Heydər Əliyev
yeni azerbaycan logo

Ana səhifə / YAP xəbərləri / YAP bu seçkilərin də qalibi olacaq

YAP bu seçkilərin də qalibi olacaq

18.12.2014 [10:15]

Bu fikirlər Yevlaxda seçicilərlə keçirilən növbəti görüşdə bir daha bəyan edilib
Bələdiyyə seçkiləri ilə əlaqədar Yeni Azərbaycan Partiyasının (YAP) təbliğat-təşviqat kampaniyası Yevlaxda da uğurla davam edir. Kampaniya çərçivəsində seçicilərlə keçirilən növbəti görüşdə partiyanın bələdiyyə seçkilərində səlahiyyətli nümayəndələri-millət vəkilləri Tahir Rzayev və İlham Məmmədov, həmçinin, YAP-ın səlahiyyətli nümayəndəsi Əminə Əhmədova, YAP Yevlax rayon təşkilatının Aparat rəhbəri Əli Quliyev iştirak ediblər.
Görüşü giriş sözü ilə YAP Yevlax rayon təşkilatının sədri, millət vəkili İlham Məmmədov açaraq bələdiyyənin yerlərdə rolu, bələdiyyə və vətəndaş münasibətləri haqqında məlumat verib.
Sonra YAP Yevlax rayon təşkilatının Aparat rəhbəri Əli Quliyev çıxış edərək bildirib ki, Yevlax şəhəri ərazisində 2 dairə üzrə 57 məntəqə mövcuddur: “Bunlardan 48 saylı Yevlax Seçki Dairəsi üzrə 31 məntəqə və 49 saylı Yevlax-Mingəçevir Seçki Dairəsi üzrə 26 məntəqə fəaliyyət göstərir. 2 Dairə üzrə ümumilikdə 58 minə yaxın seçici qeydiyyata alınıb. Yevlax rayonu üzrə 1 şəhər, 1 qəsəbə, 27 kənd olmaqla 29 bələdiyyə fəaliyyət göstərir. Seçki Məcəlləsinə uyğun olaraq 29 bələdiyyənin tərkibində mövcud olan ümumilikdə 267 yerə 267 nəfər partiya fəalının namizədliyi irəli sürülüb. Partiya tərəfindən irəli sürülən namizədlərin hər biri müvafiq dairə seçki komissiyalarında qeydə alınıb”.
Daha sonra çıxış edən YAP Yevlax rayon təşkilatı Qadınlar Şurasının sədri, Yeni Azərbaycan Partiyasının bələdiyyə seçkilərində səlahiyyətli nümayəndəsi Əminə Əhmədova bildirib ki, bələdiyyə üzvləri xalq tərəfindən seçildiyinə görə bu qurumun fəaliyyətində də yerli əhali yaxından iştirak etməlidir: “Mən hesab edirəm ki, hər bir Azərbaycan vətəndaşı dekabrın 23-də keçiriləcək növbəti bələdiyyə seçkilərində iştirak etməyi özünə borc bilməlidir. Əminəm ki, ölkəmizdə keçirilən bütün seçkilərdə uğur qazanan YAP bu seçkilərin də qalibi olacaq”.
Sonra millət vəkili Tahir Rzayev çıxış edərək namizədlərlə bağlı fikirlərini səsləndirib. Natiq həmçinin, qeyd edib ki, Azərbaycan müstəqillik əldə etdikdən sonra ölkəmizdə keçirilən bütün seçkilərin qalibi olan Yeni Azərbaycan Partiyası növbəti bələdiyyə seçkilərində də qalib gəlmək əzmindədir.

Paylaş:
Baxılıb: 702 dəfə

Xəbər lenti

Hamısına bax

Gündəm

Analitik

Xəbər lenti

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30