Şuşa-Qlobal Media Dialoqunun Mərkəzi və Azərbaycanın artan beynəlxalq nüfuzu

Bakı:

26 °C

66 %

9 m/s

Əlaqə

AZ RU EN

Ana səhifə / YAP xəbərləri / Şuşa-Qlobal Media Dialoqunun Mərkəzi və Azərbaycanın artan beynəlxalq nüfuzu

Şuşa-Qlobal Media Dialoqunun Mərkəzi və Azərbaycanın artan beynəlxalq nüfuzu

14.07.2026 [15:16]

Prezident İlham Əliyevin IV Şuşa Qlobal Media Forumunda çıxışı Azərbaycanın müasir inkişafının, artan beynəlxalq nüfuzunun və Qarabağın dirçəlişinin növbəti mühüm təzahürü kimi böyük əhəmiyyət daşıyır. Dövlət başçısının “Azərbaycanda, Qarabağda, Şuşada bu cür mötəbər auditoriyanı qəbul etmək böyük şərəfdir” fikri təkcə qonaqpərvərliyin ifadəsi deyil, həm də Azərbaycanın qlobal informasiya məkanında oynadığı rolun, əldə etdiyi uğurların və sülh, əməkdaşlıq, qarşılıqlı etimad prinsiplərinə sadiqliyinin göstəricisidir.

Bu gün Şuşa yalnız Azərbaycanın deyil, bütün regionun siyasi, mədəni və informasiya platformalarından birinə çevrilmişdir. Uzun illər işğal altında qalan şəhər Prezident İlham Əliyevin rəhbərliyi ilə aparılan genişmiqyaslı bərpa və yenidənqurma işləri nəticəsində qısa müddətdə beynəlxalq tədbirlərin keçirildiyi nüfuzlu məkana çevrilmişdir. Şuşada təşkil olunan beynəlxalq konfranslar, forumlar, mədəniyyət festivalları və media tədbirləri Azərbaycanın dünya ictimaiyyəti ilə açıq dialoqa, beynəlxalq əməkdaşlığa və qlobal çağırışların müzakirəsinə verdiyi önəmi bir daha nümayiş etdirir.

IV Şuşa Qlobal Media Forumunda dünyanın müxtəlif ölkələrindən tanınmış media rəhbərlərinin, jurnalistlərin, ekspertlərin və beynəlxalq təşkilatların nümayəndələrinin iştirakı forumun nüfuzunu daha da artırmışdır. Belə geniş və mötəbər auditoriyanın məhz Şuşada bir araya gəlməsi Azərbaycanın təhlükəsiz, sabit və etibarlı tərəfdaş kimi qəbul edilməsinin bariz göstəricisidir. Forum çərçivəsində informasiya təhlükəsizliyi, süni intellektin media sahəsinə təsiri, dezinformasiya ilə mübarizə, jurnalistikanın gələcəyi və rəqəmsal transformasiya kimi aktual məsələlər geniş müzakirə edilmişdir.

Prezident İlham Əliyev çıxışında Azərbaycanın açıq informasiya siyasətini, beynəlxalq əməkdaşlığa verdiyi töhfələri və media nümayəndələri ilə səmimi dialoqa daim üstünlük verdiyini xüsusi vurğulamışdır. Dövlət başçısı müxtəlif ölkələrdən gəlmiş jurnalistlərin suallarını ətraflı cavablandıraraq regionda baş verən siyasi proseslər, sülh gündəliyi, iqtisadi inkişaf, enerji təhlükəsizliyi, nəqliyyat layihələri və Qarabağda aparılan bərpa-quruculuq işləri barədə geniş məlumat vermişdir. Bu, Azərbaycanın şəffaf siyasət yürütməsinin və beynəlxalq ictimaiyyətlə açıq ünsiyyətə hazır olmasının mühüm göstəricisidir.

Şuşanın beynəlxalq media forumuna ev sahibliyi etməsi həm də şəhərin yeni inkişaf mərhələsinin rəmzidir. Vaxtilə dağıdılmış, tarixi-mədəni irsi məhv edilməyə çalışılmış Şuşa bu gün yenidən dirçəlir, öz əvvəlki şöhrətini bərpa edir. Müasir infrastrukturun qurulması, tarixi abidələrin bərpası, yeni yaşayış məhəllələrinin salınması və beynəlxalq tədbirlərin keçirilməsi göstərir ki, Qarabağ artıq inkişaf və tərəqqi məkanına çevrilmişdir.

