdiyi diqqət və qayğıdır. Xüsusilə Prezident İlham Əliyevin idmançılara mütəmadi göstərişləri, onların uğurlarını yüksək qiymətləndirilməsi bu sahəyə verilən önəmin nümunəsidir. Avropa çempionatında komanda hesabında qalib gəlmiş güləşçilər keçirilən görüşdə bu baxımdan xüsusi əhəmiyyət daşıyır. Həmin görüş zamanı Prezident İlham Əliyev Azərbaycan güləşçilərinin əldə etdiyi uğurları yüksək qiymətləndirmiş və bu qələbənin bütün xalq üçün böyük sevinc mənbəyi olduğunu vurğulamışdır. Komanda hesabında Avropa çempionu olmaq idman tariximizdə mühüm naliyyətlərdən biri hesab olunur. Bu uğur gərgin rəqabət şəraitində əldə olunmuş və idmançılarımızın yüksək peşəkarlığını nümayiş etdirmişdir. Azərbaycan güləş məktəbi zəngin ənənələrə malikdir. Bu ənənələr nəsildən nəsilə ötrülərək bu gündə uğurla davam etdirilir. Tanınmış idmançıların təcrübəsi gənc nəslin yetişməsində mühüm rol oynayır. Yeni nəsil güləşçilərin beynəlxalq yarışlarda qazandığı nəticələr göstərir ki, ölkədə idman sahəsində düzgün strategiya həyata keçirilir. İdmanın inkişafında infrastruktur amilidə mühüm rol oynayır. Azərbaycanın müxtəlif bölgələrində tikilmiş Olimpia idman kompleksləri və müasir məşq zalları gənclərin idmana cəlb olunmasına geniş imkan yaradır.

Prezident cənab İlham Əliyev çıxışında ölkəmizdə keçirilən beynəlxalq idman yarışlarının idman növlərinin populyarlaşmasına mühüm töhfə verdiyini qeyd etmiş və bildirmişdir ki, Azərbaycan Avropa Oyunları, İslam Həmrəyliyi Oyunları və digər mötəbər yarışlara uğurla ev sahibliyi edərək böyük təcrübə qazanmışdır. Bunlar demək olar ki, Yay Olimpiya Oyunlarının səviyyəsinə çox yaxındır. Keçən il MDB Oyunlarını özü də paytaxtda yox, bölgələrdə keçirilmişdir. Bu isə ölkəmizdə güclü idman potensialının mövcud olduğunu və idmana göstərilən diqqət və qayğının dövlət siyasətinin prioritet istiqamətlərindən biri olduğunu təsdiqləyir.

Dövlətimizin başçısı Avropa çempionatında əldə olunan nəticələri tarixi qələbə kimi qiymətləndirərək, həm yunan-Roma, həm də sərbəst güləş üzrə komanda hesabında birinciliyin qazanılmasının xüsusi əhəmiyyət daşıdığını vurğulamışdır. Qadın güləşi üzrə də əldə olunan nailiyyətlər yüksək qiymətləndirilmiş, gələcəkdə daha böyük uğurların qazanılacağına əminlik ifadə olunmuşdur.

Çıxışda milli komandada hökm sürən sağlam mühit, birlik və qarşılıqlı dəstək xüsusi qeyd edilmiş, bu amilin uğurların davamlılığında mühüm rol oynadığı bildirilmişdir. Eyni zamanda vurğulanmışdır ki, idmançılar yalnız yarış meydanında deyil, gündəlik həyatda da nümunəvi davranış nümayiş etdirməli, yüksək mənəvi keyfiyyətləri ilə cəmiyyətdə örnək olmalıdırlar.

Sonda Prezident cənab İlham Əliyev idmançıları bir daha təbrik edərək, qeyd etmişdir ki, istənilən şəraitdə, o cümlədən hakim səhvləri və ya ədalətsizlik halları ilə qarşılaşdıqda belə, ləyaqətli davranış prinsiplərinə sadiq qalmaq vacibdir. Bu, Azərbaycanın idman nüfuzunun qorunması və daha da möhkəmləndirilməsi baxımından xüsusi əhəmiyyət kəsb edir.

Nurlana Yusifova

YAP Samux rayon təşkilatı əməkdaşı

Paylaş:

Baxılıb: 521 dəfə