YAP Gəncə şəhər təşkilatının təsis edilməsinin 33-cü ildönümü münasibətilə tədbir keçirilib

Bakı:

26 °C

53 %

5 m/s

AZ RU EN

Ana səhifə / YAP xəbərləri / YAP Gəncə şəhər təşkilatının təsis edilməsinin 33-cü ildönümü münasibətilə tədbir keçirilib

YAP Gəncə şəhər təşkilatının təsis edilməsinin 33-cü ildönümü münasibətilə tədbir keçirilib

24.07.2026 [13:29]

Yeni Azərbaycan Partiyası Gəncə şəhər təşkilatının təşkilatçılığı ilə Yeni Azərbaycan Partiyası Gəncə şəhər təşkilatının yaranmasının 33 illiyi münasibətilə tədbir keçirilib.

Tədbir iştirakçıları əvvəlcə Gəncə şəhər Heydər Əliyev Mərkəzinin önündə ucaldılmış Azərbaycan xalqının Ümummilli Lideri Heydər Əliyevin möhtəşəm abidəsini ziyarət edib, dahi şəxsiyyətin əziz xatirəsini dərin ehtiramla yad edərək abidə önünə gül dəstələri düzüblər.

Tədbir Azərbaycan Respublikasının Dövlət Himninin səsləndirilməsi, Azərbaycan xalqının Ümummilli Lideri Heydər Əliyevin və ölkəmizin ərazi bütövlüyü və suverenliyi uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Sonra Yeni Azərbaycan Partiyasının yaranma tarixi və şərəfli fəaliyyətindən, partiyanın Gəncə şəhər təşkilatının son bir illik fəaliyyətindən bəhs edən videoçarx nümayiş olunub.

Tədbiri giriş sözü ilə açan Yeni Azərbaycan Partiyası İdarə Heyətinin üzvü, YAP Gəncə şəhər təşkilatının sədri Bayram Aslanov çıxış edərək, Yeni Azərbaycan Partiyasının keçdiyi inkişaf yolundan, Ulu Öndər Heydər Əliyev siyasətinin Prezident cənab İlham Əliyev tərəfindən uğurla davam etdirilməsi nəticəsində qazanılan uğurlardan danışıb. Bayram Aslanov bildirib ki, Ulu Öndərin siyasi mirası olan Yeni Azərbaycan Partiyasının Gəncə şəhər təşkilatı 33 illik tarixində çətin və şərəfli missiyanın öhdəsindən layiqincə gəlib, dahi rəhbər Heydər Əliyev ideyalarına sədaqətini, Prezident cənab İlham Əliyevin günbəgün yeniləşən, təkmilləşən siyasətinə dəstəyini nümayiş etdirib.

Yeni Azərbaycan Partiyasının xalqımız və Azərbaycan dövlətçiliyi qarşısında böyük xidmətlərindən bəhs edən Gəncə şəhər İcra Hakimiyyətinin Başçısının müavini Adil Tağıyev vurğulayıb ki, hakim partiya yarandığı gündən xalqa, dövlətə xidməti fəaliyyətinin əsas xətti kimi qəbul edib. Ümummilli Lider Heydər Əliyevin ideyaları, uzaqgörənliyi və qətiyyəti nəticəsində yaradılan Yeni Azərbaycan Partiyasının Azərbaycanın ictimai-siyasi həyatına daxil olması ilə ölkəmizin tarixində yeni dövr başlayıb. Adil Tağıyev qeyd edib ki, 33 il ərzində YAP Gəncə şəhər təşkilatı şəhərin ictimai-siyasi həyatında fəal mövqe nümayiş etdirib, ölkədə həyata keçirilən siyasi kursun şəhər səviyyəsində dəstəklənməsi və təbliği istiqamətində mühüm rol oynayıb.

Tədbirdə Yeni Azərbaycan Partiyası Mərkəzi Aparatının Gəncə - Daşkəsən, Qazax - Tovuz iqtosadi rayonları üzrə məsul əməkdaşı Araz Salmanov, YAP İdarə Heyətinin üzvü, Milli Məclisin deputatı, Əmək və sosial siyasət komitəsinin sədri Musa Quliyev, Milli Məclisin deputatı Kamran Bayramov, Milli Məclisin deputatı Müşfiq Cəfərov, çıxış edərək YAP Gəncə şəhər təşkilatının təsis edilməsinin 33-cü ildönümü münasibətilə partiya üzvlərini təbrik ediblər. Natiqlər çıxışlarında qeyd ediblər ki, Yeni Azərbaycan Partiyası Ulu Öndər Heydər Əliyevin ideyaları ilə yaşayır və inkişaf edir. Müasir dövrümüzdə partiya Prezident cənab İlham Əliyevin rəhbərliyi ilə ölkəmizin daha da qüdrətlənməsi istiqamətində böyük uğurlara imza atır. Xalqın haqlı olaraq Heydər Əliyev partiyası adlandırdığı Yeni Azərbaycan Partiyası bundan sonra da Azərbaycanın qüdrətlənməsinə, dövlətçiliyimizin inkişafına xidmət edəcək, xalqın yeganə etimad ünvanı olaraq hakim siyasi təşkilat statusunu özündə saxlayacaq.

Çıxışlardan sonra partiya veteranlarına hədiyyələr, şəhərin ictimai-siyasi həyatında fəal iştirak edən bir qrup şəxsə fəxri fərman, diplom, hədiyyə, partiya sıralarına yeni qəbul olunmuş üzvlərə üzvlük vəsiqələri təqdim edilib.

Tədbir Gəncə şəhərinin incəsənət xadimlərinin iştirakı ilə konsert proqramı və ziyafət məclisi ilə davam edib.

Tədbir Yeni Azərbaycan Partiyasının Himninin səsləndirilməsi ilə yekunlaşıb.

Paylaş:

Baxılıb: 459 dəfə