Forumun keçirilməsi Azərbaycanın informasiya diplomatiyasının uğurlu nəticələrindən biri hesab oluna bilər. Müasir dövrdə informasiya məkanı dövlətlərin beynəlxalq münasibətlər sistemində mühüm rol oynayır. Dəqiq, obyektiv və operativ məlumatların dünya ictimaiyyətinə çatdırılması ölkələrin beynəlxalq imicinin formalaşmasına ciddi təsir göstərir. Bu baxımdan Şuşa Qlobal Media Forumu müxtəlif ölkələrin media nümayəndələri arasında peşəkar əməkdaşlığın genişlənməsinə, təcrübə mübadiləsinin aparılmasına və qlobal informasiya mühitində etibarlı tərəfdaşlığın möhkəmlənməsinə mühüm töhfə verir.

Prezident İlham Əliyevin “Azərbaycanda, Qarabağda, Şuşada bu cür mötəbər auditoriyanı qəbul etmək böyük şərəfdir” fikri həm də Azərbaycanın qazandığı tarixi Zəfərin nəticəsində yaranmış yeni reallıqların beynəlxalq aləmdə qəbul edilməsinin ifadəsidir. Bu gün xarici qonaqlar Qarabağın bərpasını, həyata keçirilən nəhəng infrastruktur layihələrini, müasir yaşayış məntəqələrini və tarixi irsin bərpasını öz gözləri ilə görürlər. Bu isə uzun illər müxtəlif dairələr tərəfindən yaradılmış yanlış təsəvvürlərin aradan qaldırılmasına, həqiqətlərin beynəlxalq ictimaiyyətə birbaşa çatdırılmasına xidmət edir.

Forum çərçivəsində aparılan müzakirələr göstərdi ki, müasir informasiya mühitində peşəkar jurnalistikanın rolu daha da artır. Dezinformasiyaya qarşı mübarizə, etibarlı mənbələrə əsaslanan xəbərlərin hazırlanması və beynəlxalq əməkdaşlığın gücləndirilməsi qlobal medianın əsas prioritetləri sırasında yer alır. Azərbaycan bu istiqamətdə beynəlxalq dialoqa öz töhfəsini verməyə davam edir və Şuşa artıq bu dialoqun mühüm platformalarından biri kimi tanınır.

Şuşada keçirilən IV Qlobal Media Forumu həm də Azərbaycanın sülh, sabitlik və əməkdaşlıq siyasətinin nümayişidir. Ölkəmiz regionda davamlı sülhün təmin olunmasını, iqtisadi inteqrasiyanın genişlənməsini və qarşılıqlı etimada əsaslanan münasibətlərin inkişafını dəstəkləyir. Məhz buna görə də beynəlxalq ictimaiyyət Azərbaycanın təşəbbüslərinə böyük maraq göstərir və ölkəmizin təşkil etdiyi tədbirlərdə fəal iştirak edir.

Bu gün Şuşa yalnız Azərbaycanın mədəniyyət paytaxtı deyil, həm də beynəlxalq fikir mübadiləsinin, siyasi dialoqun və media əməkdaşlığının mühüm ünvanına çevrilmişdir. Burada keçirilən hər bir beynəlxalq tədbir ölkəmizin artan nüfuzunu, Qarabağın sürətli inkişafını və Azərbaycanın qlobal proseslərdə fəal iştirakını nümayiş etdirir.

Prezident İlham Əliyevin IV Şuşa Qlobal Media Forumunda səsləndirdiyi “Azərbaycanda, Qarabağda, Şuşada bu cür mötəbər auditoriyanı qəbul etmək böyük şərəfdir” fikri Azərbaycanın beynəlxalq münasibətlər sistemində qazandığı yüksək mövqenin, Qarabağın dirçəlişinin və Şuşanın yenidən dünya miqyaslı tədbirlərin keçirildiyi mühüm mərkəzə çevrilməsinin dolğun ifadəsidir. Şuşada keçirilən bu cür mötəbər tədbirlər Azərbaycanın açıq dialoq, beynəlxalq əməkdaşlıq və etibarlı tərəfdaşlıq prinsiplərinə sadiqliyini nümayiş etdirir, ölkəmizin qlobal informasiya məkanındakı rolunu daha da gücləndirir və Qarabağın gələcək inkişaf perspektivlərinə olan inamı möhkəmləndirir.

Ehtibar İsmayılov

YAP Ordubad rayon təşkilatının sədri

Paylaş:

Baxılıb: 266 dəfə